ప్రభుత్వ పాఠశాలల అభివృద్ధికి నూతన ఎస్ఎంసిలు కృషి చేయాలి….. నూతన కమిటీ సభ్యులకు ఎమ్మెల్యే దిశ నిర్దేశం

నూతన కమిటీ బాధ్యులకు ఎమ్మెల్యే గంటా శ్రీనివాసరావు అభినందనలు విద్యా ప్రమాణాల పెంపు.. మౌలిక వసతుల కల్పనకు సమష్టి కృషి చేయాలి విశాఖపట్నం జిల్లా,, ఆనందపురం, (పున్నమి ప్రతినిధి) అక్టోబర్ 1:: ప్రభుత్వ పాఠశాలల అభివృద్ధిలో నూతనంగా ఎన్నికైన స్కూల్ మేనేజ్‌మెంట్ కమిటీలు (ఎస్ఎంసీ) కీలక పాత్ర పోషించాలని భీమిలి ఎమ్మెల్యే గంటా శ్రీనివాసరావు పిలుపునిచ్చారు. పాఠశాలల్లో మౌలిక వసతుల కల్పన, విద్యా ప్రమాణాల పెంపునకు తల్లిదండ్రులు, ఉపాధ్యాయులు, కమిటీ సభ్యులు సమన్వయంతో ముందుకు సాగాలని సూచించారు. నూతన కమిటీలకు ఘన సత్కారం గురువారం ఎమ్మెల్యే గంటా శ్రీనివాసరావును మర్యాదపూర్వకంగా కలిసిన వెల్లంకి ఎంపీపీ పాఠశాల, బొడ్డపాలెం ఎంపీయూపీ పాఠశాల, వెల్లంకి-2 ఎంపీపీ పాఠశాలల నూతన కమిటీ చైర్మన్లు, వైస్ చైర్మన్లను ఆయన దుశ్శాలువాలతో సత్కరించి అభినందించారు. పాఠశాలల బలోపేతమే లక్ష్యం ఈ సందర్భంగా ఎమ్మెల్యే మాట్లాడుతూ ప్రభుత్వ పాఠశాలల్లో విద్యార్థులకు నాణ్యమైన విద్య, మెరుగైన వాతావరణం, అవసరమైన మౌలిక సదుపాయాలు అందేలా ప్రతి ఒక్కరూ బాధ్యతతో పనిచేయాలని పేర్కొన్నారు. పాఠశాలల సమగ్ర అభివృద్ధికి తల్లిదండ్రుల భాగస్వామ్యం ఎంతో అవసరమని తెలిపారు. కార్యక్రమంలో పాల్గొన్న ప్రముఖులు ఈ కార్యక్రమంలో మాజీ మండల అధ్యక్షుడు కాకర వెంకటరమణ, మాజీ సర్పంచ్ ఉప్పాడ లక్ష్మణరావు, కాకర సురేష్ కుమార్, సాడి ముత్యాలరెడ్డి, ఇతర నాయకులు, నూతన స్కూల్ కమిటీ బాధ్యులు పాల్గొన్నరు ఎస్ఎంసీలకు ఎమ్మెల్యే ప్రోత్సాహం పాఠశాలల అభివృద్ధిలో తల్లిదండ్రుల భాగస్వామ్యం కీలకం.. నూతన కమిటీలు సమష్టిగా పనిచేయాలని గంటా శ్రీనివాసరావు పిలుపు.