ఖమ్మం జిల్లా విద్యాశాఖ అధికారిగా డీ.వాసంతిని నియమిస్తూ ప్రభుత్వం ఉత్తర్వులు జారీ చేసింది. ప్రస్తుతం భద్రాద్రి కొత్తగూడెం జిల్లా విద్యాశాఖ అధికారిగా విధులు నిర్వహిస్తున్న డీ.వాసంతిని ఖమ్మం జిల్లాకు బదిలీ చేసింది. ప్రభుత్వ ఆదేశాల మేరకు ఆమె త్వరలో ఖమ్మం జిల్లా విద్యాశాఖ అధికారిగా బాధ్యతలు స్వీకరించనున్నారు. విద్యాశాఖలో పరిపాలనా వ్యవహారాలు, ప్రభుత్వ విద్యా కార్యక్రమాల అమలు, పాఠశాలల్లో విద్యా ప్రమాణాల పర్యవేక్షణ తదితర అంశాల్లో ఆమె కీలకంగా వ్యవహరించనున్నారు. డీఈఓగా బాధ్యతలు స్వీకరించిన అనంతరం జిల్లాలో విద్యాశాఖ కార్యకలాపాలపై ప్రత్యేక దృష్టి సారించనున్నారు.
