అన్నవరంలో అంగరంగ వైభవంగా శ్రీకృష్ణాష్టమి వేడుకలు

జలదంకి మండలం అన్నవరం గ్రామంలో శ్రీకృష్ణాష్టమి వేడుకలు అంగరంగ వైభవంగా నిర్వహించారు. పర్వదినాన్ని పురస్కరించుకుని గ్రామంలో ఆధ్యాత్మిక వాతావరణం నెలకొంది. శ్రీకృష్ణుడికి ప్రత్యేక పూజలు నిర్వహించి భక్తిశ్రద్ధలతో ఉట్టి కార్యక్రమాన్ని ఘనంగా చేపట్టారు. అనంతరం భక్తులు, గ్రామ ప్రజలకు అన్నదానం ఏర్పాటు చేశారు. శ్రీకృష్ణుని కోలా అలంకరణ ప్రత్యేక ఆకర్షణగా నిలిచింది. డప్పు వాయిద్యాలు, కోలాటాలు, భజనల నడుమ స్వామివారి ఊరేగింపు కన్నులపండువగా సాగింది. చిన్నారులు, యువత, మహిళలు పెద్ద సంఖ్యలో పాల్గొన్నారు. రాయల్ యాదవ్ యూత్ ఫోర్స్, యాదవ సంఘం సభ్యులు, అన్నవరం గ్రామ యువత, గ్రామ పెద్దలు, భక్తులు ఉత్సాహంగా పాల్గొని వేడుకలను విజయవంతం చేశారు.