వార్త ముఖ్యాంశాలు
- తనను ఇంటి ఆడబిడ్డగా ఆదరించి గెలిపించాలని కొత్తపాలెం ఎంపీటీసీ అభ్యర్థి చేవూరు శశికళ కోరారు.
- సోమవారం ఆమె గ్రామాల్లో ఇంటింటి ప్రచారం నిర్వహించి మహిళలు, పెద్దలను కలిశారు.
- పలుచోట్ల మహిళలు హారతులతో స్వాగతం పలికారు.
తనను ఇంటి ఆడబిడ్డగా ఆదరించి గెలిపించాలని కొత్తపాలెం ఎంపీటీసీ అభ్యర్థి చేవూరు శశికళ కోరారు. సోమవారం ఆమె గ్రామాల్లో ఇంటింటి ప్రచారం నిర్వహించి మహిళలు, పెద్దలను కలిశారు. పలుచోట్ల మహిళలు హారతులతో స్వాగతం పలికారు. స్థానిక సమస్యలు తనకు తెలుసని, గెలిపిస్తే తాగునీరు, డ్రైనేజీ, రోడ్లు, వీధిదీపాల సమస్యలను ప్రాధాన్యత క్రమంలో పరిష్కరిస్తానని హామీ ఇచ్చారు. గ్రామాలను పరిశుభ్రంగా, అభివృద్ధి పథంలో తీర్చిదిద్దేందుకు కృషి చేస్తానన్నారు. నిత్యం ప్రజలకు అందుబాటులో ఉంటానని తెలిపారు. జగన్‌ పాలనలో అమ్మఒడి, చేయూత, ఆసరా, విద్యాదీవెన పథకాలు ప్రజలకు అండగా నిలిచాయని పేర్కొన్నారు. ఆయన స్ఫూర్తితో సేవ చేసేందుకు ముందుకొచ్చానని చెప్పారు. ఫ్యాన్‌ గుర్తుకు ఓటేసి గెలిపించాలని విజ్ఞప్తి చేశారు. మహిళల సమస్యలు తనకు బాగా అర్థమవుతాయని, వాటి పరిష్కారానికి ప్రత్యేక శ్రద్ధ చూపుతానని ఆమె వెల్లడించారు. ప్రచారంలో వైఎస్సార్సీపీ మహిళా విభాగం నాయకులు, చేవూరు శ్రీనివాసరెడ్డి, కార్యకర్తలు పాల్గొన్నారు. యువతులు, వృద్ధులు ఆమెకు మద్దతు తెలిపారు.
