హైదరాబాద్, సెప్టెంబర్ 17: డా. బి.ఆర్.కె.ఆర్. ప్రభుత్వ ఆయుర్వేద మెడికల్ కాలేజీలో ద్వితీయ సంవత్సరం చదువుతున్న తేజోమయ సాధకాస్ బ్యాచ్–2024 విద్యార్థులు వినాయక పూజను భక్తిశ్రద్ధలతో నిర్వహించారు. కళాశాల ప్రాంగణంలో నిర్వహించిన ఈ కార్యక్రమంలో విద్యార్థులు ఉత్సాహంగా పాల్గొని, ప్రత్యేక పూజలు చేశారు.
వినాయక పూజ సందర్భంగా ఉపాధ్యాయుల సూచనతో విద్యార్థులు ఏకవింశతి పత్ర ద్రవ్యగుణ ఎక్స్పోను కూడా ఏర్పాటు చేశారు. వినాయక పూజలో వినియోగించే 21 రకాల పత్రాలను ప్రదర్శిస్తూ, వాటి ఆయుర్వేద ప్రాధాన్యత, గుణాలు, ఔషధ ప్రయోజనాలను వివరించారు.
ఎక్స్పోలో విద్యార్థులు వివిధ పత్ర ద్రవ్యాలను సేకరించి, వాటి పేర్లు, ప్రత్యేక గుణాలు, ఆయుర్వేదంలో ఉన్న ప్రాముఖ్యతను ప్రదర్శన రూపంలో తెలియజేశారు. ద్రవ్యగుణ విజ్ఞానాన్ని పుస్తకాలకే పరిమితం కాకుండా ప్రత్యక్షంగా తెలుసుకునే విధంగా ఈ కార్యక్రమాన్ని నిర్వహించారు.
సంప్రదాయ వినాయక పూజతో పాటు ఆయుర్వేదంలో ప్రాధాన్యత కలిగిన ఏకవింశతి పత్రాలపై ద్రవ్యగుణ ఎక్స్పో నిర్వహించడం కార్యక్రమానికి ప్రత్యేక ఆకర్షణగా నిలిచింది. ఉపాధ్యాయుల మార్గదర్శకత్వంలో విద్యార్థులు ఉత్సాహంగా పాల్గొని కార్యక్రమాన్ని విజయవంతంగా నిర్వహించారు.
