జనగాం

ఇప్పగూడెంలో ఘనంగా అన్నదాన కార్యక్రమం, హాజరైన ఎస్సై వినయ్ కుమార్

జనగామ జిల్లా, స్టేషన్ ఘన్‌పూర్ మండలం ఇప్పగూడెం గ్రామంలో బెస్ట్ బ్రదర్స్ యూత్ అసోసియేషన్ ఆధ్వర్యంలో నిర్వహించిన గణేష్ నవరాత్రి ఉత్సవాల వేడుకల్లో భాగంగా ప్రత్యేక అన్నదాన కార్యక్రమం ఘనంగా జరిగింది. ఈ కార్యక్రమానికి ఎస్సై వినయ్ కుమార్ ముఖ్య అతిథిగా విచ్చేసి ప్రత్యేక పూజలు నిర్వహించారు. అనంతరం గ్రామస్థులతో కలిసి అన్నదానాన్ని ప్రారంభించారు. ఈ కార్యక్రమంలో సంఘం అధ్యక్షులు అన్నెపు ఆంజనేయులు, ప్రధాన కార్యదర్శి లింగనబోయిన శ్రీకాంత్, ఉపాధ్యక్షులు అన్నెపు అనిల్, కోశాధికారి అన్నెపు రాజుతో పాటు పలువురు కమిటీ సభ్యులు మరియు గ్రామ ప్రజలు పెద్ద సంఖ్యలో పాల్గొని విజయవంతం చేశారు.