తూర్పుగోదావరి జిల్లా (పున్నమి ప్రతినిధి)
భారీ వర్షాలు కురుస్తున్న నేపథ్యంలో జిల్లా యంత్రాంగం అప్రమత్తమైంది. వర్షాల కారణంగా ప్రజలకు ఎలాంటి ఇబ్బందులు ఎదురైనా వెంటనే అధికారులను సంప్రదించి సహాయం పొందేలా కంట్రోల్ రూమ్ నంబర్ 9177143999 ను అందుబాటులో ఉంచారు. ఈ నంబర్కు ప్రజలు అత్యవసర సమయంలో ఫోన్ చేసి తమ సమస్యలను తెలియజేయవచ్చని అధికారులు సూచించారు.
భారీ వర్షాలు, ఈదురుగాలుల నేపథ్యంలో ప్రజలు అప్రమత్తంగా ఉండాలని అధికారులు సూచిస్తున్నారు. ముఖ్యంగా లోతట్టు ప్రాంతాలు, వాగులు, వంకలు, నదీ పరివాహక ప్రాంతాల్లో నివసించే ప్రజలు జాగ్రత్తగా ఉండాలి. ఆకస్మిక వరదలు వచ్చే అవకాశం ఉన్న ప్రాంతాల్లో పరిస్థితిని నిరంతరం పర్యవేక్షిస్తూ అవసరమైన ముందస్తు చర్యలు చేపడుతున్నారు.
ప్రజలు అత్యవసర పరిస్థితుల్లో కంట్రోల్ రూమ్కు సమాచారం అందించడంతో పాటు, అధికారుల సూచనలను పాటించాలని సూచించారు. పాడుబడిన ఇళ్లలో ఉండకుండా సురక్షిత ప్రాంతాలకు తరలివెళ్లడం, వరద నీటిలో ప్రయాణించకపోవడం, విద్యుత్ స్తంభాలు మరియు తెగిపోయిన విద్యుత్ తీగలకు దూరంగా ఉండడం వంటి జాగ్రత్తలు తీసుకోవాలని అధికారులు సూచిస్తున్నారు.
ముఖ్యమైన కంట్రోల్ రూమ్ నంబర్లు
తూర్పుగోదావరి జిల్లా: 9177143999 / 8977935611
రాష్ట్ర కంట్రోల్ రూమ్: 112 / 1070
టోల్ఫ్రీ: 18004250101
