వార్త ముఖ్యాంశాలు
- *విద్యార్థులకు ఇచ్చిన మాట నిలబెట్టుకున్న ఎమ్మెల్యే డాక్టర్ చదలవాడ అరవింద బాబు**రెండు నెలల్లోనే నెరవేరిన హామీ – కోటప్పకొండ జడ్పీ హైస్కూల్ విద్యార్థులకు సైకిళ్ల పంపిణీ**భారతి ట్రస్ట్ సీఎస్ఆర్ నిధుల ద్వారా నియోజకవర్గానికి 160 సైకిళ్లు మంజూరు**సోమవారం 9, 10వ తరగతి విద్యార్థులకు సైకిళ్ల పంపిణీ కార్యక్రమం*నరసరావుపేట,…
- ఆ సందర్భంగా చుట్టుపక్కల గ్రామాల నుంచి రోజూ ఎంతో దూరం నడిచి వస్తున్న పాఠశాల విద్యార్థినీ విద్యార్థులు తమ ప్రయాణ ఇబ్బందులను ఆయన దృష్టికి తీసుకెళ్లి, పాఠశాలకు చేరుకోవడానికి సైకిళ్లు సమకూర్చాలని విజ్ఞప్తి చేశారు.
- విద్యార్థుల సమస్యపై వెంటనే స్పందించిన శాసనసభ్యులు, తప్పకుండా మీ అందరికీ సైకిళ్లు అందజేస్తానని ఆ రోజే వేదికపై భరోసా ఇచ్చారు.
*విద్యార్థులకు ఇచ్చిన మాట నిలబెట్టుకున్న ఎమ్మెల్యే డాక్టర్ చదలవాడ అరవింద బాబు**రెండు నెలల్లోనే నెరవేరిన హామీ – కోటప్పకొండ జడ్పీ హైస్కూల్ విద్యార్థులకు సైకిళ్ల పంపిణీ**భారతి ట్రస్ట్ సీఎస్ఆర్ నిధుల ద్వారా నియోజకవర్గానికి 160 సైకిళ్లు మంజూరు**సోమవారం 9, 10వ తరగతి విద్యార్థులకు సైకిళ్ల పంపిణీ కార్యక్రమం*నరసరావుపేట, అక్టోబర్ 02 విద్యార్థుల సంక్షేమం, వారి విద్యాభివృద్ధే ధ్యేయంగా నరసరావుపేట శాసనసభ్యులు డాక్టర్ చదలవాడ అరవింద బాబు గారు విద్యార్థులకు ఇచ్చిన హామీని కేవలం రెండు నెలల వ్యవధిలోనే నెరవేర్చి తమ చిత్తశుద్ధిని చాటుకున్నారు.గత జులై 24వ తేదీన కోటప్పకొండ జిల్లా పరిషత్ ఉన్నత పాఠశాలలో నిర్వహించిన ‘మెగా పేరెంట్స్ అండ్ టీచర్స్’ (PTM) సమావేశానికి ఎమ్మెల్యే డాక్టర్ చదలవాడ అరవింద బాబు గారు ముఖ్యఅతిథిగా హాజరయ్యారు. ఆ సందర్భంగా చుట్టుపక్కల గ్రామాల నుంచి రోజూ ఎంతో దూరం నడిచి వస్తున్న పాఠశాల విద్యార్థినీ విద్యార్థులు తమ ప్రయాణ ఇబ్బందులను ఆయన దృష్టికి తీసుకెళ్లి, పాఠశాలకు చేరుకోవడానికి సైకిళ్లు సమకూర్చాలని విజ్ఞప్తి చేశారు. విద్యార్థుల సమస్యపై వెంటనే స్పందించిన శాసనసభ్యులు, తప్పకుండా మీ అందరికీ సైకిళ్లు అందజేస్తానని ఆ రోజే వేదికపై భరోసా ఇచ్చారు. చదువుకునే విద్యార్థులంటే ఎంతో ఆదరణ చూపే అరవింద బాబు గారు, ఇచ్చిన మాట ప్రకారం వెంటనే భారతి ట్రస్ట్‌ను సంప్రదించారు. ఎమ్మెల్యే గారి విజ్ఞప్తికి ట్రస్ట్ ప్రతినిధులు సానుకూలంగా స్పందించి, తమ కార్పొరేట్ సామాజిక బాధ్యత (CSR) నిధుల కింద నరసరావుపేట నియోజకవర్గానికి 160 సైకిళ్లను మంజూరు చేశారు. హామీ ఇచ్చిన రెండు నెలల స్వల్ప వ్యవధిలోనే ఈ సైకిళ్లు విద్యార్థుల చెంతకు చేరుకున్నాయి. వాస్తవానికి గాంధీ జయంతి రోజే ఈ సైకిళ్లను విద్యార్థులకు అందజేయాలని భావించినప్పటికీ, ప్రభుత్వ సెలవు దినం కావడంతో ఈ కార్యక్రమాన్ని సోమవారం నిర్వహించాలని నిర్ణయించారు. వచ్చే సోమవారం కోటప్పకొండ జడ్పీ హైస్కూల్ ఆవరణలో 9వ, 10వ తరగతి చదువుతున్న అర్హులైన విద్యార్థినీ విద్యార్థులకు శాసనసభ్యుల చేతుల మీదుగా ఈ సైకిళ్లను పంపిణీ చేయనున్నారు. విద్యార్థుల చదువు కోసం అడగ్గానే సైకిళ్లు సమకూర్చిన ఎమ్మెల్యే గారికి పాఠశాల ఉపాధ్యాయులు, విద్యార్థులు, వారి తల్లిదండ్రులు హృదయపూర్వక కృతజ్ఞతలు తెలిపారు.
