వార్త ముఖ్యాంశాలు
- సమగ్ర శిక్ష జిల్లా ర్యాంకింగ్స్‌లో జనగామకు ప్రథమ స్థానం 151.29 మొత్తం స్కోరుతో రాష్ట్రంలో అగ్రస్థానం-కలెక్టర్ సందీప్ కుమార్ ఝా -------------------------------------------------------------------- విద్యా ప్రమాణాలు, విద్యార్థుల హాజరు, ఉపాధ్యాయుల హాజరు, మౌలిక వసతులు, పర్యవేక్షణ, తదితర అంశాల్లో సమర్థవంతమైన పనితీరు* *జిల్లా విద్యా శాఖ కృషికి అభినందనలు*…
- విద్యా రంగానికి సంబంధించిన వివిధ కీలక సూచికల్లో జిల్లాలో నమోదైన పురోగతిని పరిగణనలోకి తీసుకుని రూపొందించిన ర్యాంకింగ్స్‌లో జనగామ జిల్లా 151.29 మొత్తం స్కోరుతో ర్యాంక్–1 సాధించిందని వెల్లడించారు.
- విద్యార్థుల విద్యా ప్రమాణాలు, పాఠశాలల్లో విద్యార్థులు మరియు ఉపాధ్యాయుల హాజరు, మధ్యాహ్న భోజన పథకం అమలు, పాఠశాలల పర్యవేక్షణ, మౌలిక వసతులు, విద్యా ఫలితాలు, వివిధ విద్యా కార్యక్రమాల అమలు, తదితర అంశాలను ఆధారంగా చేసుకుని ఈ స్కోర్‌ను రూపొందించడం జరిగిందన్నారు.
సమగ్ర శిక్ష జిల్లా ర్యాంకింగ్స్‌లో జనగామకు ప్రథమ స్థానం
151.29 మొత్తం స్కోరుతో రాష్ట్రంలో అగ్రస్థానం-కలెక్టర్ సందీప్ కుమార్ ఝా
——————————————————————–
విద్యా ప్రమాణాలు, విద్యార్థుల హాజరు, ఉపాధ్యాయుల హాజరు, మౌలిక వసతులు, పర్యవేక్షణ, తదితర అంశాల్లో సమర్థవంతమైన పనితీరు*
*జిల్లా విద్యా శాఖ కృషికి అభినందనలు*
*జిల్లా కలెక్టర్ సందీప్ కుమార్ ఝా*
సమగ్ర శిక్ష, తెలంగాణ ఆధ్వర్యంలో సెప్టెంబర్–2026 నెలకు సంబంధించిన జిల్లా ర్యాంకింగ్స్‌లో జనగామ జిల్లా రాష్ట్రంలో ప్రథమ స్థానాన్ని సాధించిందని *జిల్లా కలెక్టర్ సందీప్ కుమార్ ఝా* గురువారం ఒక ప్రకటనలో తెలిపారు.
విద్యా రంగానికి సంబంధించిన వివిధ కీలక సూచికల్లో జిల్లాలో నమోదైన పురోగతిని పరిగణనలోకి తీసుకుని రూపొందించిన ర్యాంకింగ్స్‌లో జనగామ జిల్లా 151.29 మొత్తం స్కోరుతో ర్యాంక్–1 సాధించిందని వెల్లడించారు.
విద్యార్థుల విద్యా ప్రమాణాలు, పాఠశాలల్లో విద్యార్థులు మరియు ఉపాధ్యాయుల హాజరు, మధ్యాహ్న భోజన పథకం అమలు, పాఠశాలల పర్యవేక్షణ, మౌలిక వసతులు, విద్యా ఫలితాలు, వివిధ విద్యా కార్యక్రమాల అమలు, తదితర అంశాలను ఆధారంగా చేసుకుని ఈ స్కోర్‌ను రూపొందించడం జరిగిందన్నారు.
*జనగామ జిల్లా సాధించిన 151.29 మొత్తం స్కోర్లో వివిధ విభాగాల వారీగా నమోదైన స్కోర్లు ఈ విధంగా ఉన్నాయి:*
– ఆధార్ స్కోర్: 6.10
– PM SHRI వ్యయ స్కోర్: 7.16
– SSA వ్యయ శాతం స్కోర్: 8.69
– విద్యార్థుల హాజరు స్కోర్: 8.95
– ఉపాధ్యాయుల హాజరు స్కోర్: 7.88
– MDM వినియోగ శాతం స్కోర్: 7.92
– PGI శాతం స్కోర్: 10
– ట్రాన్సిషన్ రేట్ స్కోర్: 5.41
– రిటెన్షన్ రేట్ స్కోర్: 4.11
– MEO సందర్శనల స్కోర్: 4.42
– CHM సందర్శనల స్కోర్: 7.69
– బేస్‌లైన్ స్కోర్: 6.23
– NAS – 3వ తరగతి స్కోర్: 10
– NAS – 6వ తరగతి స్కోర్: 10
– NAS – 9వ తరగతి స్కోర్: 10
– మరుగుదొడ్ల స్కోర్: 10
– తాగునీటి సౌకర్యం స్కోర్: 10
– DropBox Clearance స్కోర్: 7.12
– PH Whala Lectures స్కోర్: 4.60
– Khan Academy స్కోర్: 0.89
– AXL స్కోర్: 4.12
ముఖ్యంగా PGI, NAS 3వ తరగతి, NAS 6వ తరగతి, NAS 9వ తరగతి, మరుగుదొడ్లు, తాగునీటి సౌకర్యం వంటి పలు సూచికల్లో జనగామ జిల్లా పూర్తి 10 స్కోర్ సాధించడం విశేషం. అలాగే విద్యార్థుల హాజరులో 8.95, SSA వ్యయంలో 8.69, MDM వినియోగంలో 7.92, ఉపాధ్యాయుల హాజరులో 7.88, CHM సందర్శనల్లో 7.69 స్కోర్లు నమోదయ్యాయి.
విద్యార్థుల అభ్యసన సామర్థ్యాన్ని అంచనా వేసే NAS సూచికల్లో 3వ, 6వ, 9వ తరగతులకు 10 స్కోర్ సాధించడం ద్వారా విద్యా ప్రమాణాల మెరుగుదలపై జిల్లాలో చేపడుతున్న చర్యలు ప్రతిఫలించాయి. పాఠశాలల్లో మరుగుదొడ్లు, తాగునీటి సౌకర్యాలకు కూడా 10 స్కోర్ నమోదు కావడం పాఠశాల మౌలిక వసతులపై దృష్టికి నిదర్శనంగా నిలిచింది.
ఈ ర్యాంకింగ్ ద్వారా జిల్లాలోని ప్రభుత్వ పాఠశాలల్లో విద్యార్థుల హాజరును పెంపొందించడం, ఉపాధ్యాయుల హాజరును మెరుగుపరచడం, మధ్యాహ్న భోజన పథకం సమర్థవంతంగా అమలు చేయడం, విద్యార్థుల అభ్యసన ఫలితాలను మెరుగుపరచడం, పాఠశాలల్లో మౌలిక వసతులను బలోపేతం చేయడం, విద్యా కార్యక్రమాలను పర్యవేక్షించడం వంటి అంశాల్లో నమోదైన పురోగతి స్పష్టమవుతోంది.
సెప్టెంబర్–2026 నెలలో సమగ్ర శిక్ష జిల్లా ర్యాంకింగ్స్‌లో జనగామ జిల్లా 151.29 స్కోరుతో ప్రథమ ర్యాంక్ సాధించడం పట్ల జిల్లా విద్యా శాఖ అధికారులు, మండల విద్యా శాఖ అధికారులు, ప్రధానోపాధ్యాయులు, ఉపాధ్యాయులు, విద్యా రంగంతో అనుబంధం ఉన్న అధికారులు, సిబ్బందికి ఈ సందర్భంగా *కలెక్టర్* అభినందనలు తెలిపారు. ఇదే స్ఫూర్తితో జిల్లాలో విద్యా ప్రమాణాలను మరింత మెరుగుపరచి, విద్యార్థుల సమగ్ర అభివృద్ధికి నిరంతరం కృషి చేయాలని సూచించారు.
