*నటి త్రిషపై ‘డబుల్ మీనింగ్’ బాణాలు.. ఉదయనిధి స్టాలిన్ అరెస్ట్!** *కావేరీ నిరసనల్లో నోరు జారిన డీఎంకే నేత!** * *నటి త్రిషను లాగుతూ అసభ్య కామెంట్స్!** * *అట్టుడుకుతున్న తమిళనాడు.. రంగంలోకి పోలీసులు, మహిళా కమిషన్!** Aug 04`మరిన్ని తాజా వార్తల కోసం..చెన్నై: తమిళనాడు రాజకీయాల్లో ఒక్కసారిగా పెను భూకంపం సంభవించింది. సినిమా, రాజకీయ వర్గాల్లో హాట్ టాపిక్గా మారిన డీఎంకే (DMK) యువనేత ఉదయనిధి స్టాలిన్ను పోలీసులు ఎట్టకేలకు అరెస్ట్ చేశారు. కావేరీ జలాల నిరసన సభ వేదికగా.. ప్రముఖ స్టార్ హీరోయిన్ త్రిషను ఉద్దేశించి ఆయన చేసిన ‘డబుల్ మీనింగ్’ (ద్వంద్వార్థ) వ్యాఖ్యలు ఇప్పుడు ఆయనను పోలీస్ స్టేషన్ మెట్లు ఎక్కించాయి.*వేదిక కావేరీది.. కామెంట్స్ త్రిషవా?*_అసలేం జరిగిందంటే…_ కావేరీ నదీ జలాల వివాదంపై తంజావూరులో సోమవారం డీఎంకే భారీ నిరసన ప్రదర్శన చేపట్టింది. ఈ సభలో ఉదయనిధి స్టాలిన్ మైకందుకుని.. నటుడు, టీవీకే (TVK) అధినేత విజయ్ నేతృత్వంలోని రాష్ట్ర ప్రభుత్వంపై నిప్పులు చెరిగారు. రైతుల ప్రయోజనాలను ప్రభుత్వం గాలికొట్టేసిందని విమర్శిస్తున్న సమయంలో.. సభలో ఉన్న కొందరు కార్యకర్తలు ఒక్కసారిగా ‘త్రిష.. త్రిష..’ అంటూ కేకలు వేశారు. ఆ నినాదాలతో రెచ్చిపోయిన ఉదయనిధి.. ప్రసంగం ఫ్లోలో పరోక్షంగా నటి త్రిష ప్రస్తావన తెస్తూ తీవ్ర అసభ్యకరమైన, ద్వంద్వార్థం ధ్వనించేలా వ్యాఖ్యలు చేశారు. ఇది కాస్తా కెమెరాల్లో రికార్డ్ అయి సోషల్ మీడియాలో వైరల్ కావడంతో తీవ్ర దుమారం రేగింది. అయితే వివాదం ముదరడంతో.. “నేను మాట్లాడింది కావేరీ నది గురించి, త్రిష గురించి కాదు” అంటూ ఉదయనిధి నష్టనివారణ చర్యలు (కవరింగ్) ప్రారంభించినా అప్పటికే జరగాల్సిన నష్టం జరిగిపోయింది.*’డీఎంకే దిగజారుడు రాజకీయాలు’.. విజయ్ పార్టీ ఫైర్!* ఉదయనిధి వ్యాఖ్యలపై తమిళనాడులో పొలిటికల్ హీట్ నెక్స్ట్ లెవెల్కు చేరింది. థలపతి విజయ్ నేతృత్వంలోని టీవీకే (TVK) పార్టీ శ్రేణులు ఉదయనిధిపై తీవ్రస్థాయిలో విరుచుకుపడ్డాయి. “ఇలాంటి అసహ్యకరమైన, అవమానకరమైన వ్యాఖ్యలు ఆమోదయోగ్యం కాదు. డీఎంకే దిగజారుతున్న రాజకీయ ప్రమాణాలకు ఈ మాటలే నిదర్శనం” అంటూ టీవీకే నేతలు మండిపడ్డారు. అటు బీజేపీ సైతం ఈ ప్రవర్తనను తీవ్రంగా ఖండించింది. ఈ క్రమంలో టీవీకే పార్టీ ఒక అడుగు ముందుకు వేసి.. ఉదయనిధిపై జాతీయ మహిళా కమిషన్కు ఫిర్యాదు చేసింది. ఆయన తక్షణమే బేషరతుగా క్షమాపణ చెప్పాలని డిమాండ్ చేసింది.*ఇంటి ముట్టడి.. బెయిల్ కోసం హైకోర్టుకు ఉదయనిధి!* పరిస్థితి చేతులు దాటడంతో ఉదయనిధి ఇంటి ముందర విజయ్ మద్దతుదారులు, టీవీకే కార్యకర్తలు భారీగా మోహరించి ఆందోళనకు దిగారు. శాంతిభద్రతల సమస్య తలెత్తకుండా పోలీసులు వెంటనే రంగంలోకి దిగి ఉదయనిధిపై కేసు నమోదు చేసి, ఆయనను అదుపులోకి తీసుకుని స్టేషన్కు తరలించారు. మరోవైపు, అరెస్ట్ భయంతో ఉదయనిధి స్టాలిన్ ముందస్తుగా బెయిల్ కోసం మద్రాస్ హైకోర్టును ఆశ్రయించారు. దీనిపై మధ్యాహ్నం కోర్టులో అత్యవసర విచారణ జరగనుంది. ఈ పొలిటికల్ హైడ్రామా తమిళనాట ఏ మలుపు తిరుగుతుందో చూడాలి మరి!!వినోద్ కుమార్
