ఇండియన్ రెడ్ క్రాస్ సొసైటీ ఆధ్వర్యంలో ఆరోగ్య అవగాహనా సదస్సు

శ్రీకాళహస్తి నవంబర్ 21, పున్నమి న్యూస్ : శ్రీకాళహస్తి పట్టణంలోని ఆక్సి్ఫర్డ్ డిగ్రీ కాలేజీ విద్యార్ధినులకు శుక్రవారం నాడు శ్రీకాళహస్తి యం.జి.యం.హాస్పిటల్స్, ఇండియన్ రెడ్ క్రాస్ సొసైటీ ఆధ్వర్యంలో స్త్రీ సంబంధిత ఆరోగ్యలపై అవగాహనా సదస్సులను నిర్వహించారు. ఈ సదస్సులో యం.జి.యం. హాస్పిటల్స్ స్త్రీ సంబంధిత వైద్య నిపుణురాలు డాక్టర్ లక్ష్మి ప్రసన్న మాట్లాడుతూ..విద్యార్ధినులకు ఋతుక్రమ సమయంలో అవసరమగు జాగ్రతలు, తీసుకోవలసిన శుభ్రతా విధానాలను గురించి వివరంగా తెలియ జేశారు. ప్రతీ విషయంలోనూ అమ్మాయిలు తగు నియమాలను పాటిస్తూ ఆరోగ్యంగా ఉండాలన్నారు. అనంతరం MGM హాస్పిటల్స్ చిన్నపిల్లల వైద్య నిపుణులు డాక్టర్ ఉమా మహేశ్వర్ రావు మాట్లాడుతూ.. క్యాన్సర్ సంబంధిత వాక్సిన్ లు తగు సమయంలో వేసుకుంటూ ఆరోగ్యంగా ఉండాలని సూచిస్తూ.. విద్యార్ధినులు అడిగిన ప్రతీ సందేహాలకు వివరంగా విశదీకరించారు. ఈ సదస్సులో ఇండియన్ రెడ్ క్రాస్ సొసైటీ వైస్ చైర్మన్ డాక్టర్ మయూర్ మాట్లాడుతూ రాబోయే రోజుల్లో ఇలాంటి కార్యక్రమాలు ప్రతీ జూనియర్ కాలేజీ, డిగ్రీ కాలేజీ లలో నిర్వహించి విద్యార్ధినులకు అవగాహన కల్పించడమే MGM హాస్పిటల్స్, ఇండియన్ రెడ్ క్రాస్ సొసైటీ ముఖ్య ఉద్దేశ్యంమని ఆయన తెలిపారు. ఇలాంటి మంచి కార్యక్రమాలు చేస్తున్న MGM హాస్పిటల్స్ డైరెక్టకి ఆక్సిఫోర్డ్ డిగ్రీ కాలజీ కరెస్పాండంట్ మధుసూదనరెడ్డి ధన్యవాదములు తెలిపారు.