చెన్నారావుపేట, సెప్టెంబర్ 22 పోలీస్ కళా బృందం ఆధ్వర్యంలో కళాజాత కార్యక్రమాన్ని నిర్వహించారు. సోమవారం రాత్రి సూరిపల్లి గ్రామంలో వరంగల్ పోలీస్ కమిషనర్ శ్వేతారెడ్డి ఆదేశాల మేరకు జాగృతి పోలీస్ కళాబృందం ఆధ్వర్యంలో కళాజాత కార్యక్రమాన్ని చేపట్టారు. ఈ సందర్భంగా పోలీస్ జాగృతి కళాబృందం సభ్యులు ప్రత్యేక సామాజిక, సాంస్కృతిక కార్యక్రమాలను నిర్వహించారు. సమాజంలో జరుగుతున్న పలు అసాంఘిక కార్యకలాపాలు, నేరాలపై ప్రజలను పాటలు, నాటికలు, మ్యాజిక్ షో రూపంలో చైతన్యపరిచారు. ఈ కార్యక్రమంలో చెన్నారావుపేట ఎస్సై రాజేష్ రెడ్డి పాల్గొని మాదకద్రవ్యాల నిర్మూలన, సైబర్ నేరాల పై అప్రమత్తత, రోడ్డు భద్రత నియమాలు, మహిళా రక్షణ, డయల్ 100, శాంతిభద్రతల పరిరక్షణ, సామాజిక బాధ్యత అంశాలపై గ్రామస్తులకు, గ్రామాల్లోని యువతకు అవగాహన కల్పించారు. ఈ కార్యక్రమంలో గ్రామ సర్పంచ్ గడ్డం రజిత సురేష్ గౌడ్, ఉప సర్పంచ్ గాడుదుల రాజశేఖర్, వార్డు సభ్యురాలు బత్తిని కమల, కానిస్టేబుల్ యాకయ్య, పోలీస్ జాగృతి కళాబృందం సభ్యులు, గ్రామస్తులు, యువకులు, మహిళలు, తదితరులు పాల్గొన్నారు.
