వార్త ముఖ్యాంశాలు
- Uploaded Video:
పిల్లలకు పాఠాలు చెప్పడమే కాదు… మానవత్వాన్ని చేతల్లో చూపించిన పిలక వాని పాలెం లక్కీ అమర్ స్కూల్ తల్లిదండ్రులు!**
విశాఖపట్నం జిల్లా, (పున్నమి ప్రతినిధి ) నవంబర్ 16:: పుస్తకాల్లో అక్షరాలు నేర్పే పాఠశాలలు ఎన్నో ఉంటాయి… కానీ జీవితానికి అవసరమైన మానవత్వపు విలువలను ఆచరణలో చూపించే పాఠశాలలు అరుదు. అలాంటి అరుదైన ఆదర్శానికి పిలకవానిపాలెంలోని లక్కీ అమర్ స్కూల్ వేదికగా నిలిచింది.
తమ పిల్లల కళ్ల ముందే తల్లిదండ్రులు రక్తదానం చేసి, సేవాభావానికి సరికొత్త నిర్వచనం చెప్పారు. ఒకరి ప్రాణాన్ని కాపాడేందుకు మనం చేసే చిన్న ప్రయత్నం మరొక కుటుంబానికి ఎంతటి ఆనందాన్ని ఇస్తుందో తమ చేతల ద్వారా పిల్లలకు అర్థమయ్యేలా చేశారు.
**పిల్లలు పుస్తకాల్లో చదివే నీతి పాఠాలు ఒక ఎత్తు… తమ తల్లిదండ్రులు రక్తదానం చేస్తూ చూపించే మానవత్వం మరో ఎత్తు!** ఈ రోజు పిల్లలు చూసిన ఈ దృశ్యం రేపు వారి జీవితాల్లో సేవాగుణంగా వికసిస్తుందనడంలో సందేహం లేదు.
**బ్లడ్ మాన్ వినోద్ బాబు గారి ఆధ్వర్యంలో, వందే భారత్ బ్లడ్ బ్యాంక్ సహకారంతో** ఈ రక్తదాన శిబిరాన్ని నిర్వహించారు. రక్తదానం ప్రాముఖ్యతను తెలియజేస్తూ తల్లిదండ్రులను ఈ మహత్తర సేవలో భాగస్వాములను చేసిన పాఠశాల డైరెక్టర్ శ్రీ వాసుదేవరావు గారికి, కార్యక్రమాన్ని విజయవంతం చేసిన ఉపాధ్యాయ బృందానికి హృదయపూర్వక అభినందనలు.
రక్తదానం చేసిన ప్రతి తల్లిదండ్రికి ప్రత్యేక కృతజ్ఞతలు.
**ఎందుకంటే… మనం ఇచ్చే రక్తం మన శరీరంలో తిరిగి తయారవుతుంది… కానీ ఆ రక్తంతో నిలిచే ఒక ప్రాణం, ఒక కుటుంబానికి తిరిగి ఆనందాన్ని ఇస్తుంది!**
**రక్తదానం ఒక దానం మాత్రమే కాదు… అది ఒక మనిషికి మనం ఇచ్చే మరో జీవిత అవకాశం!**
Uploaded Video:



వార్తా మూలాలు
- Punnami Reportingసొంత రిపోర్టింగ్