కోగిలి ఎంపీపీ పాఠశాల, హరిజనవాడ పరిధిలో పాఠశాల నిర్వహణలో తల్లిదండ్రులు, ఉపాధ్యాయుల భాగస్వామ్యాన్ని మరింత బలోపేతం చేసే దిశగా స్కూల్ మేనేజ్మెంట్ కమిటీ (ఎస్ఎంసీ) ఎన్నికలు నిర్వహించారు.
పాఠశాల ఆవరణలో జరిగిన ఈ ఎన్నికల ప్రక్రియ ప్రశాంతంగా కొనసాగింది.
ఈ సందర్భంగా ఎస్ఎంసీ చైర్మన్గా రాయపు వెంకటేశ్వర్లు, వైస్ చైర్మన్గా కమతం రజిని ఏకగ్రీవంగా ఎన్నికయ్యారు.
ఎన్నికల ప్రక్రియలో ఎలాంటి విభేదాలు, పోటీ లేకుండా సభ్యుల సమ్మతితో ఎంపిక జరగడంతో కార్యక్రమం సజావుగా ముగిసింది.
మండల బీసీ సెల్ అధ్యక్షుడు షేక్ రషీద్ భాయ్ ఆధ్వర్యంలో జరిగిన ఈ కార్యక్రమంలో పాఠశాల అభివృద్ధి, విద్యార్థులకు మెరుగైన విద్యా వాతావరణం కల్పించడం, పాఠశాలలో మౌలిక వసతుల అభివృద్ధికి తల్లిదండ్రులు, ఉపాధ్యాయులు సమన్వయంతో పనిచేయాల్సిన అవసరంపై చర్చ జరిగినట్లు తెలిపారు.
కొత్తగా ఎన్నికైన ఎస్ఎంసీ చైర్మన్, వైస్ చైర్మన్లకు పలువురు అభినందనలు తెలిపారు.
పాఠశాల అభివృద్ధికి కమిటీ సమష్టిగా కృషి చేయాలని ఆకాంక్షించారు.
ఎన్నికల ప్రక్రియ ఎలాంటి అవాంఛనీయ ఘటనలకు తావులేకుండా ప్రశాంత వాతావరణంలో పూర్తవడంతో నిర్వాహకులు, సభ్యులు సంతృప్తి వ్యక్తం చేశారు.
పాఠశాల అభివృద్ధే లక్ష్యంగా..
ఎస్ఎంసీ నూతన కమిటీ పాఠశాల అవసరాలను గుర్తించి, విద్యార్థుల విద్యాభివృద్ధికి తోడ్పడేలా పనిచేయాలని స్థానికులు ఆకాంక్షించారు.
తల్లిదండ్రులు, ఉపాధ్యాయులు, ఎస్ఎంసీ సభ్యుల సమన్వయంతో పాఠశాలకు మరింత మెరుగైన వాతావరణం కల్పించవచ్చని పేర్కొన్నారు.
ఎన్నికల కార్యక్రమాన్ని ముఖ్యంగా హాజరైన వ్యక్తులు ఎంపిటిసి షేక్ ముజ్మీర్,టిడిపి నాయకుడు షేక్ ఖలీల్ బాషా, టిడిపి సీనియర్ నాయకురాలు కొండమ్మ, బూత్ కన్వీనర్ కమతం చెంగయ్య టిడిపి సీనియర్ నాయకులు అబ్దుల్, టిడిపి నాయకులు మొగల రాజా, రాయపు రమేష్, కమతం వెంకటేశ్వర్లు గ్రామస్తులు తదితరులు కార్యక్రమంలో పాల్గొన్నారు
