వార్త ముఖ్యాంశాలు
- శ్రీకాళహస్తి పట్టణంలో హెల్పింగ్ హాండ్స్ స్వచ్ఛంద సేవా సంస్థ ఆధ్వర్యంలో ప్రత్యేక ప్రతిభావంతులు, పేదలకు నిత్యావసర సరుకుల పంపిణీ కార్యక్రమం నిర్వహించారు.
- చిల్డ్రన్స్ ఫ్యాన్సీ యజమాని మునీర్ భాష ప్రతి నెలా ఈ సేవా కార్యక్రమాన్ని నిర్వహిస్తూ అవసరమైన వారికి చేయూతనందిస్తున్నారు.
- ఆదివారం నాడు నిర్వహించిన ఈ కార్యక్రమానికి శ్రీకాళహస్తి ఒకటో పట్టణ వలయాధికారి (సి.ఐ) ప్రకాష్ ముఖ్య అతిథిగా హాజరై పేదలకు, ప్రత్యేక ప్రతిభావంతులకు నిత్యావసర సరుకులను పంపిణీ చేశారు.
శ్రీకాళహస్తి పట్టణంలో హెల్పింగ్ హాండ్స్ స్వచ్ఛంద సేవా సంస్థ ఆధ్వర్యంలో ప్రత్యేక ప్రతిభావంతులు, పేదలకు నిత్యావసర సరుకుల పంపిణీ కార్యక్రమం నిర్వహించారు. చిల్డ్రన్స్ ఫ్యాన్సీ యజమాని మునీర్ భాష ప్రతి నెలా ఈ సేవా కార్యక్రమాన్ని నిర్వహిస్తూ అవసరమైన వారికి చేయూతనందిస్తున్నారు. ఆదివారం నాడు నిర్వహించిన ఈ కార్యక్రమానికి శ్రీకాళహస్తి ఒకటో పట్టణ వలయాధికారి (సి.ఐ) ప్రకాష్ ముఖ్య అతిథిగా హాజరై పేదలకు, ప్రత్యేక ప్రతిభావంతులకు నిత్యావసర సరుకులను పంపిణీ చేశారు. ఈ సందర్భంగా సి.ఐ మాట్లాడుతూ…. సమాజంలో వెనుకబడిన వర్గాలకు సహాయం చేయడంలో హెల్పింగ్ హాండ్స్ సంస్థ చేస్తున్న సేవలను అభినందించారు. మునీర్ భాష చేపడుతున్న సామాజిక సేవలను అందరూ ఆదర్శంగా తీసుకుని సేవాభావంతో ముందుకు రావాలని సూచించారు. ఈ కార్యక్రమంలో హెల్పింగ్ హాండ్స్ స్వచ్ఛంద సేవా సంస్థ వ్యవస్థాపకుడు మునీర్ భాషతో పాటు కమిటీ సభ్యులు, వాలంటీర్లు పాల్గొన్నారు.
