Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel
శ్రీ పొట్టి శ్రీరాములు నెల్లూరు

నెల్లూరులో అక్రమ లేఅవుట్ల దందా.. 473 వెంచర్లకు అనుమతులేవీ?

పున్నమి న్యూస్‌రూమ్ ప్రచురణ:
నెల్లూరులో అక్రమ లేఅవుట్ల దందా.. 473 వెంచర్లకు అనుమతులేవీ?

వార్త ముఖ్యాంశాలు

  • నెల్లూరు: జిల్లాలో అనధికార లేఅవుట్ల వ్యవహారం మరోసారి చర్చనీయాంశంగా మారింది.
  • ప్రభుత్వ నిబంధనలను పక్కనపెట్టి కొందరు రియల్ ఎస్టేట్ వ్యాపారులు వ్యవసాయ భూములను ప్లాట్లుగా విభజించి విక్రయిస్తున్నారనే ఆరోపణలు వెల్లువెత్తుతున్నాయి.
  • అవసరమైన అనుమతులు లేకుండానే వెంచర్లు ఏర్పాటు చేసి ప్రజలకు ప్లాట్లు విక్రయిస్తుండటంతో కొనుగోలుదారులు భవిష్యత్తులో ఇబ్బందులు ఎదుర్కొనే పరిస్థితి నెలకొంటోంది.

నెల్లూరు: జిల్లాలో అనధికార లేఅవుట్ల వ్యవహారం మరోసారి చర్చనీయాంశంగా మారింది. ప్రభుత్వ నిబంధనలను పక్కనపెట్టి కొందరు రియల్ ఎస్టేట్ వ్యాపారులు వ్యవసాయ భూములను ప్లాట్లుగా విభజించి విక్రయిస్తున్నారనే ఆరోపణలు వెల్లువెత్తుతున్నాయి. అవసరమైన అనుమతులు లేకుండానే వెంచర్లు ఏర్పాటు చేసి ప్రజలకు ప్లాట్లు విక్రయిస్తుండటంతో కొనుగోలుదారులు భవిష్యత్తులో ఇబ్బందులు ఎదుర్కొనే పరిస్థితి నెలకొంటోంది.

నుడా, పంచాయతీ శాఖల మధ్య సమన్వయం కొరవడటం అక్రమ లేఅవుట్లకు అవకాశం కల్పిస్తోందనే విమర్శలు వినిపిస్తున్నాయి. క్షేత్రస్థాయిలో పర్యవేక్షణ లోపించడం, సంబంధిత శాఖల అధికారులు సకాలంలో స్పందించకపోవడం వల్ల అనధికార వెంచర్లు విస్తరిస్తున్నాయనే ఆరోపణలు ఉన్నాయి. ఫిర్యాదులు అందిన తర్వాతే కొన్ని అక్రమ లేఅవుట్లపై చర్యలు తీసుకుంటున్నారనే అభిప్రాయాలు వ్యక్తమవుతున్నాయి.

మరోవైపు నెల్లూరు నగర పరిధిలో చెరువులు, బఫర్‌ జోన్ల ఆక్రమణలతో పాటు ప్రజా అవసరాల కోసం కేటాయించిన రిజర్వు స్థలాల విక్రయాలపై కూడా ఆరోపణలు వస్తున్నాయి. ఈ వ్యవహారాలపై సంబంధిత శాఖలు సమగ్ర విచారణ చేపట్టాలనే డిమాండ్ వినిపిస్తోంది.

అధికారిక గణాంకాల ప్రకారం జిల్లాలో సుమారు 473 అనుమతులు లేని లేఅవుట్లు ఉన్నట్లు తెలుస్తోంది. వీటిలో కేవలం 100 మంది మాత్రమే క్రమబద్ధీకరణ కోసం దరఖాస్తు చేసుకున్నట్లు సమాచారం. ఈ అక్రమ వెంచర్ల పరిధిలో దాదాపు 26,500 ప్లాట్లు ఉన్నట్లు అధికారులు వెల్లడించిన గణాంకాలు సూచిస్తున్నాయి.

ప్రజల కష్టార్జితంతో కొనుగోలు చేస్తున్న స్థలాలకు చట్టబద్ధమైన అనుమతులు ఉన్నాయా లేదా అనే అంశంపై స్పష్టత కల్పించాలని కొనుగోలుదారులు కోరుతున్నారు. అనధికార లేఅవుట్లపై ప్రత్యేక తనిఖీలు నిర్వహించి, బాధ్యులపై చట్టపరమైన చర్యలు తీసుకోవాలని, భవిష్యత్తులో ఇలాంటి అక్రమాలకు అడ్డుకట్ట వేయాలని ప్రజలు డిమాండ్ చేస్తున్నారు.

Leave a comment

Your email address will not be published. Required fields are marked *