నందిగామ అభివృద్ధికి మరో ముందడుగు.. ₹19 కోట్ల HAM నిధులతో రోడ్ల నిర్మాణానికి శ్రీకారం!
2, 3, 4 వార్డుల్లో సీసీ రోడ్లకు శంకుస్థాపన చేసిన ప్రభుత్వ విప్, ఎమ్మెల్యే శ్రీమతి తంగిరాల సౌమ్య గారు.
నందిగామ: పట్టణంలో మౌలిక సదుపాయాల అభివృద్ధికి ప్రాధాన్యతనిస్తూ, ప్రజలకు మెరుగైన రహదారి సౌకర్యాలు కల్పించే దిశగా ఆంధ్రప్రదేశ్ ప్రభుత్వ విప్,ఎమ్మెల్యే శ్రీమతి తంగిరాల సౌమ్య గారు మరో కీలక అడుగు వేశారు. నందిగామ పట్టణంలో హైబ్రిడ్ యాన్యుటీ మోడల్ (HAM) పథకం కింద మంజూరైన రూ.19 కోట్ల నిధులతో చేపడుతున్న సీసీ రోడ్ల నిర్మాణ పనుల్లో భాగంగా 2, 3, 4వ వార్డుల్లో వివిధ రోడ్ల నిర్మాణాలకు ఆమె శంకుస్థాపన చేశారు.
మున్సిపల్ కమిషనర్, సంబంధిత అధికారులు, కూటమి నాయకులతో కలిసి ఈ కార్యక్రమంలో పాల్గొన్న ఎమ్మెల్యే తంగిరాల సౌమ్య గారు.. పట్టణ ప్రజలకు మెరుగైన రహదారులు అందించడంతో పాటు, వార్డుల్లో నెలకొన్న మౌలిక సదుపాయాల అవసరాలను దశలవారీగా పరిష్కరించడమే లక్ష్యంగా అభివృద్ధి పనులు చేపడుతున్నట్లు తెలిపారు.
*ప్రజల అవసరాలకు అనుగుణంగా అభివృద్ధి పనులు*
సీసీ రోడ్ల నిర్మాణంతో రాకపోకలు సులభతరం కావడంతో పాటు, స్థానిక ప్రజలకు రహదారి సౌకర్యాలు మెరుగుపడనున్నాయి. పట్టణంలోని వివిధ వార్డుల్లో అవసరమైన మౌలిక సదుపాయాలను అభివృద్ధి చేసేందుకు మున్సిపల్ అధికారులు సమన్వయంతో పనిచేయాలని ఎమ్మెల్యే సూచించారు. చేపట్టిన పనులు నాణ్యతా ప్రమాణాలకు అనుగుణంగా, నిర్దేశిత సమయంలో పూర్తయ్యేలా పర్యవేక్షించాలని స్పష్టం చేశారు.
*అభివృద్ధి పనుల్లో కూటమి ప్రభుత్వ ప్రాధాన్యత*
ప్రజలకు ఇచ్చిన హామీల అమలు, పట్టణాభివృద్ధి, మౌలిక సదుపాయాల కల్పనకు కూటమి ప్రభుత్వం ప్రాధాన్యత ఇస్తోందని ఈ సందర్భంగా పేర్కొన్నారు. ప్రభుత్వ నిధులను ప్రజలకు ఉపయోగపడే అభివృద్ధి పనులకు వినియోగిస్తూ, నందిగామ పట్టణాన్ని మరింత సౌకర్యవంతంగా తీర్చిదిద్దేందుకు కృషి చేస్తున్నట్లు తెలిపారు.ఈ కార్యక్రమంలో మున్సిపల్ అధికారులు, సిబ్బంది, కూటమి నాయకులు, స్థానిక ప్రజాప్రతినిధులు, కార్యకర్తలు పాల్గొన్నారు.
