కొండాపురం మండలం తూర్పు ఎర్రబల్లిలో తీవ్ర తాగునీటి ఎద్దడి, విద్యుత్ స్తంభాల కొరతను పరిష్కరించాలని ‘జనతా వారధి’ ద్వారా బీజేపీ నేతలు ఎంపీడీఓకు వినతిపత్రం అందజేశారు.మండల పరిధిలో ప్రజలు ఎదుర్కొంటున్న మౌలిక సమస్యలను పరిష్కరించాలనే ఉద్దేశంతో నిర్వహిస్తున్న జనతా వారధి కార్యక్రమంలో భాగంగా బీజేపీ కొండాపురం మండల అధ్యక్షుడు జడపల్లి మహేష్ ఆధ్వర్యంలో సోమవారం ఎంపీడీఓకు వినతిపత్రం అందజేశారు. ఈ సందర్భంగా బీజేపీ నాయకులు మాట్లాడుతూ తూర్పు ఎర్రబల్లి పంచాయతీ పరిధిలోని ప్రజలు తీవ్ర తాగునీటి సమస్యను ఎదుర్కొంటున్నారని తెలిపారు. వేసవి కాలంతో సంబంధం లేకుండా తాగునీటి కోసం ప్రజలు ఇబ్బందులు పడుతున్నారని,అధికారులు తక్షణమే స్పందించి తగిన నీటి వసతి కల్పించాలని కోరారు.
