వార్త ముఖ్యాంశాలు
- చిట్వేల్–రాపూరు ఘాట్ మార్గమధ్యలో సోమవారం సాయంత్రం ఆర్టీసీ బస్సుకు పెను ప్రమాదం తప్పింది.
- ఘాట్ దిగుతున్న సమయంలో భారీ వర్షం కురుస్తుండగా, మలుపు వద్ద ఒక్కసారిగా బస్సు స్టీరింగ్‌ స్టక్‌ అయిందని డ్రైవర్‌ తెలిపారు.
- దీంతో బస్సు అదుపుతప్పి రహదారి పక్కన ఉన్న డివైడర్‌ను ఆనుకుంది.
చిట్వేల్–రాపూరు ఘాట్ మార్గమధ్యలో సోమవారం సాయంత్రం ఆర్టీసీ బస్సుకు పెను ప్రమాదం తప్పింది. ఘాట్ దిగుతున్న సమయంలో భారీ వర్షం కురుస్తుండగా, మలుపు వద్ద ఒక్కసారిగా బస్సు స్టీరింగ్‌ స్టక్‌ అయిందని డ్రైవర్‌ తెలిపారు. దీంతో బస్సు అదుపుతప్పి రహదారి పక్కన ఉన్న డివైడర్‌ను ఆనుకుంది.
బస్సు డివైడర్‌ను తాకడంతో ప్రయాణికులు ఒక్కసారిగా భయాందోళనకు గురయ్యారు. అయితే డ్రైవర్‌ అప్రమత్తంగా వ్యవహరించి బస్సును అదుపులోకి తీసుకుని రోడ్డు పక్కన సురక్షితంగా నిలిపారు. అదృష్టవశాత్తూ ప్రయాణికుల్లో ఎవరికీ ఎలాంటి గాయాలు కాలేదు.
ఇదిలా ఉండగా, ఘటన సమయంలో భారీ వర్షం కురుస్తుండటంతో ప్రయాణికులు తీవ్ర ఇబ్బందులు ఎదుర్కొన్నారు. బస్సులో ఉండలేక బయటకు దిగి వర్షంలో రోడ్డుపైనే నిలబడాల్సి వచ్చింది. ప్రమాదం తప్పడంతో ప్రయాణికులు ఊపిరి పీల్చుకున్నారు. చిట్వేల్–రాపూరు ఘాట్ రహదారిలో వర్షాకాలంలో ప్రయాణ భద్రతపై అధికారులు ప్రత్యేక దృష్టి సారించాలని ప్రయాణికులు కోరుతున్నారు.
