తిరుమలాపురంలో రోడ్డుకు అడ్డంగా ముళ్లకంప.. అధికారుల పరిశీలన

ఉదయగిరి: మండలంలోని తిరుమలాపురం గ్రామంలో సిమెంట్ రోడ్డుకు అడ్డంగా ముళ్లకంప ఏర్పాటు చేశారని వెంకటరెడ్డిపై ప్రీతంరెడ్డి పీజీఆర్‌ఎస్‌లో ఫిర్యాదు చేశారు. ఫిర్యాదుపై స్పందించిన అధికారులు ఘటనాస్థలానికి చేరుకుని పరిశీలించారు. పోలీసు, రెవెన్యూ, మండల అభివృద్ధి శాఖల అధికారులు సంయుక్తంగా పరిస్థితిని పరిశీలించి, రహదారిపై ప్రజల రాకపోకలకు ఇబ్బందులు కలగకుండా చర్యలు తీసుకోవాలని సూచించారు. రోడ్డుకు అడ్డంగా ఏర్పాటు చేసిన ముళ్లకంపను వెంటనే తొలగించాలని సంబంధితులకు నోటీసులు జారీ చేశారు. ప్రజలకు రాకపోకలకు ఎలాంటి ఇబ్బందులు కలగకుండా రహదారిని అందుబాటులో ఉంచాలని అధికారులు సూచించారు. ఫిర్యాదు మేరకు తీసుకున్న చర్యలపై స్థానికులు అధికారులను అభినందించారు.