డాక్టర్ బి.ఆర్. అంబేద్కర్ కోనసీమ జిల్లా ఏర్పడిన తర్వాత తొలిసారిగా జరగనున్న జిల్లా పరిషత్ ఎన్నికల్లో చైర్‌పర్సన్ పదవిని బీసీ మహిళకు కేటాయించాలని బీసీ వర్గాలు, మహిళలు, పార్టీ శ్రేణుల్లో అభిప్రాయాలు వ్యక్తమవుతున్నాయి. ఈ పదవికి రెడ్డి అనంత కుమారి పేరును పరిశీలించాలని పలువురు కోరుతున్నారు. ఐదేళ్లపాటు ఎంపీపీగా పనిచేసిన ఆమెకు స్థానిక సంస్థల పాలన, ప్రజా సమస్యలు, అభివృద్ధి కార్యక్రమాలపై అనుభవం ఉందని అనుచరులు పేర్కొంటున్నారు. జిల్లా తెలుగుదేశం పార్టీ అధ్యక్షురాలిగా పార్టీ కార్యక్రమాలను సమన్వయం చేసిన అనుభవం కూడా ఆమెకు ఉందని చెబుతున్నారు. ప్రస్తుతం రాష్ట్ర బీసీ కో-ఆపరేటివ్ ఫైనాన్స్ కార్పొరేషన్ చైర్‌పర్సన్‌గా కొనసాగుతున్న నేపథ్యంలో బీసీ సంక్షేమం, మహిళా సాధికారత అంశాల్లో ఆమెకు అనుభవం ఉందని వారు అంటున్నారు. బీసీ మహిళకు అవకాశం కల్పిస్తే కోనసీమ జిల్లాలో మహిళా నాయకత్వానికి మరింత ప్రాధాన్యత లభిస్తుందని బీసీ వర్గాలు అభిప్రాయపడుతున్నాయి.
డా. బిఆర్ అంబేద్కర్ కోనసీమ
డాక్టర్ బి ఆర్ అంబేద్కర్ కోనసీమ తొలి జెడ్పీ చైర్‌పర్సన్‌గా బీసీ మహిళకు అవకాశం?
