పున్నమి న్యూస్ బోగోలు మండలం రిపోర్టర్ గోపాలకృష్ణారెడ్డి.
బోగోలు మండలం తాళ్లూరు రోడ్డులోని శ్రీవారి (వెంకటేశ్వర స్వామి) వారి పాదాల వద్ద ఆధ్యాత్మిక కార్యక్రమం భక్తిశ్రద్ధలతో నిర్వహించారు. తిరుమల తిరుపతి దేవస్థానంలో కీర్తనలు ఆలపించే సత్యానంద స్వామీజీ గారు , తాళ్లూరు రోడ్డు లో ఉన్న శ్రీవారి (వెంకటేశ్వర స్వామి) వారి పాదాల వద్ద భక్తి కీర్తనలు ఆలపించారు.
ఉదయం 9 గంటల నుంచి మధ్యాహ్నం ఒంటిగంట వరకు స్వామివారి కీర్తనలు ఆలపించడంతో ప్రాంగణం భక్తి వాతావరణంతో మార్మోగింది. ఈ సందర్భంగా ఆలయానికి విచ్చేసిన భక్తులు భక్తిశ్రద్ధలతో కీర్తనలు ఆలకించారు. అనంతరం భక్తులకు తీర్థ ప్రసాదాలు పంపిణీ చేశారు.
ఈ కార్యక్రమాన్ని బొడ్డు ప్రభాకర్ రెడ్డి ఆధ్వర్యంలో నిర్వహించారు. కార్యక్రమంలో భక్తులు పెద్ద సంఖ్యలో పాల్గొని స్వామివారి ఆశీస్సులు పొందారు.
