Blog

అధిక లోడుతో వెళ్తున్న భారీ వాహనాలు

అధిక లోడుతో వెళ్తున్న ట్రాక్టర్లు ప్రమాదాల పాలు అవుతున్న ప్రజలు ఏన్కూరు మండల గ్రామ పరిసర ప్రాంతాల్లో రోడ్లపై అధిక లోడుతో వెళ్తున్న కంకర్, బూడిద ట్రాక్టర్లు ప్రజల ప్రాణాలను ప్రమాదంలోకి నెడుతున్నాయి. ఆదివారం ఉదయం తీసిన ఈ చిత్రంలో స్పష్టంగా కనిపిస్తున్నట్లుగా, ట్రాక్టర్‌లో భారీగా కంకర్ లోడ్ వేసి నిర్లక్ష్యంగా రోడ్డుపై వెళ్తోంది. గ్రామీణ ప్రాంతాల రోడ్లు సన్నగా ఉండటంతో, ఇలాంటి భారీ వాహనాలు దూసుకెళ్తే ద్విచక్ర వాహనదారులు ప్రాణాలతో బతకడం కష్టంగా మారుతోంది. గ్రామ ప్రజలు చెబుతున్న వివరాల ప్రకారం, ఇటీవల ఈ మార్గంలో కంకర్ ట్రాక్టర్లు అధిక లోడుతో వెళ్ళడం వలన పలుమార్లు చిన్న చిన్న ప్రమాదాలు చోటు చేసుకున్నాయి. వర్షాకాలం కావడంతో రోడ్లు తడిగా ఉండటంతో పరిస్థితి మరింత ప్రమాదకరంగా మారింది. ట్రాక్టర్ వెనుక భాగంలో సురక్షిత కవరింగ్ లేకపోవడం వలన కంకర్ తునకలు ఎగిరి వెనుక వెళ్తున్న వాహనదారులపై పడుతున్నాయని వారు తెలిపారు. స్థానికుల ఆవేదన ప్రకారం, అధికారులు ఈ సమస్యపై ఏ చర్యలు తీసుకోవడం లేదని, గ్రామ రహదారులపై రాత్రిపూట కూడా ట్రాక్టర్లు నిర్లక్ష్యంగా నడుస్తున్నాయని వారు ఆరోపిస్తున్నారు. లైసెన్స్ లేకుండా రోడ్లపై దూసుకుపోతున్నారని, ఇది చట్టపరమైన నిబంధనలకు విరుద్ధమని గ్రామస్తులు పేర్కొన్నారు. వీటిపై ట్రాఫిక్ పోలీసులు, మైనింగ్ అధికారులు సంయుక్తంగా తనిఖీలు చేపట్టాలని, అధిక లోడుతో వెళ్తున్న వాహనాలపై కఠిన చర్యలు తీసుకోవాలని ప్రజలు డిమాండ్ చేస్తున్నారు. ఇలాంటి నిర్లక్ష్యానికి అడ్డుకట్ట వేయకపోతే, ఎప్పుడైనా పెద్ద ప్రమాదం సంభవించే అవకాశం ఉందని గ్రామస్థులు హెచ్చరించారు.

bhukyavinodkumar
October 12, 2025
0 Comments
33 Views

డా. బిఆర్ అంబేద్కర్ కోనసీమ

ప్రేమ విఫలమై బ్లేడ్ తో గొంతు కోసుకున్న యువకుడు

అమలాపురం, అక్టోబరు 11 ( పున్నమి ప్రతినిధి) : ప్రేమ విఫలమై ఓ యువకుడుబ్లేడ్ తొ గొంతు కోసుకుని ఆత్మహత్యాయత్నం చేసిన ఘటన అంబాజీపేట బస్ స్టేషన్లో శనివారం చోటుచేసుకుంది. అంబాజీ పేటకు చెందిన ఓ యువతి బీఎస్సీ నర్సింగ్ చదువుతూ అమలాపురంలోని ఓ ఆసుపత్రిలో పనిచేస్తోంది. ఇరుసుమండకు చెందిన పవన్ ఆమె వెంటపడుతూ ప్రేమించాలంటూ కొన్నాళ్లుగా ఒత్తిడి తెస్తున్నాడు. శనివారం సాయంత్రం బస్ స్టేషన్లో ఆమెతో ప్రేమ గురించి ప్రస్తావించగా నిరాక రించడంతో… బ్లేడుతో గొంతు కోసుకున్నాడని స్థానికులు తెలిపారు.. చికిత్స నిమిత్తం యువకుడిని అమలాపురం లో ఆసుపత్రి కి తరలింపు.

subrahmanyamseelam
October 12, 2025
0 Comments
45 Views

ఖమ్మం

సెలవు రోజు కూడా వ్యవసాయ మార్కెట్-హమాలీల ప్రాణాలతో చెలగాటం

ఏన్కూరు న్యూస్ ఏన్కూరు మండలంలోని వ్యవసాయ మార్కెట్ యార్డులో ఆదివారం రోజు కూడా మార్కెట్ యధావిధిగా నడుస్తుంది. సాధారణంగా ప్రభుత్వ ఆదేశాల ప్రకారం వారాంతంలో మార్కెట్ మూసివేయాలి. కానీ ఆదివారం కూడా వ్యాపార లావాదేవీలు కొనసాగించడం వలన హమాలీలకు విశ్రాంతి దొరకడం లేదు. మార్కెట్ యార్డులో వరుసగా పంటల రవాణా, తూకం పనులు, బస్తాల మోసే పనుల్లో నిత్యం కష్టపడుతున్న హమాలీలు విశ్రాంతి లేకుండా పనులు చేసి ఆరోగ్య సమస్యలు, ప్రమాదాలకు గురవుతున్నప్పటికీ అధికారులు మాత్రం నిర్లక్ష్యంగా వ్యవహరిస్తున్నారు. దళారుల ఒత్తిడి వల్లనే అధికారులు మార్కెట్‌ను మూసివేయకుండా తెరిచి ఉంచారని స్థానిక రైతులు ఆరోపిస్తున్నారు. దళారులు తమ లాభాల కోసం హమాలీలను ఏ మాత్రం పట్టించుకోవడం లేదని, కార్మికుల ప్రాణాలకు ప్రమాదం కలిగే పరిస్థితులు ఏర్పడుతున్నాయని ఆందోళన వ్యక్తం చేస్తున్నారు. “మాకు కూడా కుటుంబాలు ఉన్నాయి. వారానికి ఒకరోజైనా విశ్రాంతి అవసరం. కానీ మార్కెట్ మూసే అవకాశం ఇవ్వడం లేదు. పనిలో గాయాలు, అలసటతో ఇబ్బంది పడుతున్నాం” అని ఒక హమాలి ఆవేదన వ్యక్తం చేశాడు. ఈ విషయం పై మార్కెట్ కమిటీ అధికారులు స్పందించి తగిన చర్యలు తీసుకోవాలని, దళారుల ఆధిపత్యాన్ని తగ్గించి హమాలీలకు భద్రత, విశ్రాంతి కల్పించాలని స్థానికులు డిమాండ్ చేస్తున్నారు. దళారుల లాభాల కోసం కార్మికుల ప్రాణాలతో ఆడుకోవడం ఎప్పుడు ఆగుతుంది? హమాలీల శ్రమకు గౌరవం ఇవ్వడం ఎప్పుడు మొదలవుతుంది? ఇలాంటి ఘటనలు మరలా జరగకుండా ప్రభుత్వం, మార్కెట్ కమిటీ అధికారులు వెంటనే దృష్టి సారించాలని హమాలీలు కోరుతున్నారు.

bhukyavinodkumar
October 12, 2025
0 Comments
57 Views

ఆంధ్రప్రదేశ్

బకాయిల చెల్లింపులేని కారణంగా మూడు రోజులుగా నిలిచిన ఎన్టీఆర్ ఆరోగ్యశ్రీ సేవలు

ఆంధ్రప్రదేశ్‌లో మూడు రోజులుగా ఎన్టీఆర్ ఆరోగ్యశ్రీ సేవలు నిలిచిపోయాయి. ప్రభుత్వం చెల్లించాల్సిన బకాయిలు ఇంకా అందకపోవడంతో ప్రైవేట్ నెట్‌వర్క్ ఆస్పత్రులు సేవలను తాత్కాలికంగా నిలిపివేశాయి. ఫలితంగా పేద రోగులు తీవ్ర ఇబ్బందులు ఎదుర్కొంటున్నారు. ఆరోగ్యశ్రీ కార్డులు ఉన్న రోగులు సాధారణ వైద్యం, శస్త్రచికిత్సలు, అత్యవసర చికిత్సల కోసం ప్రభుత్వ గుర్తింపు పొందిన ఆస్పత్రులకు వెళ్లినా, సేవలు అందక తిరిగి వస్తున్న పరిస్థితి నెలకొంది. దీంతో పలువురు రోగులు ట్రస్టు ఆస్పత్రులు మరియు ప్రభుత్వ దవాఖానల్లో ప్రత్యామ్నాయంగా వైద్యం కోసం క్యూ కడుతున్నారు. ఆస్పత్రుల అసోసియేషన్ ప్రభుత్వాన్ని ఉద్దేశించి, తక్షణమే బకాయిలుగా ఉన్న రూ.2700 కోట్లను చెల్లించాలని, ప్యాకేజీ రేట్లను సవరించాలని డిమాండ్ చేసింది. ప్రభుత్వం వెంటనే చొరవ చూపి సమస్యను పరిష్కరించకపోతే, సేవల నిలుపుదల కొనసాగుతుందని వారు హెచ్చరించారు. ప్రజల ప్రాణాలకు సంబంధించిన ఈ సమస్యను ప్రభుత్వం అత్యవసరంగా పరిగణించి చర్యలు తీసుకోవాలని, పేదల వైద్యం అడ్డంకులు లేకుండా చూడాలని వైద్యవర్గాలు కోరుతున్నాయి.

sknirmalazad
October 12, 2025
0 Comments
45 Views

శ్రీ పొట్టి శ్రీరాములు నెల్లూరు

పెన్నా వంతెనపై లారీ–కారు ఢీ: ప్రాణాపాయం తప్పిన ప్రయాణికులు

నెల్లూరు నగరం సమీపంలోని పెన్నా నది వంతెన వద్ద ఆదివారం ఉదయం రోడ్డు ప్రమాదం జరిగింది. వేగంగా వస్తున్న లారీ అదుపు తప్పి ముందుగా వెళ్తున్న కారును ఢీకొట్టింది. ఈ ఘటనలో కారు ముందు భాగం తీవ్రంగా దెబ్బతిన్నప్పటికీ, కారులో ఉన్న ప్రయాణికులు సురక్షితంగా బయటపడ్డారు. ప్రాణనష్టం జరగకపోవడంతో అందరూ ఊపిరి పీల్చుకున్నారు. ప్రమాదం చోటుచేసుకున్న వెంటనే స్థానికులు అప్రమత్తమై పోలీసులకు సమాచారం అందించారు. పోలీసులు సంఘటనా స్థలానికి చేరుకుని పరిస్థితిని పరిశీలించి, ట్రాఫిక్‌ను సక్రమంగా నిర్వహించారు. ప్రతిరోజూ జాతీయ రహదారిపై ఇటువంటి ప్రమాదాలు జరుగుతున్నాయని ప్రజలు ఆవేదన వ్యక్తం చేస్తున్నారు. వాహనదారులు నిర్లక్ష్యంగా డ్రైవింగ్ చేయడం, వేగం అధికంగా ఉండడం వల్ల ప్రమాదాలు జరుగుతున్నాయని వారు తెలిపారు. ఇలాంటి ఘటనలు పునరావృతం కాకుండా పోలీసులు ప్రత్యేక చర్యలు తీసుకోవాలని, వంతెన వద్ద వేగనియంత్రణ చర్యలు చేపట్టాలని స్థానికులు డిమాండ్ చేస్తున్నారు.

sknirmalazad
October 12, 2025
0 Comments
46 Views

ఖమ్మం

తుమ్మల యుగంధర్ కామెంట్స్…

ఖమ్మం జిల్లా… మంత్రి తుమ్మల ఆదేశాల అనుసారం ఖమ్మం నగరంలో ఓటు చోరీ సంతకాల సేకరణ కార్యక్రమాన్ని చేపట్టిన కాంగ్రెస్ యువ నాయకుడు తుమ్మల యుగేందర్. *తుమ్మల యుగంధర్ కామెంట్స్…* దేశంలో పెద్దఎత్తున ఓట్ల చోరీకి పాల్పడి కేంద్రంలో బిజెపి మూడోసారి అధికారంలోకి వచ్చింది. ఎన్నికల కమిషన్ బిజెపి కు అనుబంధ సంఘంలా పని చేస్తోంది. రాహుల్గాంధీ ఓటు చోరీ జరిగిన తీరును వివరిస్తూ అన్ని రకాల ఆధారాలను చూపించినా కూడా ఈసీ నుంచి ఎలాంటి స్పందన లేదు. బిజెపి పార్టీ తనకు అనుకూలంగా వేల సంఖ్యల్లో లేని ఓటర్లను ఉన్నట్టుగా చూపించి ఓటు చోరీకి పాల్పడింది. బిజెపి పార్టీకి అనుకూలంగా లేని ఓటర్లను ఓటర్ల జాబితా నుంచి తొలగించారని ప్రజల్లోకి ఈ విషయాన్ని తీసుకెళ్లడం కొరకు సంతకాల సేకరణ కార్యక్రమం చేపట్టాము. ప్రతి డివిజన్లో పెద్ద సంఖ్యలో సంతకాల సేకరణ కార్యక్రమం చేపడతాము.

travinder
October 12, 2025
0 Comments
26 Views

విశాఖపట్నం

విశాఖలో మంత్రి నారా లోకేష్ పర్యటన: ఐటీ, విద్యా రంగాల్లో శంకుస్థాపనలు

విశాఖపట్నం: నేడు విద్య మరియు ఐటీ శాఖల మంత్రి నారా లోకేష్ విశాఖలో పర్యటించారు. విమానాశ్రయానికి చేరిన మంత్రికి వెలమ కార్పొరేషన్ చైర్మన్ పివిజి కుమార్ ఘనంగా స్వాగతం పలికారు. ఈ సందర్భంగా ఉత్తరాంధ్ర ప్రాంత ప్రజాప్రతినిధులు, నాయకులు, కార్యకర్తలు పాల్గొన్నారు. ప్రధాన కార్యక్రమాలు రుషికొండ ఐటీ పార్క్ (హిల్ నెంబర్-3): సిఫీ (Sify) ఏఐ ఎడ్జ్ డేటా సెంటర్ మరియు ఓపెన్ కేబుల్ ల్యాండింగ్ స్టేషన్ (CLS) శంకుస్థాపన. కలెక్టరేట్: స్థానిక అధికారులు పాల్గొని వివిధ అంశాలపై సమీక్ష నిర్వహించనున్నారు. మధ్యాహ్నం: పీఎంపాలెం ఏసీఏ-వీడీసీఏ క్రికెట్ స్టేడియంలో మహిళల వన్డే ప్రపంచ కప్ మ్యాచ్ (భారత్-ఆస్ట్రేలియా) వీక్షణ. సారాంశం: మంత్రి నారా లోకేష్ పర్యటన ద్వారా: విశాఖలో ఐటీ మరియు డిజిటల్ ఇన్ఫ్రాస్ట్రక్చర్ అభివృద్ధి విద్యా రంగ పురోగతి స్థానిక ప్రజలతో అనుసంధానం మరియు సంబంధ బలోపేతం పై అంశాలను ప్రోత్సహించడం లక్ష్యంగా ఉంది.

reddisuryanarayana
October 12, 2025
0 Comments
71 Views

విశాఖపట్నం

ఆంధ్ర విశ్వవిద్యాలయ శతజయంతి: జియోలాజికల్ మ్యూజియం ప్రత్యేక ట్రోచర్ విడుదల

ఆంధ్ర విశ్వవిద్యాలయ శతజయంతి వేడుకల్లో భాగంగా గౌరవ ఉపకులపతి ప్రొఫెసర్ జి.పి. రాజశేఖర్ జియోలాజికల్ మ్యూజియం (భూగర్భ సంగ్రహాలయం) ప్రత్యేక ట్రోచర్ విడుదల చేశారు. ఈ కార్యక్రమం ద్వారా నగరంలోని పాఠశాలలు, ఎన్.జి.ఓలు, ప్రకృతి ప్రేమికులు మ్యూజియం సందర్శించవచ్చు. ఈ సందర్భంగా ప్రొఫెసర్ జి.పి. రాజశేఖర్ మాట్లాడుతూ మ్యూజియం అరుదైన రాళ్ళు, ఖనిజాలు, జీవశిలలు (ఫాసిల్స్) అద్భుత సేకరణతో భూగర్భవారసత్వాన్ని ప్రదర్శిస్తుంది. ప్రతి శనివారం ఉదయం 10:00 – మధ్యాహ్నం 1:00 వరకు సందర్శనకు అందుబాటులో ఉంటుంది అని అన్నారు. ప్రొఫెసర్ కె. రాంబాబు (రిజిస్ట్రార్): ఈ అవకాశాన్ని వినియోగించి విద్యార్ధులు మరింత జ్ఞానం పొందాలని సూచించారు. ప్రొఫెసర్ కె. సత్యనారాయణ రెడ్డి: సమాజంతో అనుసంధానం మరియు శాస్త్రీయ విద్యను ప్రోత్సహించడానికి కార్యక్రమం కీలకం అన్నారు మాజీ రిజిస్ట్రార్ ప్రొఫెసర్ ఈ.ఎన్. ధనంజయరావు: విద్యా ప్రావీణ్యాన్ని ప్రదర్శిస్తూ, భవిష్యత్ శాస్త్రవేత్తల అభివృద్ధికి ఇది దోహదం చేస్తుందని అన్నారు. ఈ కార్యక్రమంలో ప్రత్యేక అతిథులుగా సైన్స్ & టెక్నాలజీ కాలేజీ: ప్రిన్సిపాల్ ప్రొఫెసర్ ఎం.వి.ఆర్. రాజు, ప్రొఫెసర్ సునీత వాతావరణ & భౌతిక సముద్రశాస్త్ర విభాగం: ప్రొఫెసర్ సి.ఎన్. నాయుడు అదనపు ప్రొఫెసర్లు: ప్రొఫెసర్ సంతోషరాం, జి.ఎన్. రావు, ఎ.యుగంధర్ రావు, ఎ.వి.ఎస్.ఎస్. ఆనంద్ సహాయ ప్రొఫెసర్లు: డా. కె. అర్జునుడు, డా. జె.వి. రమణ, డా. ఎం. శ్రీనివాసరావు, డా. జి. రాజారావు, డా. టి. కరుణాకరుడు పరిశోధకులు, విద్యార్థులు ఈ కార్యక్రమం సారాంశం ఏమిటంటే జియోలాజికల్ మ్యూజియం ప్రత్యేక కార్యక్రమం, భూగర్భ శాస్త్రం, రాళ్ళు, ఖనిజాలు, ఫాసిల్స్ పై యువతలో అవగాహన పెంచడానికి, విద్యా ప్రావీణ్యాన్ని ప్రదర్శించడానికి ముఖ్యమైనదిగా ఉంది.

reddisuryanarayana
October 12, 2025
0 Comments
72 Views

కామారెడ్డి

మిషన్ భగీరథ లీకేజీతో తాసిల్దార్ కార్యాలయం ముందే దుస్థితి!

– మిషన్ భగీరథ నీరు లీకేజీపై అధికారుల నిర్లక్ష్యం.. – పట్టించుకోని అధికార యంత్రాంగం.. కామారెడ్డి, 11 అక్టోబర్, పున్నమి ప్రతినిధి : తాగునీటి సరఫరా కోసం ప్రభుత్వం ప్రతిష్టాత్మకం గా చేపట్టిన మిషన్ భగీరథ పథకం నీరు లీకై, సంవ త్సరాలు గడుస్తున్నప్పటికీ ప్రజలకు కష్టాలు తెచ్చి పెడుతోంది. ముఖ్యంగా, రామారెడ్డి మండల కేంద్రం లోని తాసిల్దార్ కార్యాలయం ముందే ఈ లీకేజీ సమస్య తీవ్రంగా ఉండడం, తీవ్ర విమర్శలు వినిపి స్తున్నాయి. దానిపై అధికారులు కనీసం దృష్టి సారించకపోవడం స్థానికుల ఆగ్రహానికి కారణమ వుతోంది. రోడ్డుపై వరదలా నీరు….. తాసిల్దార్ కార్యాలయం ముందు రోడ్డుపై మిషన్ భగీరథ నీరు లీకై పెద్ద మడుగులా ఏర్పడింది. ఈ నీరు రోడ్డును ఆక్రమించడంతో వాహన చోదకులు తీవ్ర ఇబ్బందులు పడుతున్నారు. ద్విచక్ర వాహన దారులు, పాదచారులు ఈ బురద నీటిని దాటుకు ని వెళ్లడానికి తిప్పలు తప్పడం లేదు.కార్యాల యం ముందే ఈ పరిస్థితి ఉండటంతో, ప్రభుత్వ పనుల కోసం వచ్చే ప్రజలు సైతం ఇబ్బందులు పడుతున్నారు. కలుషితమవుతున్న తాగునీరు….. లీకేజీ అయిన నీరు రోడ్డుపైన నిలిచి ఉండటంతో, అది మురికి, బురదతో కలిసి కలుషితమవుతోంది. ఇదే నీరు తిరిగి భూమిలోకి లేదా ఇతర పైప్‌లైన్ల లోకి చేరే ప్రమాదం ఉంది. దీనివల్ల మండల ప్రజ లు కలుషితమైన నీటిని తాగాల్సి వస్తుందని స్థాని కులు ఆందోళన వ్యక్తం చేస్తున్నారు. ఇప్పటికే పలుమార్లు ఈ సమస్యను అధికారుల దృష్టికి తీసుకెళ్లినా ఫలితం శూన్యంగా ఉందని, వారు నిర్లక్ష్యంగా వ్యవహరిస్తున్నారని ప్రజలు మండిప డుతున్నారు. అధికారుల నిర్లక్ష్యంపై విమర్శలు….. ప్రజా సమస్యలను పరిష్కరించాల్సిన తాసిల్దార్ కార్యాలయం ముందే ఇలాంటి దుస్థితి నెలకొనడం అధికార యంత్రాంగం నిష్క్రియాపరత్వాన్ని స్పష్టం చేస్తోందని స్థానిక నాయకులు, ప్రజలు విమర్శిస్తు న్నారు. ఇప్పటికైనా సంబంధిత అధికారులు వెంట నే స్పందించి, మిషన్ భగీరథ పైప్‌లైన్ లీకే జీని యుద్ధ ప్రాతిపదికన అరికట్టి, రోడ్డును పునరుద్ధరిం చాలని మండల ప్రజలు డిమాండ్ చేస్తున్నారు. లేనిపక్షంలో ఆందోళనకు దిగుతామని హెచ్చరిస్తు న్నారు.

knaveenkumar
October 12, 2025
0 Comments
124 Views

ఖమ్మం

సైడ్ బిజినెస్ కోసం పోతే మెయిన్ ఉద్యోగం పోయింది

సైడ్ బిజినెస్ కోసం పోతే మెయిన్ ఉద్యోగం పోయింది ఉపాధ్యాయుడు లక్ష్మణ్ రావు సస్పెండ్ ఖమ్మంలో తనకు పోటీగా క్రాకర్స్ షాపు పెట్టినందుకు యజమానిపై బూతులతో విరుచుకుపడి, చంపేస్తామంటూ దాడి చేసిన లక్ష్మణ్ రావు నేలకొండపల్లి మండలం సుర్దేపల్లి పాఠశాల స్కూల్ అసిస్టెంట్‌గా పని చేసి, ప్రస్తుతం డీఈవో ఆఫీసులో డిప్యుటేషన్‌పై విధులు నిర్వహిస్తున్న లక్ష్మణ్ రావు విధులు వదిలేసి గొడవలో పాల్గొన్నందుకు లక్ష్మణ్‌ రావును సస్పెండ్ చేస్తూ ఉత్తర్వులు జారీచేసిన జిల్లా విద్యాధికారిణి, స్థానిక సంస్థల అదనపు కలెక్టర్ డా. పి. శ్రీజ

travinder
October 12, 2025
0 Comments
51 Views

1
…
858
859
860
861
862
…
1,363

Contact Info

Some Populer Post

Contact Info

follow us

About Us

Top Categories​

Top Categories