Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: హైదరాబాద్

రంగారెడ్డి

పీర్జాదిగూడ సాయినగర్‌లో ఘనంగా వినాయక శోభాయాత్ర

ఉప్పల్: పీర్జాదిగూడ, సాయినగర్ కాలనీలో గోల్డెన్ బ్రదర్స్ అండ్ సిస్టర్స్ అసోసియేషన్ ఆధ్వర్యంలో నిర్వహించిన వినాయక నవరాత్రి ఉత్సవాలు భక్తిశ్రద్ధలతో ఘనంగా కొనసాగుతున్నాయి. ఉత్సవాల్లో భాగంగా నిర్వహించిన కలశం, పంచ వేలం పాటలు ఉత్సాహంగా సాగాయి. వేలం కార్యక్రమంలో కాలనీ వాసులు, భక్తులు పెద్ద సంఖ్యలో పాల్గొని ఉత్సాహంగా పాటలు పాడారు. ఈ సందర్భంగా బి. పాండు గౌడ్–నర్మద దంపతులు రూ.35,000కు కలశాన్ని, రూ.10,000కు పంచను వేలంలో కైవసం చేసుకున్నారు. ఈ సందర్భంగా పాండు గౌడ్–నర్మద దంపతులు మాట్లాడుతూ గణనాథుడి ఆశీస్సులతో కలశం, పంచను దక్కించుకోవడం ఎంతో ఆనందంగా ఉందన్నారు. వినాయకుడి కృపతో తమ కుటుంబంతో పాటు సాయినగర్ కాలనీ ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. కార్యక్రమంలో గోల్డెన్ బ్రదర్స్ అండ్ సిస్టర్స్ అసోసియేషన్ సభ్యులు, కాలనీ వాసులు, భక్తులు పెద్ద సంఖ్యలో పాల్గొన్నారు. అనంతరం వినాయక శోభాయాత్ర భక్తిశ్రద్ధలతో ఘనంగా నిర్వహించారు.

హైదరాబాద్

తెలంగాణలో బియ్యం ధరల భారీ పెరుగుదల

తెలంగాణలో బియ్యం ధరలు మూడు నెలల్లోనే గణనీయంగా పెరిగాయి. కేంద్ర వినియోగదారుల వ్యవహారాల శాఖ గణాంకాల ప్రకారం జూలైలో కిలోకు సగటు ₹54.40గా ఉన్న రిటైల్ బియ్యం ధర సెప్టెంబర్‌లో ₹61.60కు చేరింది. అంటే సుమారు 13.32 శాతం పెరుగుదల నమోదైంది. దేశంలో అత్యధిక ధరల పెరుగుదల నమోదైన రాష్ట్రాల్లో తెలంగాణ రెండో స్థానంలో ఉందని నివేదిక పేర్కొంది. రాష్ట్రంలో బియ్యం నిల్వలు ఉన్నప్పటికీ ధరలు పెరగడం వినియోగదారుల్లో ఆందోళన కలిగిస్తోంది.

  • punnami
  • September 26, 2026
  • 0 Comments
  • 46 Views
రంగారెడ్డి

ఆర్టీసీ కార్మికుల హక్కుల కోసం మూడు రోజుల ఆమరణ దీక్ష.. ఉద్యోగ భద్రతతో కూడిన విలీనమే లక్ష్యం: బహుజన వర్కర్స్ యూనియన్

హైదరాబాద్: ఆర్టీసీ కార్మికుల సమస్యల పరిష్కారం, ఉద్యోగ భద్రతతో కూడిన విలీనం కోసం బహుజన వర్కర్స్ యూనియన్ రాష్ట్ర చైర్మన్ సిహెచ్. సంపత్ కుమార్, కుమార్ కుర్మా మూడు రోజులపాటు ఆమరణ నిరాహార దీక్ష చేపట్టారని రాష్ట్ర ప్రధాన కార్యదర్శి సుద్దాల సురేష్ తెలిపారు. కార్మికుల ప్రయోజనాలను కాపాడుతూ ఉద్యోగ భద్రత కల్పించే విధంగా విలీనం చేయాలని వారు డిమాండ్ చేశారని పేర్కొన్నారు. కార్మికుల సమస్యలు పరిష్కరించకుండా ఎన్నికలు నిర్వహించవద్దని కోరారు. ఆర్టీసీ కార్మికుల హక్కుల కోసం నాయకులు చేపట్టిన పోరాటాన్ని ప్రతి కార్మికుడు గుర్తించాలని సుద్దాల సురేష్ అన్నారు. కార్మికుల పక్షాన నిలబడి మూడు రోజులపాటు ఆమరణ దీక్ష చేసిన నాయకత్వానికి కార్మికులు అండగా నిలవాలని పిలుపునిచ్చారు. బహుజన వర్కర్స్ యూనియన్‌ను బలపరచడం ద్వారా కార్మికుల హక్కుల కోసం మరింత సమర్థవంతంగా పోరాడేందుకు అవకాశం కల్పించాలని కోరారు. – సుద్దాల సురేష్, రాష్ట్ర ప్రధాన కార్యదర్శి, బహుజన వర్కర్స్ యూనియన్

రంగారెడ్డి

ఏబీ న్యూ లైఫ్ ఆసుపత్రిలో ఘనంగా వినాయక చతుర్థి వేడుకలు.. 2,500 మందికి అన్నదానం.. లడ్డూ వేలం, నిమజ్జన కార్యక్రమాలు

ఉప్పల్: పీర్తాజిగూడలోని ఏబీ న్యూ లైఫ్ ఆసుపత్రిలో వినాయక చతుర్థి వేడుకలను ఘనంగా నిర్వహిస్తున్నట్లు డాక్టర్ అనిల్ కుమార్ తెలిపారు. ఈ సందర్భంగా ప్రజలందరికీ, ఉప్పల్ ఫిర్దోజిగూడా ప్రజలకు వినాయక చతుర్థి శుభాకాంక్షలు తెలిపారు. గత ఐదేళ్లుగా ఆసుపత్రిలో వినాయక చవితి వేడుకలు నిర్వహిస్తున్నామని చెప్పారు. మూడో రోజున 2 వేల నుంచి 2,500 మందికి అన్నదానం, ఐదో రోజున స్వామివారి లడ్డూ వేలం పాటతో పాటు నిమజ్జన కార్యక్రమం నిర్వహించనున్నట్లు తెలిపారు. భక్తులు పెద్ద సంఖ్యలో పాల్గొని కార్యక్రమాలను విజయవంతం చేయాలని కోరారు. ఆసుపత్రిలో బహుళ వైద్య విభాగాలు, అన్ని రకాల శస్త్రచికిత్సలు, ప్రత్యేక వైద్య సేవలు అందుబాటులో ఉన్నాయని డాక్టర్ అనిల్ కుమార్ తెలిపారు. రోగులకు 30 నుంచి 50 శాతం వరకు రాయితీ, వైద్య పరీక్షల కేంద్రం, మందుల దుకాణం, 24 గంటల అత్యవసర వైద్య సేవలు అందిస్తున్నట్లు వివరించారు. ఈ కార్యక్రమంలో ఆసుపత్రి నిర్వహణ సంచాలకులు భరత్, డాక్టర్ అనిల్ కుమార్, డాక్టర్ బాలకృష్ణ, మహేష్, అరవింద్, సురేష్, విగ్నేష్, వాసు తదితరులు పాల్గొన్నారు.

హైదరాబాద్

ప్రిన్స్ రహీమ్ అగా ఖాన్-Vతో సీఎం రేవంత్ రెడ్డి భేటీ

హైదరాబాద్ తాజ్ ఫలక్‌నుమా ప్యాలెస్‌లో ప్రిన్స్ రహీమ్ అగా ఖాన్-Vతో సీఎం రేవంత్ రెడ్డి సమావేశమయ్యారు. తెలంగాణ వారసత్వ సంపద పునరుద్ధరణలో అగా ఖాన్ ఫౌండేషన్ సేవలను సీఎం ప్రశంసించారు. మూసీ పునరుజ్జీవం, సిటీ కాలేజ్, ఉస్మానియా ఆసుపత్రి పాత భవనం పునరుద్ధరణకు సహకారం కోరారు. డిసెంబర్ 7, 8, 9 తేదీల్లో ఫ్యూచర్ సిటీలో నిర్వహించే తెలంగాణ గ్లోబల్ సమ్మిట్‌కు హాజరుకావాలని ఆహ్వానించారు. 30 వేల ఎకరాల్లో నెట్-జీరో ఫ్యూచర్ సిటీ నిర్మిస్తున్నామని, 15 వేల ఎకరాల్లో గ్రీన్ జోన్ ఏర్పాటు చేస్తున్నామని తెలిపారు.

  • punnami
  • September 15, 2026
  • 0 Comments
  • 18 Views
రంగారెడ్డి

ఉప్పల్ శిల్పారామంలో ఘనంగా ఆత్మీయుల సమ్మేళనం

రంగారెడ్డి జిల్లా: హైదరాబాద్, ఉప్పల్ శిల్పారామంలో TVG సేన ఆధ్వర్యంలో ఆత్మీయుల సమ్మేళనం కార్యక్రమం నిర్వహించారు. ఈ కార్యక్రమంలో పలువురు ప్రముఖులు, అభిమానులు, ఆత్మీయులు పాల్గొన్నారు. కార్యక్రమంలో తూళ్ల దేవేందర్ గౌడ్, ఆయన కుమారుడు తూళ్ల వీరేందర్ గౌడ్ పాల్గొన్నారు. ఈ సందర్భంగా సీనియర్ జర్నలిస్ట్ అవిరేను రామ్మోహన్, BJHPS సోషల్ మీడియా రాష్ట్ర అధ్యక్షులు దూపం అంజనేయులు వారిని ఆత్మీయంగా కలిశారు. పరస్పరం యోగక్షేమాలు అడిగి తెలుసుకుని ఆత్మీయంగా ముచ్చటించుకున్నారు. ఈ సందర్భంగా కార్యక్రమంలో పాల్గొన్న వారంతా పరస్పరం శుభాకాంక్షలు తెలియజేసుకున్నారు. మీ దూపం అంజనేయులు నాగులపల్లి గ్రామపంచాయతీ 3వ వార్డు మెంబర్, కోడేరు మండలం, నాగర్ కర్నూల్ జిల్లా

రంగారెడ్డి

ఘనంగా శ్రీ రాఘవేంద్ర ఉడిపి ప్యూర్ వెజ్ ప్రారంభోత్సవం

పున్నమి: చాంద్రాయణగుట్ట: బండ్లగూడ, దుర్గానగర్, లో నూతనంగా ఏర్పాటు చేసిన శ్రీ రాఘవేంద్ర ఉడిపి ప్యూర్ వెజ్ హోటల్ ప్రారంభోత్సవ కార్యక్రమం ఘనంగా నిర్వహించారు. ఈ కార్యక్రమానికి బాలాపూర్ మాజీ మేయర్ పారిజాత నర్సింహారెడ్డి ముఖ్య అతిథిగా హాజరై హోటల్‌ను ప్రారంభించారు. ఈ సందర్భంగా వారు మాట్లాడుతూ, ప్రజలకు నాణ్యమైన, రుచికరమైన శాకాహార వంటకాలను అందుబాటులోకి తీసుకురావడం అభినందనీయమని అన్నారు. హోటల్ నిర్వాహకులకు శుభాకాంక్షలు తెలిపారు. కార్యక్రమంలో బడంగ్‌పేట్ కార్పొరేటర్ పెద్దబావి సుదర్శన్‌రెడ్డి, బాలాపూర్ కార్పొరేటర్ ప్రభాకర్‌రెడ్డి, శ్రీ రాఘవేంద్ర ఉడిపి ప్యూర్ వెజ్ యజమానులు, కుటుంబ సభ్యులు, సన్నిహితులు, స్థానిక ప్రజలు తదితరులు పాల్గొన్నారు. శ్రీ రాఘవేంద్ర ఉడిపి ప్యూర్ వెజ్లో టిఫిన్స్, మీల్స్, సౌత్ ఇండియన్, చైనీస్ తదితర శాకాహార వంటకాలు అందుబాటులో ఉంటాయని నిర్వాహకులు తెలిపారు.

రంగారెడ్డి

టీకేఆర్ కమాన్ రోడ్‌లో కేకేఆర్ గ్రీన్ మోటార్స్ నూతన ప్రారంభం

పున్నమి: రంగారెడ్డి జిల్లా: టీకేఆర్ కమాన్ రోడ్‌లో నూతనంగా ఏర్పాటు చేసిన కేకేఆర్ గ్రీన్ మోటార్స్ షోరూమ్ ప్రారంభోత్సవ కార్యక్రమం బుధవారం రోజున ఘనంగా జరిగింది. పర్యావరణ పరిరక్షణకు తోడ్పడే ఎలక్ట్రిక్ వాహనాలను ప్రజలకు అందుబాటులోకి తీసుకురావాలనే లక్ష్యంతో ఈ నూతన షోరూమ్‌ను ఏర్పాటు చేసినట్లు నిర్వాహకులు తెలిపారు. ఈ ప్రారంభోత్సవ కార్యక్రమంలో జె.ఎస్.ఆర్. డైనమో ఎలక్ట్రిక్ వెహికల్స్ ఫౌండర్ పాశం జనార్దన్ రెడ్డి, కేకేఆర్ గ్రీన్ మోటార్స్ సీఓ కిరణ్ కుమార్ రెడ్డి, శ్రీ లక్ష్మీ మోటార్స్ ఎండీ కిరణ్ మహేశ్వరి రెడ్డితో పాటు వారి కుటుంబ సభ్యులు పాల్గొన్నారు. ఈ సందర్భంగా వారు మాట్లాడుతూ.. పెరుగుతున్న కాలుష్యాన్ని తగ్గించేందుకు ఎలక్ట్రిక్ వాహనాల వినియోగం ఎంతో అవసరమని, ప్రజలకు నాణ్యమైన ఎలక్ట్రిక్ వాహనాలను అందించడమే తమ ప్రధాన లక్ష్యమని పేర్కొన్నారు. “సొల్యూషన్ టు పొల్యూషన్” అనే నినాదంతో పర్యావరణహిత రవాణాను ప్రోత్సహించేందుకు కేకేఆర్ గ్రీన్ మోటార్స్ కృషి చేస్తుందని తెలిపారు. ప్రారంభోత్సవం సందర్భంగా షోరూమ్ నిర్వాహకులకు పలువురు శుభాకాంక్షలు తెలిపారు.

రంగారెడ్డి

ఎమ్మెల్సీ కోదండరాంకు బస్తీ దవాఖాన సపోర్టింగ్ స్టాఫ్ జన్మదిన శుభాకాంక్షలు

పున్నమి: హైదరాబాద్, సెప్టెంబర్ 5: తెలంగాణ జన సమితి పార్టీ అధ్యక్షులు, ఎమ్మెల్సీ ప్రొఫెసర్ కోదండరాం జన్మదిన వేడుకలు తార్నాకలోని ఆయన స్వగృహంలో ఘనంగా జరిగాయి. ఈ సందర్భంగా తెలంగాణ జన సమితి కార్మిక విభాగం అధ్యక్షులు ఆకుల శ్రీనివాస్, తెలంగాణ బస్తీ దవాఖాన కాంట్రాక్ట్ & ఔట్‌సోర్సింగ్ ఉద్యోగుల అసోసియేషన్ అధ్యక్షులు మంగళిపాటి సుమన్, ప్రధాన కార్యదర్శి అంజద్ అలీ ఖాన్, కన్వీనర్, తెలంగాణ ఉద్యమకారుడు మెతుకు ఉప్పలయ్య, సంయుక్త కార్యదర్శి రౌతు నరసింహ, సభ్యులు గౌలికార్ మహేష్ కుమార్, వేముల అఖిల్ తదితరులు కోదండరాంను మర్యాదపూర్వకంగా కలిసి జన్మదిన శుభాకాంక్షలు తెలిపారు. అనంతరం కోదండరాంను శాలువాతో సత్కరించి, ఆయనకు ఆయురారోగ్యాలు, ప్రజాసేవలో మరింత విజయాలు కలగాలని ఆకాంక్షించారు. ఈ కార్యక్రమంలో బస్తీ దవాఖాన కాంట్రాక్ట్ & ఔట్‌సోర్సింగ్ ఉద్యోగుల ప్రతినిధులు, తెలంగాణ జన సమితి కార్మిక విభాగం నాయకులు పాల్గొన్నారు.

రంగారెడ్డి

న్యాయవాద కమిషనర్లకు ఆచరణాత్మక మార్గదర్శిని… యువ న్యాయవాదులకు పుస్తకం ఎంతో ఉపయోగకరం: హైకోర్టు న్యాయమూర్తులు

పున్నమి: రంగారెడ్డి జిల్లా: న్యాయవాది జి. అనిల్ కిరణ్ కుమార్ రచించిన “న్యాయవాద కమిషనర్లకు ఆచరణాత్మక మార్గదర్శిని” పుస్తక ఆవిష్కరణ సభ హైదరాబాద్ కొత్తపేటలోని బాబు జగ్జీవన్ రామ్ భవన్‌లో ఘనంగా జరిగింది. ఈ పుస్తక ఆవిష్కరణ కార్యక్రమానికి తెలంగాణ ఉన్నత న్యాయస్థాన న్యాయమూర్తులు వాకిటి రామకృష్ణారెడ్డి, జి.ఎం. మొహియుద్దీన్, మద్రాసు ఉన్నత న్యాయస్థాన న్యాయమూర్తి కె. సురేందర్, కె. లక్ష్మణ్ ముఖ్య అతిథులుగా హాజరయ్యారు. మాజీ అదనపు డీజీపీ, మాజీ సీబీఐ సంయుక్త సంచాలకులు వి. లక్ష్మీనారాయణ, తెలంగాణ న్యాయవాద మండలి అధ్యక్షులు ఎ. నరసింహారెడ్డి తదితరులు పాల్గొన్నారు. ఈ సందర్భంగా న్యాయమూర్తులు మాట్లాడుతూ, న్యాయవాద కమిషనర్ల పాత్ర న్యాయవ్యవస్థలో అత్యంత కీలకమైనదని పేర్కొన్నారు. న్యాయవాద కమిషనర్ల విధులు, బాధ్యతలు, ఆచరణాత్మక అంశాలను సులభంగా అర్థమయ్యే రీతిలో వివరించే ఈ పుస్తకం ముఖ్యంగా యువ న్యాయవాదులకు ఎంతో ఉపయోగకరంగా ఉంటుందని అన్నారు. తెలుగు, ఇంగ్లీషు భాషల్లో న్యాయపరమైన అంశాలను సులభంగా అర్థమయ్యే విధంగా పుస్తకాన్ని రూపొందించడం అభినందనీయమని పేర్కొంటూ రచయిత జి. అనిల్ కిరణ్ కుమార్‌ను వారు అభినందించారు. ఈ కార్యక్రమంలో పలువురు న్యాయవాదులు, న్యాయశాఖ ప్రముఖులు, న్యాయవాద కమిషనర్లు, న్యాయ రంగానికి చెందిన ప్రముఖులు తదితరులు పాల్గొన్నారు.