జనగాం
విద్యార్థినులకు పరిశుభ్రమైన వాతావరణం కల్పించాలి *చెత్తాచెదారం, పిచ్చి మొక్కలు, అనవసర సామగ్రిని వెంటనే తొలగించాలి *విద్యార్థులకు నాణ్యమైన పౌష్టికాహారం అందించాలి* *నర్మెట్ట మండల కేంద్రంలో గిరిజన సంక్షేమ ఆశ్రమ పాఠశాల ఆకస్మిక తనిఖీ* *జిల్లా కలెక్టర్ సందీప్ కుమార్ ఝా* విద్యార్థినులకు పరిశుభ్రమైన వాతావరణం కల్పించాలని *జిల్లా కలెక్టర్ సందీప్ కుమార్ ఝా* అన్నారు. సోమవారం, జిల్లాలోని నర్మెట్ట మండల కేంద్రంలో గల గిరిజన సంక్షేమ ఆశ్రమ పాఠశాల (బాలికలు)ను *జిల్లా కలెక్టర్ సందీప్ కుమార్ ఝా* సందర్శించి, ఆకస్మికంగా తనిఖీ చేశారు. ఈ సందర్భంగా పాఠశాలలో విద్యార్థినులకు అందుతున్న విద్యా బోధన, పరీక్షల నిర్వహణ, వసతి, భోజనం, పారిశుద్ధ్యం, మౌలిక వసతులు, తదితర అంశాలను క్షేత్రస్థాయిలో పరిశీలించారు. ప్రతి తరగతి గదిని సందర్శించి, తరగతి గదుల నిర్వహణ, ప్రస్తుతం జరుగుతున్న పరీక్షల విధానం, పరీక్షల నిర్వహణ తీరును పర్యవేక్షించి, విద్యార్థినులకు ఎలాంటి ఇబ్బందులు లేకుండా పరీక్షలు సక్రమంగా నిర్వహించేలా చూడాలని సూచించారు. పాఠశాలలోని వంటశాల గదిని సందర్శించి, విద్యార్థులకు నాణ్యమైన పౌష్టికాహారం అందించాలని, మెనూ ప్రకారం తాజా కూరగాయలను వినియోగిస్తూ, నాణ్యమైన ఆహారం అందేలా చూడాలని ఆదేశించారు. ఆయా సబ్జెక్టులపై విద్యార్థులకు ఉన్న సామర్థ్యాన్ని పరిశీలించారు. విద్యార్థుల విద్యా ప్రమాణాలను మెరుగుపరిచేలా బోధన అందించాలని ఉపాధ్యాయులకు సూచించారు. పాఠశాలలో విద్యార్థులకు అవసరమైన అన్ని మౌలిక వసతులను కల్పించాలని, ఇంకా అవసరమైన ఫ్యాన్లు, లైట్లు సమకూర్చాలని సూచించారు. అనంతరం పాఠశాలలోని డార్మిటరీలను పరిశీలించిన *కలెక్టర్*, విద్యార్థినుల వసతి పరిస్థితులను, గదుల పరిశుభ్రతను పర్యవేక్షించారు. పాఠశాలలోని సరకుల నిల్వ గదిని తనిఖీ చేసిన *కలెక్టర్*, అక్కడ నిల్వ చేసిన సరుకులను పరిశీలించారు. అనంతరం భోజనశాలను సందర్శించి, విద్యార్థినులకు అందించే భోజనానికి ఉపయోగించే కూరగాయలు, ఇతర సరుకుల నాణ్యత, నిల్వ విధానాన్ని పరిశీలించారు. కూరగాయలు తాజాగా ఉండేలా, విద్యార్థినులకు నాణ్యమైన, పరిశుభ్రమైన ఆహారం అందేలా చర్యలు తీసుకోవాలని సూచించారు. అలాగే పాఠశాలలోని మరుగుదొడ్లు, మూత్రశాలలను పరిశీలించిన *కలెక్టర్*, వాటి పరిశుభ్రత, నిర్వహణపై ఆరా తీశారు. విద్యార్థినుల ఆరోగ్యం, భద్రతను దృష్టిలో ఉంచుకొని, ఎల్లప్పుడూ పరిశుభ్రంగా ఉండేలా చర్యలు తీసుకోవాలని సూచించారు. పాఠశాల మైదానం, పరిసరాలను పరిశీలించిన *కలెక్టర్*, పాఠశాల పరిసరాల్లో పేరుకుపోయిన చెత్తాచెదారం, పిచ్చి మొక్కలను తొలగించి, అనవసరంగా నిల్వ ఉంచిన సామగ్రిని వెంటనే తీసివేయాలని ఆదేశించారు. విద్యార్థినులు విద్యనభ్యసించే, నివసించే ప్రదేశం పరిశుభ్రంగా ఉండేలా నిరంతరం పారిశుద్ధ్య చర్యలు చేపట్టాలని సూచించారు. విద్యార్థినుల విద్యతో పాటు వారి ఆరోగ్యం, భద్రత, వసతి, భోజనం, ఆహ్లాదకరమైన వాతావరణం కూడా ఎంతో ముఖ్యమని *కలెక్టర్* స్పష్టం చేశారు. ఈ తనిఖీలో పాఠశాల ప్రధానోపాధ్యాయులు కిష్ట, తహసీల్దార్ వెంకట రామానుజ చారి, సర్పంచ్ శ్రీధర్, పంచాయతీ కార్యదర్శి నజీర్, ఉపాధ్యాయులు, తదితరులు పాల్గొన్నారు.
renukuntlamurali
