Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: NIRMAL

నిర్మల్

రాహుల్, ప్రియాంక గాంధీ అరెస్టులకు నిరసనగా నిర్మల్‌లో నిరాహార దీక్ష

ప్రజాస్వామ్య పరిరక్షణ, ఓటు హక్కు సంరక్షణ కోసం కాంగ్రెస్ పోరాటం నిర్మల్: ఢిల్లీలో SIR (స్పెషల్ ఇంటెన్సివ్ రివిజన్)కు వ్యతిరేకంగా, కేంద్ర ఎన్నికల సంఘం ప్రధాన ఎన్నికల కమిషనర్ జ్ఞానేష్ కుమార్‌ను భర్తరఫ్ చేయాలని డిమాండ్ చేస్తూ ప్రజాస్వామ్యబద్ధంగా నిరసన చేపట్టిన కాంగ్రెస్ అగ్రనేతలు రాహుల్ గాంధీ, ప్రియాంక గాంధీ వాద్రాలను పోలీసులు అరెస్ట్ చేయడాన్ని నిరసిస్తూ నిర్మల్‌లో నిరాహార దీక్ష నిర్వహించనున్నట్లు కాంగ్రెస్ పార్టీ నియోజకవర్గ ఇన్‌చార్జి కూచాడి శ్రీహరి రావు తెలిపారు. తన అధ్యక్షతన అక్టోబర్ 8న ఉదయం 10:30 గంటలకు నిర్మల్ RDO కార్యాలయం ఎదుట నిరాహార దీక్ష ప్రారంభమై సాయంత్రం 5 గంటల వరకు కొనసాగుతుందని ఆయన పేర్కొన్నారు. ప్రజాస్వామ్య పరిరక్షణ, ఓటు హక్కు సంరక్షణ కోసం కాంగ్రెస్ పార్టీ చేస్తున్న పోరాటానికి సంఘీభావంగా ఈ కార్యక్రమాన్ని నిర్వహిస్తున్నట్లు తెలిపారు. ఈ నిరాహార దీక్షలో ఇండియా కూటమి భాగస్వామ్య పక్షాల నాయకులు, ప్రజాస్వామికవాదులు, సర్పంచులు, మండల అధ్యక్షులు, యువజన, మహిళా కాంగ్రెస్ నాయకులు, కార్యకర్తలు, కాంగ్రెస్ అభిమానులు పెద్ద సంఖ్యలో పాల్గొని కార్యక్రమాన్ని విజయవంతం చేయాలని శ్రీహరి రావు పిలుపునిచ్చారు. స్థలం: RDO కార్యాలయం ఎదుట, నిర్మల్ తేదీ: 08-10-2026 సమయం: ఉదయం 10:30 గంటల నుంచి సాయంత్రం 5:00 గంటల వరకు – కూచాడి శ్రీహరి రావు నిర్మల్ నియోజకవర్గ కాంగ్రెస్ పార్టీ ఇన్‌చార్జి

నిర్మల్

వనపర్తి గంగాధర్ కు జ్ఞాన జ్యోతి పురస్కారం ప్రధానం

బైంసా : వనపర్తి గంగాధర్ కు శ్రీ హంస వాహిని సాహిత్య కళా పీఠం జ్ఞాన జ్యోతి పురస్కారం ప్రధానం చేసింది. ప్రముఖ కవి జాధవ్ పుండలిక్ రావు పాటిల్ రూపొందించిన తెలుగు సాహిత్య లఘు ప్రక్రియ చిమ్నీలు 300కు పైగా కవితలు వ్రాసినందుకు ఈ పురస్కారం ప్రధానం చేసినట్లు పీఠం అధ్యక్షులు యాదగిరి తెలిపారు. వనపర్తి గంగాధర్ కు ప్రముఖ కవులు కవయిత్రిలు తనూజ వెంకట్,కుంభోజు వేంకట రమణాచార్య,కత్తూరి శివప్రసాద్,అంజనీ గాయత్రీ దేశరాజు,యర్రంశెట్టి శిరీష పద్మ,సమ్మెట వెంకటేశ్వర్లు, డా.తూము నర్సయ్య,భీమ గంగయ్య,డా.మంగళం పల్లి లక్ష్మీ నరసింహం,దొమ్మాట శ్రీ కాంత్ గౌడ్,పోటు హైమావతి,తాళ్లూరు విజయ్ లక్ష్మణ్,కోలకాని శివలక్ష్మి, అడబాల ఫణీంద్ర సత్య చక్రపాణి,కనికరపు స్వామి,.పల్లె తేజ లక్ష్మీ ,పడిగెల దేవిదాస్ డా బొక్కా శ్రీ నివాస రావు గౌడ్,డా గుగులోత్ అంజని బాయి,ఎం.పెంటయ్య,మైలవరపు చారులత,సుబ్బూరి కొండల్,మేకల లింగమూర్తి,అనితారాణి కాంచనపల్లి,కందకుర్తి దేవిప్రియ,పీసర శ్రీ నివాస్ గౌడ్, .పుట్రేవు శ్రీ నివాస రావు,షేక్ ధాదా ఫీరా,చెంచటి హరిప్రసాద్ సాగర్,వెలిదె ప్రసాద శర్మ,పి.ఉమాపతి,కనుమ ఎల్లారెడ్డి డా.నూతక్కి పూర్ణ ప్రజ్ఞా చారి అభినందించారు.

నిర్మల్

గణేశ్ నిమజ్జనం ప్రశాంతంగా నిర్వహించిన పోలీసులకు అభినందనలు

నిర్మల్: జిల్లాలో ఇటీవల నిర్వహించిన గణేశ్ నిమజ్జన కార్యక్రమాలు ప్రశాంతంగా ముగియడంలో పోలీసుల కృషి అభినందనీయమని కాంగ్రెస్ నాయకులు పేర్కొన్నారు. నిర్మల్‌తో పాటు ఖానాపూర్, భైంసా ప్రాంతాల్లో ఎలాంటి అవాంఛనీయ ఘటనలు చోటుచేసుకోకుండా పోలీసులు పటిష్ట బందోబస్తు ఏర్పాటు చేశారు. ఈ సందర్భంగా కాంగ్రెస్ పార్టీ నూతన పట్టణ అధ్యక్షుడు ఆకుల హరీష్ ఆధ్వర్యంలో జిల్లా ఎస్పీ జానకి షర్మిలను ఘనంగా సన్మానించి, పోలీసుల సేవలను అభినందించారు. ప్రజలకు ఎలాంటి ఇబ్బందులు కలగకుండా పండుగ కార్యక్రమాలు ప్రశాంతంగా జరిగేలా కృషి చేసిన పోలీసు అధికారులు, సిబ్బందికి వారు కృతజ్ఞతలు తెలిపారు. కార్యక్రమంలో పట్టణ కాంగ్రెస్ కమిటీ వైస్‌ ప్రెసిడెంట్లు, జనరల్ సెక్రటరీలు, సెక్రటరీలు, ఎగ్జిక్యూటివ్ సభ్యులు పాల్గొన్నారు.

నిర్మల్

సమీక్షల పేరుతో కాలయాపన వద్దు.. ప్రజా సమస్యలకు తక్షణ పరిష్కారం చూపాలి

*సమీక్షల పేరుతో కాలయాపన వద్దు.. ప్రజా సమస్యలకు పరిష్కారం చూపండి: బీఆర్ఎస్వి జిల్లా ఉపాధ్యక్షుడు మిర్జా షోయేబ్* నిర్మల్ జిల్లాలో రాష్ట్ర మంత్రులు పొంగులేటి శ్రీనివాస్‌రెడ్డి, జూపల్లి కృష్ణారావు పర్యటనపై బీఆర్ఎస్వి జిల్లా ఉపాధ్యక్షుడు మిర్జా షోయేబ్ విమర్శలు చేశారు. మంత్రుల పర్యటన ప్రజా సమస్యల పరిష్కారం, క్షేత్రస్థాయి పరిశీలన కంటే విహారయాత్రకు వచ్చినట్లుగా సాగిందని ఆయన వ్యాఖ్యానించారు. జిల్లా స్థాయిలో ఇప్పటికే అధికారులకు ఫిర్యాదులు చేసినప్పటికీ పరిష్కారం కాని సమస్యలు అనేకం ఉన్నాయని మిర్జా షోయేబ్ అన్నారు. అలాంటి సమస్యలపై మంత్రులు ప్రత్యేకంగా ప్రజా దర్బార్ నిర్వహించి, బాధితుల నుంచి నేరుగా ఫిర్యాదులు స్వీకరించాలని డిమాండ్ చేశారు. భూ సమస్యలు, ఇందిరమ్మ ఇళ్ల నిర్మాణం, అటవీ–రెవెన్యూ సమస్యలు, రోడ్లు, డ్రైనేజీ, పారిశుధ్యం తదితర అంశాలపై ప్రజలు పలుమార్లు ఫిర్యాదులు చేసినా సమస్యలు పరిష్కారం కావడం లేదని ఆయన పేర్కొన్నారు. మంత్రులు ప్రజా దర్బార్ ద్వారా ప్రజల సమస్యలను నేరుగా తెలుసుకుని, సంబంధిత అధికారులకు గడువుతో కూడిన ఆదేశాలు ఇవ్వాలని కోరారు. ప్రతి భూమికి ‘భూధార్’ నంబర్, సమగ్ర భూసర్వే, పేదలకు ఇందిరమ్మ ఇళ్లపై ప్రభుత్వం ప్రకటనలు చేస్తున్నప్పటికీ, క్షేత్రస్థాయిలో ప్రజల సమస్యలు ఎప్పుడు పరిష్కారమవుతాయో స్పష్టం చేయాలని మిర్జా షోయేబ్ ప్రశ్నించారు. మంత్రులు కేవలం సమీక్ష సమావేశాలు, శంకుస్థాపన కార్యక్రమాలకే పరిమితం కాకుండా గ్రామాలు, పట్టణంలోని కాలనీల్లో పర్యటించి ప్రజల సమస్యలను నేరుగా తెలుసుకోవాలని సూచించారు. జిల్లా స్థాయిలో ఫిర్యాదు చేసినా పరిష్కారం కాని ప్రతి సమస్యను ప్రజా దర్బార్ ద్వారా పరిశీలించి, బాధితులకు న్యాయం జరిగేలా తక్షణ చర్యలు తీసుకోవాలని మిర్జా షోయేబ్ డిమాండ్ చేశారు.

నిర్మల్

బోథ్ అభివృద్ధికి ప్రత్యేక ప్యాకేజీ ఇవ్వాలి: ఎమ్మెల్యే అనిల్ జాదవ్

రెవెన్యూ డివిజన్‌, ఇంటిగ్రేటెడ్ కార్యాలయం, డయాలసిస్ సెంటర్‌ మంజూరు చేయాలి నిర్మల్: నిర్మల్ జిల్లా కలెక్టరేట్‌లో జిల్లా ఇన్‌చార్జి మంత్రి జూపల్లి కృష్ణారావు, గృహ నిర్మాణ–రెవెన్యూ శాఖ మంత్రి పొంగులేటి శ్రీనివాసరెడ్డి నిర్వహించిన సమీక్ష సమావేశంలో బోథ్ ఎమ్మెల్యే అనిల్ జాదవ్ పాల్గొని నియోజకవర్గ అభివృద్ధికి సంబంధించిన పలు కీలక అంశాలను మంత్రుల దృష్టికి తీసుకెళ్లారు. బోథ్ మండల కేంద్రంలో ఇంటిగ్రేటెడ్ మండల కార్యాలయాన్ని ఏర్పాటు చేయాలని, వివిధ ప్రభుత్వ శాఖల కార్యాలయాలు ఒకే ప్రాంగణంలో అందుబాటులోకి వస్తే ప్రజలకు ప్రభుత్వ సేవలు మరింత సులభంగా, వేగంగా అందుతాయని ఎమ్మెల్యే కోరారు. అలాగే ప్రజల చిరకాల ఆకాంక్ష అయిన బోథ్‌ను రెవెన్యూ డివిజన్‌గా ఏర్పాటు చేయాలని విజ్ఞప్తి చేశారు. గతంలో బోథ్‌కు మంజూరైన డయాలసిస్ సెంటర్‌ తరలిపోవడంతో కిడ్నీ వ్యాధిగ్రస్తులు తీవ్ర ఇబ్బందులు ఎదుర్కొంటున్నారని, బోథ్‌లోనే డయాలసిస్ సెంటర్‌ను పునరుద్ధరించాలని కోరారు. అదేవిధంగా ఇచ్చొడలో పెరుగుతున్న వైద్య అవసరాలను దృష్టిలో ఉంచుకుని 30 పడకల కమ్యూనిటీ హెల్త్ సెంటర్‌ (CHC) మంజూరు చేయాలని విజ్ఞప్తి చేశారు. నెరడిగొండ, బజార్‌హత్నూర్‌ మండలాల్లో అటవీ శాఖకు సంబంధించిన భూ సమస్యలను పరిష్కరించాలని, అటవీ అధికారుల వైఖరి కారణంగా ప్రజలు ఇబ్బందులు పడుతున్నారని ఎమ్మెల్యే పేర్కొన్నారు. అర్హులైన గిరిజనేతరులకు అటవీ హక్కు పట్టాలు అందేలా చర్యలు తీసుకోవాలని కోరారు. బోథ్ నియోజకవర్గ అభివృద్ధి, ప్రజల సంక్షేమాన్ని దృష్టిలో ఉంచుకుని ఈ అంశాలపై ప్రభుత్వం ప్రత్యేక దృష్టి సారించి త్వరితగతిన సానుకూల నిర్ణయాలు తీసుకోవాలని ఎమ్మెల్యే అనిల్ జాదవ్ మంత్రులను కోరారు.

నిర్మల్

పార్కింగ్‌ సదుపాయం లేని మాల్స్‌పై చర్యలు తీసుకోవాలి

పున్నమి ప్రతినిధి :నిర్మల్‌లో ట్రాఫిక్‌ సమస్యలపై కలెక్టర్‌కు ఫిర్యాదు నిర్మల్: పట్టణంలోని పలు షాపింగ్‌ మాల్స్‌, సూపర్‌ మార్కెట్లు, మార్టుల వద్ద సరైన పార్కింగ్‌ సదుపాయం లేకపోవడంతో ప్రధాన రహదారులపై ట్రాఫిక్‌ సమస్యలు తలెత్తుతున్నాయని ఆరోపిస్తూ జిల్లా కలెక్టర్‌కు ఫిర్యాదు చేశారు. చందనా బ్రదర్స్‌, చెన్నై షాపింగ్‌, మాంగల్య తదితర వాణిజ్య సంస్థల వద్ద వాహనాలను రోడ్లు, ఫుట్‌పాత్‌లపై నిలిపివేయడంతో ప్రజలకు తీవ్ర ఇబ్బందులు ఎదురవుతున్నాయని ఫిర్యాదులో పేర్కొన్నారు. ముఖ్యంగా సాయంత్రం 5 గంటల నుంచి రాత్రి 9 గంటల వరకు ట్రాఫిక్‌ రద్దీ అధికంగా ఉంటోందని, అంబులెన్సులు, పాఠశాల బస్సులు, పాదచారులు ఇబ్బందులు పడుతున్నారని తెలిపారు. మాల్స్‌ ముందు రోడ్లపై ప్రకటన బోర్డులు, వస్త్ర స్టాండ్లు, ఇతర సామగ్రి ఏర్పాటు చేయడంతో పాటు పండుగల సమయంలో టెంట్లు, లైట్లు ఏర్పాటు చేయడం వల్ల సమస్య మరింత తీవ్రమవుతోందని పేర్కొన్నారు. పార్కింగ్‌ నిబంధనలపై పట్టణంలోని అన్ని మాల్స్‌, మార్టులపై సమగ్ర సర్వే నిర్వహించి, నిబంధనలు ఉల్లంఘిస్తున్న సంస్థలకు నోటీసులు జారీ చేసి జరిమానాలు విధించాలని కోరారు. అవసరమైతే ట్రేడ్‌ లైసెన్సులపై చర్యలు తీసుకోవాలని, ప్రధాన రహదారులపై వాహనాలను నిలిపే వారిపై ట్రాఫిక్‌ పోలీసులు చలాన్లు విధించాలని విజ్ఞప్తి చేశారు. చిరు వ్యాపారులపై మాత్రమే కాకుండా పెద్ద వాణిజ్య సంస్థల ఆక్రమణలపైనా సమానంగా చర్యలు తీసుకోవాలని ఫిర్యాదుదారులు డిమాండ్‌ చేశారు. ఫిర్యాదు ప్రతులను అదనపు కలెక్టర్‌ (లోకల్‌ బాడీస్‌), నిర్మల్‌ జిల్లా ఎస్పీకి కూడా సమర్పించినట్లు తెలిపారు. ప్రజా ప్రయోజనాల దృష్ట్యా అధికారులు తక్షణమే స్పందించి సమస్యను పరిష్కరించాలని, లేకుంటే పెద్ద ఎత్తున ఆందోళన చేపడతామని, అవసరమైతే తెలంగాణ హైకోర్టును ఆశ్రయిస్తామని ఫిర్యాదుదారులు మీర్జా షోయేబ్‌, షేక్‌ ఇంతియాజ్‌ అహ్మద్‌, మొహమ్మద్‌ మినాజ్‌, మొహమ్మద్‌ మొఖీమ్‌, మహమ్మద్‌ ఫసి తెలిపారు.

నిర్మల్

నిర్మల్ అభివృద్ధికి కాంగ్రెస్ ప్రభుత్వం ప్రాధాన్యత

అభివృద్ధి కార్యక్రమాల్లో మంత్రులు, కాంగ్రెస్ నేతల పాల్గొనడం నిర్మల్: నిర్మల్ జిల్లా కలెక్టరేట్‌లో సోమవారం నిర్వహించిన పలు అభివృద్ధి కార్యక్రమాల ప్రారంభోత్సవాలు, శంకుస్థాపన కార్యక్రమాల్లో తెలంగాణ రాష్ట్ర మంత్రి శ్రీ పొంగులేటి శ్రీనివాస్ రెడ్డి, ఉమ్మడి ఆదిలాబాద్ జిల్లా ఇన్‌చార్జి మంత్రి శ్రీ జూపల్లి కృష్ణారావు పాల్గొన్నారు. ఈ కార్యక్రమంలో నిర్మల్ జిల్లా డీసీసీ అధ్యక్షులు, ఖానాపూర్ ఎమ్మెల్యే వెడ్మ బొజ్జు పటేల్, నిర్మల్ నియోజకవర్గ కాంగ్రెస్ పార్టీ ఇన్‌చార్జి కూచాడి శ్రీహరి రావు, జిల్లా లైబ్రరీ చైర్మన్ సయ్యద్ అర్జుమాంద్ అలీ, మాజీ జెడ్పీటీసీ పత్తి రాజేశ్వర్ తదితర కాంగ్రెస్ నాయకులు పాల్గొన్నారు. ఈ సందర్భంగా జిల్లాలో చేపట్టనున్న పలు అభివృద్ధి పనులకు ప్రారంభోత్సవాలు, శంకుస్థాపనలు నిర్వహించారు.

నిర్మల్

మంత్రి పొంగులేటి శ్రీనివాస్ రెడ్డి రేపు నిర్మల్ జిల్లా పర్యటన

నిర్మల్, అక్టోబర్ 4: తెలంగాణ రాష్ట్ర గృహ నిర్మాణ, రెవెన్యూ, సమాచార–ప్రజా సంబంధాల శాఖ మంత్రి శ్రీ పొంగులేటి శ్రీనివాస్ రెడ్డి సోమవారం (అక్టోబర్ 5) నిర్మల్ జిల్లాలో పర్యటించనున్నారు. ఉదయం 9:45 గంటలకు ఐడీఓసీ హెలిప్యాడ్‌కు చేరుకోనున్న మంత్రి, 10 గంటలకు వివిధ అభివృద్ధి పనులకు శంకుస్థాపనలు చేయనున్నారు. అనంతరం 10:30 గంటలకు గృహ నిర్మాణం, రెవెన్యూ అంశాలపై జిల్లా కలెక్టర్లు, అధికారులతో సమీక్ష సమావేశం నిర్వహిస్తారు. మధ్యాహ్న భోజనం అనంతరం 3:30 గంటలకు ఐడీఓసీ హెలిప్యాడ్ నుంచి హైదరాబాద్‌కు బయలుదేరుతారు.

నిర్మల్

ఎంబీబీఎస్ సీటు సాధించిన మంజుల రాజేశ్వర్ కుమారుడికి ఘన సన్మానం

నిర్మల్ పున్నమి ప్రతినిధి: లక్ష్మణచందా మండలానికి చెందిన ఓస మంజుల–రాజేశ్వర్ దంపతుల కుమారుడికి కాకతీయ మెడికల్ కళాశాలలో ఎంబీబీఎస్ సీటు లభించడంతో కుటుంబ సభ్యులను ఘనంగా సన్మానించారు. ఈ సందర్భంగా విద్యార్థిని అభినందిస్తూ భవిష్యత్తులో ఉన్నత శిఖరాలను అధిరోహించాలని ఆకాంక్షించారు. కార్యక్రమంలో జడ్పీటీసీ ఓస రాజేశ్వర్, నిర్మల్ మార్కెట్ కమిటీ వైస్ చైర్మన్ ఈటల శ్రీనివాస్, మాజీ కో-ఆప్షన్ సభ్యుడు సిరాజ్, కల్లెడ భూమన్న, ఓస రవీందర్ తదితర నాయకులు పాల్గొన్నారు.

నిర్మల్

బాధిత కుటుంబాన్ని కుటుంబాన్ని పరామర్శించిన ఎమ్మెల్యే పవార్ రామారావు పటేల్ గారు…

భైంసా : బైంసా మండలంలోని పాంగ్రి గ్రామానికి చెందిన నారాయణ పటేల్ గారి భార్య కుసుంబాయి గారు అనారోగ్యంతో మృతి చెందడంతో ఎమ్మెల్యే శ్రీ పవార్ రామారావు పటేల్ గారు వారి కుటుంబాన్ని పరామర్శించారు. మృతురాలి చిత్రపటానికి పూలమాల వేసి నివాళులర్పించి, కుటుంబ సభ్యులకు ప్రగాఢ సానుభూతి తెలియజేశారు. ఈ కష్ట సమయంలో అండగా ఉంటామని భరోసా కల్పించారు.