Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Kakinada

కాకినాడ

హిందూ దేవాలయాలలో వరుసగా జరుగుతున్న చోరీ కేసులను ఛేదించి నిందితుడిని అరెస్టు చేసిన కాకినాడ జిల్లా పోలీసులు .

హిందూ దేవాలయాలలో వరుసగా జరుగుతున్న చోరీ కేసులను ఛేదించి నిందితుడిని అరెస్టు చేసిన కాకినాడ జిల్లా పోలీసులు కాకినాడ జిల్లా ఎస్పీ శ్రీ జి. బిందు మాధవ్, ఐపీఎస్ గారి ఆదేశాలతో కాకినాడ సబ్ డివిజనల్ పోలీస్ ఆఫీసర్ N.S.V.K. దుర్గారావు గారి ప్రత్యక్ష పర్యవేక్షణలో కాకినాడ జిల్లా తిమ్మాపురం పోలీసు స్టేషన్ పరిధిలో గల తిమ్మాపురం మెయిన్ రోడ్‌లోని వినాయకుని ఆలయంలోను మరియు కాకినాడ జిల్లాలోని పలు ఆలయాలలో దొంగతనాలు చేసిన నిందితుడిని అరెస్టు చేసి అతని వద్ద నుండి వెండి దేవతా మూర్తుల విగ్రహాల తొడుగులు, బంగారు వస్తువులు, బంగారు ముక్కలు, వెండి కడ్డీలు మరియు వెండి వస్తువులు, నేరానికి ఉపయోగించిన మోటార్ సైకిల్‌ను స్వాధీనం చేసుకున్నారు. వాటి విలువ మొత్తం సుమారు రూ.48,00,000/- (అక్షరాల నలభై ఎనిమిది లక్షల రూపాయలు) ఉంటుంది. కేసు వివరాలు ది. 17/18.10.2026 తేదీన అర్థరాత్రి 1.00 గంట నుండి 2.00 గంటల మధ్యలో తిమ్మాపురం పోలీసు స్టేషన్ పరిధిలో గల వినాయకుని ఆలయంలో తలుపు తాళం బద్దలు కొట్టి గుడిలోకి ప్రవేశించి దొంగతనానికి పాల్పడగా Cr. No. 116/2026 U/S 331(4), 305(a) BNS కేసు నమోదు చేయబడినది. ప్రత్యేక దర్యాప్తు బృందాలు కాకినాడ జిల్లాలో పలు దేవాలయాలలో జరిగే దొంగతనాలను అరికట్టేందుకు ఎస్పీ శ్రీ జి. బిందు మాధవ్, ఐపీఎస్ గారు ప్రత్యేక దృష్టి సారించి, నిందితులను త్వరితగతిన గుర్తించి అరెస్టు చేయాలని ఆదేశించారు. ఎస్పీ గారి ఆదేశాల మేరకు కాకినాడ సబ్ డివిజనల్ పోలీస్ ఆఫీసర్ N.S.V.K. దుర్గారావు గారి పర్యవేక్షణలో కాకినాడ రూరల్ CI D.S. చైతన్య కృష్ణ, తిమ్మాపురం SI Y. గణేష్ కుమార్ లతో ప్రత్యేక క్రైమ్ బృందాలు ఏర్పాటు చేసి, సాంకేతిక మరియు ఇతర దర్యాప్తు పద్ధతుల ద్వారా నిందితుడి కోసం గాలింపు చేపట్టారు. నిందితుడి అరెస్టు 19.11.2026 తేదీన మధ్యాహ్నం 1.00 గంటకు తిమ్మాపురం గ్రామ శివారులోని NH-216 బైపాస్ రోడ్డు వద్ద తిమ్మాపురం సబ్ ఇన్‌స్పెక్టర్ శ్రీ Y. గణేష్ కుమార్ గారు నిందితుడిని గుర్తించి అరెస్టు చేశారు

కాకినాడ

అర్నబ్” తుఫాను ముప్పు వేళఅధికారులకు స్పష్టమైన దిశా నిర్దేశం.

“అర్నబ్” తుఫాను ముప్పు ను సమర్థవంతం గా ఎదుర్కొనేందుకు100% సమర్థతతో, జిల్లా స్థాయి నుండి గ్రామ స్థాయి వరకు లైన్ డిపార్ట్‌మెంట్లు సమన్వయంతో పనిచేయాలని జిల్లా కలెక్టర్ ఎం.ఎన్. హరేoధిర ప్రసాద్ సూచించారు. సోమవారం ఉత్తర కోస్తా జిల్లాలకు సంబంధించి‌ అర్నబ్ తుఫాను సమర్థ వంతంగా ఎదుర్కొనేందుకు చేపట్టాల్సిన ముందస్తు చర్యలపై రాష్ట్ర ముఖ్య మంత్రి శ్రీ నారా చంద్ర బాబు నాయుడు జిల్లా కలెక్టర్లతో వీడియో కాన్ఫరెన్స్ నిర్వహించి దిశా నిర్దేశం చేశారు. ఈ వీడియో కాన్ఫరెన్స్ కు కాకినాడ కలెక్టరేట్ నుంచి జిల్లా కలెక్టర్ ఎం.ఎన్. హరేంధిర ప్రసాద్‌, జిల్లా పోలీస్ సూపరింటెండెంట్ జి.బిందు మాధవ్, జిల్లా జాయింట్ కలెక్టర్ అపూర్వ భరత్,సహాయ కలెక్టర్ కుమారి ప్రియా, డి.ఆర్.ఓ డాక్టర్ డి. తిప్పే నాయక్ లతో కలిసి పాల్గొ న్నారు ఈ వీడియో కాన్ఫరెన్స్ అనంతరం జిల్లా కలెక్టర్ అధికారులను ఉద్దేశించి ప్రసంగిస్తూ అర్నబ్ తుఫాను పొంచి ఉన్న నేపథ్యంలో అధికారులు తమకు కేటాయించిన విధులను, బాధ్యతలను బాధ్యతా యుతంగా నిర్వహించాలని స్పష్టం చేశారు. గత అను భవాలను దృష్టిలో ఉంచుకొని ముందస్తు గా పూర్తి అప్రమత్తతతో ఉండాలన్నారు. లైన్ డిపార్ట్‌మెంట్లన్నీ పరస్పరం చర్చించుకుంటూ జిల్లా స్థాయి నుండి గ్రామస్థాయి వరకు గల ప్రతి అధికారి, సిబ్బంది పూర్తి సమన్వయం తో పనిచేయాలన్నారు. సరైన సమర్థవంతమైన ప్రణాళిక ద్వారానే ఆస్తి ప్రాణ నష్టాలను పూర్తిగా అరికట్టవచ్చునన్నారు. అడ్వాన్స్ ప్లానింగ్ మరియు రియల్ టైమ్ మానిటరింగ్ ద్వారా సహాయక చర్యలు సంపూర్ణంగాఅందించాలన్నారు.ఈవెంట్ మేనేజ్‌మెంట్‌ లో ముందస్తు ప్రణాళిక ప్రత్యక్ష పర్యవేక్షణ అత్యంత కీలకం అన్నారు. సంక్షోభ సమయానికి ముందే జిల్లా యంత్రాంగం సంపూర్ణ సన్నద్ధతతో ఉండా లన్నారు. గడిచిన కాలం నాటి డేటాను వర్గీకరించి భద్రపరచాలన్నారు. విపత్తు నిర్వహణ విధానం కేవలం అకాడమిక్‌గా కాకుండా భవిష్యత్తుకు ఒక ప్రామాణిక ప్రూఫ్ ఆఫ్ కాన్సెప్ట్ గా నిలవాలన్నారు. వ్యవసాయ,ఉద్యాన జలవనరులు, వైద్య ఆరోగ్యశాఖ, పశుసంవర్ధక ఆర్ అండ్ బి మత్స్య, మహిళా శిశు సంక్షేమ, స్కూల్ ఎడ్యుకేషన్ పోలీస్ ఫైర్ శాఖలు చేపట్టా ల్సిన చర్యలను వివరించారు రెస్క్యూ మరియు రిలీఫ్ ఆపరేషన్ల కోసం ట్రాన్స్‌పోర్ట్ డిపార్ట్‌మెంట్ తరఫున అన్ని వాహనాలను సంబంధిత యాప్‌లో కార్పొరేట్ చేసి సిద్ధంగా ఉంచాలన్నారు.

కాకినాడ

ఆర్నబ్ తుఫాన్‌ హెచ్చరిక.. పాఠశాలలు, కళాశాలలకు రెండు రోజులు సెలవులు!

*ఆర్నబ్ తుఫాన్‌ హెచ్చరిక.. పాఠశాలలు, కళాశాలలకు రెండు రోజులు సెలవులు!* *కాకినాడను తాకే అవకాశం.. 100 కి.మీ. వేగంతో ఈదురుగాలులు వీచే సూచన* * ఆర్నబ్ తుఫాన్‌ కాకినాడ జిల్లాను తాకే అవకాశం ఉన్నందున ప్రజలు అప్రమత్తంగా ఉండాలని జిల్లా కలెక్టర్‌ ఎం. హరిందర ప్రసాద్‌ సూచించారు. తుఫాన్‌ తీవ్ర తుఫాన్‌గా మారే అవకాశం ఉండటంతో ముందస్తు జాగ్రత్తలు చేపట్టినట్లు తెలిపారు. – జిల్లాలో ఆరు తుఫాన్‌ కేంద్రాలను సిద్ధం చేశామని, తీర ప్రాంత ప్రజలను మంగళవారం ఉదయం సైక్లోన్‌ షెల్టర్లకు తరలించనున్నట్లు కలెక్టర్‌ తెలిపారు.మత్స్యకారులను అప్రమత్తం చేసి, సముద్రంలో వేటకు వెళ్లవద్దని సూచించినట్లు పేర్కొన్నారు. – గంటకు 100 కిలోమీటర్ల వేగంతో ఈదురుగాలులు వీచే అవకాశం ఉన్నందున ఎన్డీఆర్‌ఎఫ్‌, ఎస్‌డీఆర్‌ఎఫ్‌ బృందాలను అప్రమత్తం చేసినట్లు వెల్లడించారు. జిల్లా స్థాయిలో 24 గంటల పాటు అందుబాటులో ఉండే కంట్రోల్‌ రూమ్‌ను ఏర్పాటు చేసినట్లు తెలిపారు. *జిల్లా కంట్రోల్‌ రూమ్‌ నంబర్లు:* 📞 08842356801 📞 9849903879 Uploaded Video:

కాకినాడ

కాకినాడ జిల్లా పోలీసు కార్యాలయంలోని అమరవీరుల స్థూపం వద్ద బుధవారం ఘనంగా పోలీస్ అమరవీరుల సంస్మరణ దినం.

విధి నిర్వహణలో ప్రాణాలర్పించిన పోలీసు అమరవీరుల త్యాగాలు చిరస్మరణీయం అమరవీరుల కుటుంబాలకు పోలీసు శాఖ ఎల్లప్పుడూ అండగా ఉంటుంది – కాకినాడ జిల్లా ఎస్పీ శ్రీ జి. బిందుమాధవ్, ఐపీఎస్ పోలీసు అమరవీరుల సంస్మరణ దినం సందర్భంగా కాకినాడ జిల్లా పోలీసు కార్యాలయంలోని అమరవీరుల స్థూపం వద్ద బుధవారం ఘనంగా నివాళులర్పించారు. ముఖ్య అతిథిగా హాజరైన జిల్లా కలెక్టర్ శ్రీ ఎం.ఎన్. హరేంధిర ప్రసాద్, ఐఏఎస్, జిల్లా ఎస్పీ శ్రీ జి. బిందుమాధవ్, ఐపీఎస్ గారితో కలిసి అమరవీరుల స్థూపం వద్ద పుష్పగుచ్ఛాలు సమర్పించి నివాళులర్పించారు. ఉదయం 7.30 గంటలకు పరేడ్ ప్రారంభమై, రిజర్వ్ ఇన్‌స్పెక్టర్ శ్రీ ఎం. నరసింహమూర్తి పరేడ్ కమాండర్‌గా బాధ్యతలు స్వీకరించారు. జిల్లా ఎస్పీ రాక సందర్భంగా, అనంతరం ముఖ్య అతిథిగా జిల్లా కలెక్టర్ రాక సందర్భంగా స్మృతి పరేడ్ బృందం గౌరవ వందనం సమర్పించింది. అమరవీరుల స్మరణార్థం పరేడ్ కమాండర్ ఆదేశాల మేరకు “షహీద్ పుస్తక్ తోలి” నిర్వహించిననంతరం జిల్లా కలెక్టర్ గారు మాట్లాడుతూ, విధి నిర్వహణలో ప్రజల ప్రాణ, ఆస్తుల రక్షణ కోసం ప్రాణత్యాగం చేసిన పోలీసు అమరవీరుల సేవలు, త్యాగాలు ఎప్పటికీ మరువలేనివని, వారి త్యాగాలు పోలీసు సిబ్బందితో పాటు భావితరాలకు స్ఫూర్తిదాయకమని పేర్కొన్నారు. జిల్లా ఎస్పీ గారు మాట్లాడుతూ, ప్రజల రక్షణ కోసం ప్రాణాలను సైతం లెక్కచేయకుండా విధులు నిర్వహించి అమరులైన పోలీసు వీరుల త్యాగాలను స్మరించుకోవడం ప్రతి ఒక్కరి బాధ్యతని తెలిపారు. అనంతరం అడిషనల్ ఎస్పీ (అడ్మిన్) డాక్టర్ మహంతి కిషోర్ కుమార్ అమరవీరుల పేర్లతో కూడిన రోల్ ఆఫ్ హానర్ ను చదివి వినిపించారు. ఈ ఏడాది దేశ వ్యాప్తంగా 154 మంది పోలీసులు వివిధ ఆపరేషన్స్ లో ప్రాణత్యాగం చేసి అమరులైనట్లు, వారిలో ఒకరు మన ఆంధ్రప్రదేశ్ నుండి ఉన్నారని పేర్కొన్నారు. అమరవీరులకు గౌరవ సూచకంగా అందరూ రెండు నిమిషాల పాటు మౌనం పాటించారు. తదుపరి అధికారులు, ఆహ్వానితులు, అమరవీరుల కుటుంబ సభ్యులు అమరవీరుల స్థూపం వద్ద పుష్పగుచ్ఛాలు సమర్పించి నివాళులర్పించారు. పరేడ్ ముగిసిన అనంతరం అమరవీరుల కుటుంబ సభ్యులకు జ్ఞాపికలు అందజేసి, వారితో ఆత్మీయంగా మాట్లాడి పండ్లు, నగదు సహాయం అందించారు. అమరవీరుల కుటుంబాలకు పోలీసు శాఖ ఎల్లప్పుడూ అండగా ఉంటుందని, వారి సంక్షేమానికి ప్రాధాన్యతనిస్తామని జిల్లా ఎస్పీ భరోసా ఇచ్చారు. పోలీసు అమరవీరుల త్యాగాలను ప్రతిబింబించేలా దేవిన సిస్టర్స్ దేవిన సోహిత, దేవిన ధన్యత రూపొందించిన సైకత శిల్పం కార్యక్రమానికి ప్రత్యేక ఆకర్షణగా నిలిచింది.

కాకినాడ

కాకినాడ జిల్లా పోలీసులు చైన్ స్నాచింగ్ కేసుల ఛేదింపు.

జిల్లా పోలీస్ శాఖ చైన్ స్నాచింగ్ కేసులను ఛేదించి నిందితులను అరెస్టు చేసిన కాకినాడ జిల్లా పోలీసులను కాకినాడ జిల్లా ఎస్పీ శ్రీ జి. బిందు మాధవ్, ఐపీఎస్ గారు ప్రత్యేక చొరవతో కాకినాడ ఇంచార్జ్ సబ్ డివిజనల్ పోలీస్ ఆఫీసర్ మరియు అడిషనల్ ఎస్పీ (అడ్మిన్) డాక్టర్ మహంతి కిషోర్ కుమార్ గారి ప్రత్యేక పర్యవేక్షణలో కాకినాడ జిల్లాలో మరియు కోనసీమ జిల్లాలో పలు చైన్ స్నాచింగ్ చోరీలకు పాల్పడుతున్న ఇద్దరు ముద్దాయిలను అరెస్టు చేసి వారి వద్ద నుండి 15 కేసులలో ₹40,00,000/- (అక్షరాల నలభై లక్షల రూపాయలు) విలువగల 280 గ్రాముల బంగారు గొలుసులను, ఒక మోటార్ సైకిల్‌ను రికవరీ చేసి కాకినాడ జిల్లా పోలీసులు స్వాధీనం చేసుకున్నారు. ప్రత్యేక దర్యాప్తు బృందాలు కాకినాడ జిల్లాలో గత మూడు సంవత్సరాలుగా వివిధ ప్రదేశాలలో వరుస చైన్ స్నాచింగ్‌లకు పాల్పడుతున్న దొంగలను పట్టుకుని చైన్ స్నాచింగ్‌లను అరికట్టేందుకు ఎస్పీ శ్రీ జి. బిందు మాధవ్, ఐపీఎస్ గారు ప్రత్యేక దృష్టి సారించి, నిందితులను త్వరితగతిన గుర్తించి అరెస్టు చేయాలని ఆదేశించారు. ఎస్పీ గారి ఆదేశాల మేరకు కాకినాడ జిల్లా అదనపు ఎస్పీ (అడ్మిన్) డా. మహంతి కిషోర్ కుమార్, APPS గారి ప్రత్యేక పర్యవేక్షణలో కాకినాడ క్రైమ్ ఇన్‌స్పెక్టర్ పి.వి. త్రినాథ్ మరియు కాకినాడ రూరల్ ఇన్‌స్పెక్టర్ డి. హితన్య కృష్ణ, కాకినాడ IT CORE ఇన్‌స్పెక్టర్ డి. దుర్గా శేఖర్ రెడ్డి, క్రైమ్ ఎస్.ఐ.ఎస్. విల్లన్ బాబు, ఇంద్రపాలెం ఎస్.ఐ. ఎం. వీరబాబు గార్ల నేతృత్వంలో కాకినాడ క్రైమ్ పోలీసులు, కాకినాడ IT CORE సిబ్బంది, ఇంద్రపాలెం పోలీసులు సంయుక్తంగా కృషి చేసి, క్రైమ్ బృందాలు ఏర్పాటు చేసి, సాంకేతికత మరియు ఇతర దర్యాప్తు పద్ధతుల ద్వారా నిందితుల కోసం గాలింపు చేపట్టారు.

కాకినాడ

జేఎన్‌టీయూకే లో జరిగిన 31వ సీఐఐ భాగస్వామ్య సదస్సు 2026.

ఆంధ్రప్రదేశ్ ఉప ముఖ్యమంత్రి పవన్ కళ్యాణ్, అక్టోబర్ 12, 2026న కాకినాడలోని జేఎన్‌టీయూ (జేఎన్‌టీయూకే)లో జరిగిన 31వ సీఐఐ భాగస్వామ్య సదస్సు 2026 ప్రాంతీయ సమావేశానికి హాజరయ్యారు. కార్యక్రమం & సమావేశంలోని ముఖ్యాంశాలు • పెట్టుబడి ఒప్పందాలపై సంతకాలు: ఆయన సమక్షంలో ఆంధ్రప్రదేశ్ ప్రభుత్వం గోదావరి ప్రాంతం కోసం ₹6,200 కోట్ల విలువైన ప్రధాన పెట్టుబడి ఒప్పందాలపై సంతకాలు చేసింది. వీటి ద్వారా సుమారు 18,000 ఉద్యోగాలు సృష్టించబడతాయని అంచనా. • కీలక ప్రాజెక్టుల ప్రకటన: • నెక్సాన్-జియోకెమ్ గ్రూప్ ద్వారా ఎలక్ట్రిక్ వాహనాల కోసం ఒక రేర్ ఎర్త్ పర్మనెంట్ మాగ్నెట్ ప్లాంట్ (₹1,250 కోట్ల పెట్టుబడితో, 600 టన్నుల వార్షిక సామర్థ్యంతో). • కాకినాడ యాంకరేజ్ పోర్ట్ సమీపంలో ఎస్ఏఎఫ్ వన్ ఎనర్జీ గ్రూప్ ద్వారా ఒక ఏవియేషన్ ఫ్యూయల్ ప్లాంట్. • సముద్ర మత్స్య సలహాలు మరియు సునామీ హెచ్చరికల కోసం ఇండియన్ నేషనల్ సెంటర్ ఫర్ ఓషన్ ఇన్ఫర్మేషన్ సర్వీసెస్ (INCOIS) యొక్క కొత్త శాఖ. • పవన్ కళ్యాణ్ ప్రసంగం: స్థానిక తీరప్రాంతం, మడ అడవులు, భూమిని పరిరక్షిస్తూ, స్వచ్ఛమైన సాంకేతికత, సుస్థిర వృద్ధికి ప్రాధాన్యతనిస్తూ పెట్టుబడిదారులు తమ పెట్టుబడులను, సాంకేతికతను తీసుకురావాలని ఆయన కోరారు.

కాకినాడ

ఆశా వర్కర్లు సమస్యలను పరిష్కరించాలి – CITU ఆధ్వర్యంలో కాకినాడ సిటీ MLA శ్రీ వనమాడి కొండబాబు కి వినతిపత్రం

కాకినాడలో ఆశా వర్కర్ల సమస్యలను పరిష్కరించాలని కోరుతూ CITU ఆధ్వర్యంలో ఏపీ ఆశా వర్కర్స్ యూనియన్ కాకినాడ సిటీ ఎమ్మెల్యే శ్రీ వనమాడి కొండబాబును కలిశారు. ఈ సందర్భంగా ఆశా వర్కర్లు ఎదుర్కొంటున్న సమస్యలను ఆయన దృష్టికి తీసుకెళ్లి, తమ న్యాయమైన డిమాండ్లను ప్రభుత్వం దృష్టికి తీసుకెళ్లి పరిష్కరించేలా చర్యలు తీసుకోవాలని కోరారు. ఆశా కార్యకర్తలు ప్రజలకు వైద్య సేవలు అందించడంలో కీలక పాత్ర పోషిస్తున్నారని, వారి సమస్యలను ప్రభుత్వం గుర్తించి పరిష్కరించాలని విజ్ఞప్తి చేశారు. ఈ మేరకు ఎమ్మెల్యే వనమాడి కొండబాబుకు వినతిపత్రం అందజేసి, ఆశా వర్కర్ల సమస్యల పరిష్కారానికి సహకరించాలని యూనియన్ ప్రతినిధులు కోరారు.

కాకినాడ

కాకినాడ గైనకాలజీ సొసైటీ ఆధ్వర్యంలో స్త్రీలకు ఉచిత బ్రెస్ట్ క్యాన్సర్ వైద్య శిబిరం

స్త్రీలకు ఉచిత బ్రెస్ట్ క్యాన్సర్ వైద్య శిబిరం జాతీయ బ్రెస్ట్ క్యాన్సర్ అవగాహన మాసోత్సవం సందర్భంగా కాకినాడ గైనకాలజీ సొసైటీ ఆధ్వర్యంలో, రాజమండ్రి GSL మెడికల్ కాలేజీ వారి సౌజన్యంతో మహిళలకు ఉచిత బ్రెస్ట్ క్యాన్సర్ వైద్య శిబిరం నిర్వహిస్తున్నారు. ఈ శిబిరంలో భాగంగా ఉచిత బ్రెస్ట్ క్యాన్సర్ పరీక్షలు, రొమ్ము స్కానింగ్, మేమోగ్రఫీ సేవలు అందించనున్నారు. ముఖ్యంగా 35 సంవత్సరాలు దాటిన మహిళలు ఈ అవకాశాన్ని సద్వినియోగం చేసుకోవాలని నిర్వాహకులు కోరుతున్నారు. క్యాన్సర్ గురించి భయపడకుండా, ముందస్తుగా పరీక్షలు చేయించుకోవడం ద్వారా వ్యాధిని ప్రారంభ దశలో గుర్తించి సరైన చికిత్స పొందవచ్చని సూచిస్తున్నారు. ఈ ఉచిత వైద్య శిబిరం 2026 అక్టోబర్ 10వ తేదీ శనివారం కాకినాడలోని NFCL రోడ్‌లో ఉన్న Dr. B.S. Rao Memorial IMA Hallలో నిర్వహించబడుతుంది. ఉదయం 9 గంటల నుంచి మధ్యాహ్నం 1 గంట వరకు శిబిరం కొనసాగుతుంది. మహిళలు ఈ అవకాశాన్ని వినియోగించుకుని తమ ఆరోగ్యంపై ప్రత్యేక శ్రద్ధ చూపాలని నిర్వాహకులు విజ్ఞప్తి చేస్తున్నారు.

కాకినాడ

ఈ నెల 16వ తేదీన పి.ఆర్. ప్రభుత్వ కళాశాలలో నిర్వహించనున్న “జాబ్ మేళా”

ఆంధ్రప్రదేశ్ రాష్ట్ర నైపుణ్యాభివృద్ధి సంస్థ (APSSDC) ఆధ్వర్యంలో ఈ నెల 16వ తేదీన పి.ఆర్. ప్రభుత్వ కళాశాలలో నిర్వహించనున్న “జాబ్ మేళా”పోస్టర్‌ను ఆవిష్కరించిన కాకినాడ సిటీ శాసనసభ్యులు శ్రీ వనమాడి కొండబాబు గారు, మాజీ శాసనసభ్యురాలు శ్రీమతి పిల్లి అనంతలక్ష్మి సత్యనారాయణమూర్తి గారు. నిరుద్యోగ యువతకు ఉపాధి అవకాశాలను చేరువ చేయడం, వారి నైపుణ్యాలకు తగిన ఉద్యోగాలు పొందేలా ప్రోత్సహించడం లక్ష్యంగా నిర్వహిస్తున్న ఈ జాబ్ మేళాను యువత సద్వినియోగం చేసుకోవాలని ఎమ్మెల్యే కొండబాబు గారు ఆకాంక్షించారు. రాష్ట్ర నైపుణ్యాభివృద్ధి సంస్థ ద్వారా ఇప్పటి వరకు అనేక మంది నిరుద్యోగ యువత ఉద్యోగ అవకాశాలు పొందారని, వారికి కలిగిన నైపుణ్యం , అర్హత ఆధారంగా మంచి జీతం పొందవచ్చు అని APSSDC సంస్థ వారు తెలియచేశారు.

కాకినాడ

సూరంపాలెంలోని ఆదిత్య యూనివర్సిటీలో ఆపరేషన్ త్రిశూల్’,కార్యక్రమంలో కాకినాడ జిల్లా ఎస్పీ శ్రీ జి. బిందుమాధవ్, ఐ

ఆపరేషన్ త్రిశూల్‌” కార్యక్రమంలో పాల్గొన్న కాకినాడ జిల్లా ఎస్పీ శ్రీ జి బిందుమాధవ్, ఐపీఎస్. సూరంపాలెంలోని ఆదిత్య యూనివర్సిటీలో ఏర్పాటు చేసిన ‘ఆపరేషన్ త్రిశూల్’ కార్యక్రమంలో కాకినాడ జిల్లా ఎస్పీ శ్రీ జి. బిందుమాధవ్, ఐపీఎస్ స్వయంగా పాల్గొని విద్యార్థులకు కీలకమైన సామాజిక అంశాలపై విస్తృత అవగాహన కల్పించారు. ఈ సందర్భంగా ఎస్పీ గారు స్వయంగా మాట్లాడుతూ.. ఆపరేషన్ త్రిశూల్‌ లో భాగంగా గంజాయి, ఇతర మత్తు పదార్థాలు యువత జీవితాలను నాశనం చేస్తాయని హెచ్చరించారు. డ్రగ్స్ నిర్మూలనకు ఇటీవల చేపట్టిన “రైజ్ ఎగైనెస్ట్ గాంజా”లో విద్యార్థులు చురుగ్గా పాల్గొనాలని, మత్తు పదార్థాలకు సంబంధించిన సమాచారం ఇస్తే తగిన బహుమతి ఇస్తామని, అలాంటి సమాచారం ఉంటే 1972 హెల్ప్‌లైన్ నంబర్‌కు తెలియజేయాలని పిలుపునిచ్చారు. రహదారి భద్రత ప్రతి ఒక్కరి బాధ్యత అని స్పష్టం చేస్తూ, వాహనదారులు తప్పనిసరిగా హెల్మెట్, సీట్‌బెల్ట్ ధరించాలని మరియు అతివేగం, డ్రైవింగ్ చేసేటప్పుడు సెల్‌ఫోన్ వాడకం వంటి నిర్లక్ష్య స్వభావాన్ని వీడాలని సూచించారు. మైనర్లకు వాహనాలు ఇవ్వడం తీవ్రమైన నేరమని, ట్రాఫిక్ నిబంధనలు మన ప్రాణ రక్షణ కోసమేనని వివరించారు. ప్రస్తుత డిజిటల్ యుగంలో పెరిగిపోతున్న సైబర్ నేరాల పట్ల విద్యార్థులు అప్రమత్తంగా ఉండాలని, అపరిచిత లింకులు, ఆన్‌లైన్ పార్ట్‌టైమ్ ఉద్యోగాలు, నకిలీ పెట్టుబడి పథకాలను నమ్మవద్దని తెలిపారు. బ్యాంకు ఖాతా వివరాలు, పిన్, OTP వంటి రహస్య సమాచారాన్ని ఎవరికీ చెప్పకూడదని, సైబర్ మోసం జరిగితే వెంటనే 1930 హెల్ప్‌లైన్‌ను సంప్రదించాలని చెప్పారు. అలాగే అనధికారిక లోన్ యాప్‌ల ఉచ్చులో పడకూడదని మరియు మహిళలు, బాలికల భద్రతకు పోలీసు శాఖ అత్యంత ప్రాధాన్యత ఇస్తుందని ఎస్పీ స్పష్టం చేశారు. వేధింపులకు గురైతే భయపడకుండా 112 అత్యవసర నంబర్‌కు లేదా పోలీసులకు ఫిర్యాదు చేయాలని సూచించారు.