Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: జనగామ

జనగాం

మణిపూర్ ఎంపిడాక్టర్ అంగొంచ భీమోల్ అకోజామ్ ఫోటో ఫ్రేమ్ దగ్ధం చేసిన జనగామ జిల్లా బిజెపి మహిళా మోర్చా

ఈ రోజు భారతీయ జనతా పార్టీ మహిళా మోర్చా అధ్యక్షురాలు సాంబ జీవనజ్యోతి ఆధ్వర్యంలో మణిపూర్ కాంగ్రెస్ పార్టీ ఎంపీ డాక్టర్ అంగొంచ బీమోల్ అకోజామ్ ఫోటో ప్రేమ్ దగ్ధం చేయడం జరిగింది. ఈ కార్యక్రమానికి ముఖ్యఅతిథిగా బిజెపి జనగామ జిల్లా అధ్యక్షులు సౌడ రమేష్ పాల్గొన్నారు. ఈ సందర్భంగా సౌడ రమేష్ మాట్లాడుతూ మణిపూర్ కాంగ్రెస్ ఎంపీ మహిళల పట్ల అనుచితంగా ప్రవర్తిస్తూ అసభ్యమైన పదజాలాన్ని ఉపయోగిస్తూ మహిళలను కించపరిచి మాట్లాడుతూ పైశాచిక ఆనందాన్ని పొందుతున్న కాంగ్రెస్ పార్లమెంటు సభ్యుని సభ్యత్వం రద్దు చేయాలి రాహుల్ గాంధీకి వెంటనే అతన్ని ఆయనను కాంగ్రెస్ పార్టీ నుండి సస్పెండ్ చేయాలని లేనిపక్షంలో మహిళలు పెద్ద ఎత్తున ఉద్యమిస్తారని రాహుల్ గాంధీ కాంగ్రెస్ పార్టీ ఎంపీలు చేస్తున్న దురాగతాలను పక్కన పెట్టి మహిళలపై కించపరిచే వారిని వెనుకేసుకు రావడం దురదృష్టకరమని కాంగ్రెస్ పార్టీకి రానున్న రోజుల్లో తెలంగాణలోమహిళలు తగిన బుద్ధి చెప్తారని వారు తెలిపారు బుడుగుల రమేష్ తోకల ఉమారాణి, బొమ్మ కంటే అనిల్ మహిళా మోర్చా జిల్లా ప్రధాన కార్యదర్శుల ఎనగందుల కళ్యాణి ముస్లి స్వప్న గాదపాక శ్వేత,గణపురం ఉమారాణి సీతారామ శ్యామల కొండ పద్మ వెలిశాల లక్ష్మి శీలం ప్రభావతి రాష్ట్ర నాయకులు డాక్టర్ వెంకటేశ్వర్లు పెద్ద జగదీష్ వెంకటరమణ భాష పాక పాక సుధాకర్ తదితరులు పాల్గొన్నారు

జనగాం

వరంగల్, నల్గొండ, ఖమ్మం ఎమ్మెల్సీ బిజెపి అభ్యర్థి ని మొదటి ప్రాధాన్యత ఓటు తోనే గెలిపించాలి :ఎమ్మెల్సీఅంజిరెడ్డి

ఈరోజు భారతీయ జనతా పార్టీ జిల్లా కార్యాలయంలో వరంగల్ నల్గొండ ఖమ్మం ఎమ్మెల్సీ ఎన్నికల సమావేశం బిజెపి జనగామ జిల్లా అధ్యక్షులు సౌడ రమేష్ ఆధ్వర్యంలో నిర్వహించడం జరిగింది. ఈ కార్యక్రమానికి ముఖ్యఅతిథిగా బిజెపి ఎమ్మెల్సీ చిన్న మైల్ అంజి రెడ్డి రావడం జరిగింది, ఎమ్మెల్సీ అంజి రెడ్డి మాట్లాడుతూ భారతీయ జనతా పార్టీ ఎమ్మెల్సీ అభ్యర్థిని మొదటి ప్రాధాన్యత ఓటుతో గెలిపించాలని నిరుద్యోగ సమస్యలపై ఉద్యోగుల సమస్యలతో ప్రైవేటు టీచర్ల సమస్యలపై రిటైర్డ్ ఎంప్లాయిస్ సమస్యలపై పట్టభద్రుల సమస్యలపై నిరంతరం పోరాటం చేస్తున్న పార్టీ భారతీయ జనతా పార్టీ అని రాష్ట్ర ప్రభుత్వ మెడలు వంచి నిరుద్యోగ భృతికై భాజాపా పోరాటం చేస్తుందని మేధావులు బిజెపికి మద్దతుగా నిలవాలని వారు కోరారు ఈ కార్యక్రమంలో బిజెపి రాష్ట్ర కార్యదర్శి భరత్ ప్రసాద్ బిజెపి రాష్ట్ర అధికార ప్రతినిధి ఆరుట్ల దశమంత రెడ్డి బిజెపి ఎమ్మెల్సీ ఎన్నికల కోఆర్డినేటర్ అభినవ్ భాస్కర్ రాష్ట్ర నాయకులు సిరికొండ విద్యాసాగర్ రెడ్డి ఒడుగుల రమేష్ శివరాజ్ యాదవ్ ప్రధాన కార్యదర్శి తోకల ఉమారాణి ఐలోని అంజిరెడ్డి తదితరులు పాల్గొన్నారు బాష్పాక సుధాకర్ పల్లె కుమార్ అమరేందర్ రెడ్డి వడ్లకొండ రవి బూరుగు సురేష్ తదితరులు పాల్గొన్నారు

జనగాం

సోమవారం జిల్లా స్థాయి ప్రజావాణి కార్యక్రమం రద్దు :జిల్లా కలెక్టర్ సందీప్ కుమార్ ఝా

*సోమవారం జిల్లా స్థాయి ప్రజావాణి కార్యక్రమం రద్దు* *ప్రజలు తమ వినతులతో కలెక్టరేట్‌కు రావద్దు* —జిల్లా కలెక్టర్ సందీప్ కుమార్ ఝా* జిల్లాలో ప్రతి సోమవారం నిర్వహించే జిల్లా స్థాయి ప్రజావాణి కార్యక్రమాన్ని ఈ సోమవారం (అక్టోబర్ 12)న రద్దు చేసినట్లు *జిల్లా కలెక్టర్ సందీప్ కుమార్ ఝా* ఆదివారం ఒక ప్రకటనలో తెలిపారు. రాష్ట్రంలో నెలకొన్న ఎల్‌నినో పరిస్థితుల నేపథ్యంలో రబీ పంటల ప్రణాళిక, పంటల సాగు విధానాలు, పంటల వైవిధ్యీకరణ, వ్యవసాయ నిర్వహణ పద్ధతులపై రైతులకు అవగాహన కల్పించేందుకు *తెలంగాణ రాష్ట్ర ముఖ్యమంత్రి* రైతులను ఉద్దేశించి ప్రసంగించనున్న నేపథ్యంలో, అక్టోబర్ 12వ తేదీ (సోమవారం)న నిర్వహించనున్న రైతు నేస్తం కార్యక్రమం సందర్భంగా కలెక్టరేట్‌లో నిర్వహించే జిల్లా స్థాయి ప్రజావాణి కార్యక్రమాన్ని రద్దు చేసినట్లు స్పష్టం చేశారు. ప్రజలు ఈ విషయాన్ని గమనించి తమ వినతులు, ఫిర్యాదులతో సోమవారం కలెక్టరేట్‌కు రావద్దని *కలెక్టర్* కోరారు. అయితే డివిజన్ స్థాయి, మండల స్థాయిలో నిర్వహించే ప్రజావాణి కార్యక్రమాలు యథావిధిగా కొనసాగుతాయని *కలెక్టర్* వెల్లడించారు. ప్రజలు తమ సమస్యలు, వినతులను సంబంధిత డివిజన్, మండల కార్యాలయాల్లో నిర్వహించే ప్రజావాణి కార్యక్రమాల్లో సమర్పించుకోవచ్చని సూచించారు.

జనగాం

రైతువేదికల్లో రైతు నేస్తం కార్యక్రమం నిర్వహణమహిళా రైతుల భాగస్వామ్యం నకు ప్రత్యేక చర్యలు :జిల్లా కలెక్టర్

*రైతు వేదికల్లో రైతు నేస్తం కార్యక్రమం నిర్వహణ* *మహిళా రైతుల భాగస్వామ్యానికి ప్రత్యేక చర్యలు* –జిల్లా కలెక్టర్ సందీప్ కుమార్ ఝా* రాష్ట్రంలో నెలకొన్న ఎల్‌నినో పరిస్థితుల నేపథ్యంలో రబీ పంటల ప్రణాళిక, పంటల సాగు విధానాలు, పంటల వైవిధ్యీకరణ, వ్యవసాయ నిర్వహణ పద్ధతులపై రైతులకు అవగాహన కల్పించేందుకు *తెలంగాణ రాష్ట్ర ముఖ్యమంత్రి* రైతులను ఉద్దేశించి ప్రసంగించనున్న నేపథ్యంలో, అక్టోబర్ 12వ తేదీన (సోమవారం) నిర్వహించనున్న రైతు నేస్తం కార్యక్రమాన్ని జిల్లాలోని అన్ని రైతు వేదికల్లో పకడ్బందీగా నిర్వహించనున్నట్లు *జిల్లా కలెక్టర్ సందీప్ కుమార్ ఝా* ఆదివారం ఒక ప్రకటనలో తెలిపారు. ఈ మేరకు జిల్లా వ్యవసాయ అధికారి, సంబంధిత శాఖల అధికారులు, మండల స్థాయి అధికారులకు *కలెక్టర్* పలు కీలక సూచనలు జారీ చేశారు. జిల్లాలోని ప్రతి రైతు వేదికకు కనీసం 200 మంది రైతులు హాజరయ్యేలా చర్యలు తీసుకోవాలని, సోమవారం ఉదయం 11 గంటల లోపు రైతులందరూ తమకు కేటాయించిన రైతు వేదికలకు చేరుకునేలా చూడాలని ఆదేశించారు. ప్రతి రైతు వేదికలో మహిళా రైతులకు తగిన ప్రాతినిధ్యం కల్పించాలని స్పష్టం చేశారు. స్వయం సహాయక సంఘాలు, గ్రామ సంఘాలు, సెర్ప్ సిబ్బంది, మహిళా రైతు ఉత్పత్తిదారుల సంఘాల ద్వారా మహిళా రైతులను కార్యక్రమానికి సమీకరించాలని జిల్లా గ్రామీణాభివృద్ధి అధికారిని ఆదేశించారు. ఉద్యానవన, పట్టు పరిశ్రమల శాఖ, మార్కెటింగ్ శాఖ, పశుసంవర్ధక శాఖ అధికారులు తమ పరిధిలోని రైతులు, ఉద్యానవన రైతులు, పాడి పరిశ్రమ, పశుపోషణ రంగాలకు చెందిన రైతులు కార్యక్రమంలో పాల్గొనేలా క్షేత్రస్థాయి సిబ్బంది ద్వారా చర్యలు తీసుకోవాలని సూచించారు. వానాకాలం 2026లో ఎల్‌నినో పరిస్థితులపై అవగాహన కల్పించిన అనంతరం పంటల వైవిధ్యీకరణ, శాఖ సూచించిన వ్యవసాయ పద్ధతులను అనుసరించి ప్రయోజనం పొందిన ఇద్దరు ప్రగతిశీల రైతులను గుర్తించాలని సూచించారు. సహజ వ్యవసాయం, వ్యవసాయ యాంత్రీకరణ, పప్పుధాన్యాల్లో ఆత్మనిర్భరత మిషన్ (MANP) వంటి పథకాల ద్వారా లబ్ధి పొందిన రైతులకు ప్రాధాన్యత ఇవ్వాలని సూచించారు. జనగామ, ఘన్‌పూర్ (స్టేషన్) రెవెన్యూ డివిజన్లలో సంబంధిత ఆర్డీవోలు, మండలాల్లో మండల ప్రత్యేక అధికారులు ఏర్పాట్లను పర్యవేక్షించాలని ఆదేశించారు. ప్రతి రైతు వేదికకు ఒక మండల స్థాయి అధికారిని కేటాయించాలని సూచించారు. ఈ రైతు నేస్తం కార్యక్రమం విజయవంతంగా నిర్వహించేందుకు అన్ని శాఖల అధికారులు సమన్వయంతో పని చేయాలని, రైతులకు ఎల్‌నినో పరిస్థితులు, రబీ పంటల ప్రణాళిక, అనువైన పంటల ఎంపిక, శాస్త్రీయ సాగు పద్ధతులపై అవగాహన కల్పించేలా అవసరమైన ఏర్పాట్లన్నీ నిర్ణీత గడువులోగా పూర్తి చేయాలని వెల్లడించారు.

జనగాం

మిషన్ శక్తి కింద మహిళా సాధికారత జిల్లా కేంద్రం లో 6 పోస్టుల భర్తీకి దరఖాస్తుల ఆహ్వానం :కలెక్టర్ సందీప్ కుమారఝా

*మిషన్ శక్తి కింద మహిళా సాధికారత జిల్లా కేంద్రంలో 6 పోస్టుల భర్తీకి దరఖాస్తుల ఆహ్వానం* మిషన్ శక్తి పథకం కింద జనగామ జిల్లాలోని మహిళా సాధికారత జిల్లా కేంద్రం (డిస్ట్రిక్ట్ హబ్ ఫర్ ఎంపవర్‌మెంట్ ఆఫ్ విమెన్)లో కాంట్రాక్ట్ ప్రాతిపదికన ఆరు పోస్టుల భర్తీకి అర్హులైన అభ్యర్థుల నుంచి దరఖాస్తులను ఆహ్వానిస్తున్నట్లు *జిల్లా కలెక్టర్ సందీప్ కుమార్ ఝా* ఆదివారం ఒక ప్రకటనలో తెలిపారు. *భర్తీ చేయనున్న పోస్టుల వివరాలు:* జిల్లా మిషన్ కో-ఆర్డినేటర్ – 1, జెండర్ స్పెషలిస్ట్ – 2, ఫైనాన్షియల్ లిటరసీలో స్పెషలిస్ట్ – 1, అకౌంట్స్ అసిస్టెంట్ – 1, మల్టీ టాస్కింగ్ స్టాఫ్ – 1 పోస్టు ఉన్నాయన్నారు. *వయోపరిమితి:* 01.10.2026 నాటికి అభ్యర్థుల వయసు 21 నుంచి 44 సంవత్సరాల మధ్య ఉండాలన్నారు. ఎస్సీ, ఎస్టీ, బీసీ అభ్యర్థులకు ఐదేళ్లు, దివ్యాంగులకు పదేళ్ల వయోపరిమితి సడలింపు ఉంటుందన్నారు. *ఎంపిక విధానం:* అభ్యర్థులకు అక్టోబర్ 15, గురువారం ఉదయం 10.00 గంటలకు నెగెటివ్ మార్కింగ్‌తో కూడిన రాత పరీక్ష నిర్వహిస్తారన్నారు. అదే రోజు మౌఖిక పరీక్ష నిర్వహించి, ఫలితాలను ప్రకటిస్తారన్నారు. మరుసటి రోజు నియామక ఉత్తర్వులు జారీ చేస్తారన్నారు. పరీక్షకు హాజరయ్యే అభ్యర్థులు తమ ఒరిజినల్ సర్టిఫికెట్లను తప్పనిసరిగా తీసుకురావాలన్నారు. *దరఖాస్తుల స్వీకరణ:* నిర్ణీత నమూనాలో పూర్తి చేసిన దరఖాస్తులను అక్టోబర్ 9 నుంచి 14వ తేదీ సాయంత్రం 5.00 గంటల వరకు జనగామ కలెక్టరేట్ కార్యాలయం (IDOC)లోని ఇన్‌వార్డ్ సెక్షన్‌లో సమర్పించాలన్నారు. అదే విధంగా, ఆయా పోస్టులకు ఆసక్తి, అర్హత ఉన్న అభ్యర్థులు ఆన్లైన్ ద్వారా కూడా దరఖాస్తు చేసుకోవచ్చని *కలెక్టర్* స్పష్టం చేశారు. *ఆన్లైన్ దరఖాస్తు లింక్:* https://sites.google.com/view/dhew-jangaon-application అలాగే, జనగామ జిల్లా అధికారిక వెబ్‌సైట్‌ https://jangaon.telangana.gov.in లో కూడా ఈ లింక్ అందుబాటులో ఉందని *కలెక్టర్* వెల్లడించారు. ప్రస్తుతం మహిళా సాధికారత జిల్లా కేంద్రంలో పనిచేస్తున్న వారు కూడా ఈ పోస్టులకు దరఖాస్తు చేసుకోవచ్చన్నారు. పోస్టులకు సంబంధించిన విద్యార్హతలు, అనుభవం, పరీక్ష సిలబస్, దరఖాస్తు నమూనా, ఇతర నిబంధనల వివరాలను జనగామ జిల్లా అధికారిక వెబ్‌సైట్ https://jangaon.telangana.gov.in లో (లేదా) కలెక్టరేట్ కార్యాలయ నోటీసు బోర్డులో పరిశీలించాలని వెల్లడించారు.

జనగాం

రైతులకు ఇబ్బందులు కలగకుండా ధాన్యం కొనుగోళ్ళు చేపట్టాలి -జిల్లా అదనపు కలెక్టర్(రెవిన్యూ )బెన్షాలోమ్

రైతులకు ఇబ్బందులు కలగకుండా ధాన్యం కొనుగోళ్లు చేపట్టాలి *జనగామ మండలంలోని షామీర్‌పేటలో ఐకేపీ ధాన్యం కొనుగోలు కేంద్రం ప్రారంభం* -జిల్లా అదనపు కలెక్టర్ (రెవెన్యూ) బెన్షాలోమ్* శనివారం, జనగామ మండలంలోని షామీర్‌పేట గ్రామంలో ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని *జిల్లా అదనపు కలెక్టర్ (రెవెన్యూ) బెన్‌షాలోమ్* సందర్శించి, ప్రారంభించారు. ఈ సందర్భంగా *అదనపు కలెక్టర్ (రెవెన్యూ)* మాట్లాడుతూ.. ధాన్యం కొనుగోలు ప్రక్రియను సమర్థవంతంగా నిర్వహించాలని కేంద్ర నిర్వాహకులకు సూచించారు. కొనుగోలు ప్రక్రియలో ప్రభుత్వ నిబంధనలు పాటిస్తూ, పారదర్శకంగా ధాన్యం సేకరించాలన్నారు. కొనుగోలు కేంద్రంలో అవసరమైన మౌలిక సదుపాయాలు అందుబాటులో ఉండేలా చర్యలు తీసుకోవాలన్నారు. రైతులు తమ ధాన్యాన్ని కొనుగోలు కేంద్రాలకు తీసుకువచ్చే సమయంలో తేమ శాతం నాణ్యతా ప్రమాణాలకు అనుగుణంగా ఉండేలా చూసుకోవాలని, కొనుగోలు ప్రక్రియ సజావుగా జరిగేలా బాధ్యతాయుతంగా విధులు నిర్వహించాలని కేంద్ర నిర్వాహకులకు సూచించారు. ఈ కార్యక్రమంలో ఐకేపీ ఏపీఎం, డీటీ సీఎస్ లు, గ్రామ ప్రతినిధులు, ప్రజాప్రతినిధులు, తదితరులు పాల్గొన్నారు.

జనగాం

జనగామ మున్సిపల్ 8వ కౌన్సిల్ సమావేశం:కమిషనర్ రాజ శేఖర్ రెడ్డి

8వ కౌన్సిల్ సాధారణ సమావేశం తేది.09-10-2026 రోజున ఉ.10-30 గం॥లకు పురపాలక సంఘ కాన్ఫరెన్స్ హాల్ యందు కడకంచి బాలమణి, ఛైర్‌పర్సన్ అధ్యక్షతన నిర్వహించబడినది. ఇట్టి సమావేశములో మొత్తం 34 ఎజెండా అంశములను ప్రవేశపర్చగా, 19 అంశములను కౌన్సిల్ ఆమోదించగా, 15 అంశములను వాయిదా వేయడం జరిగినది.ఇట్టి సమావేశములో సి.హెచ్. రాజశేఖర్, కమిషనర్, వైస్ చైర్మన్ గారు, కౌన్సిలర్లు, మున్సిపల్ అధికారులు మరియు వివిధ డిపార్ట్‌మెంట్ల అధికారులు పాల్గొన్నారు.

జనగాం

ఆర్టీసీ ఎన్నికల్లో ఎంప్లాయిస్ యూనియన ఎంప్లాయిస్ యూనియన్ విజయం తథ్యం:సిపిఐ జిల్లా సహాయ కార్యదర్శి ఆది సాయన్న

ఆర్టీసీ ఎన్నికల్లో ఎంప్లాయిస్ యూనియన్ విజయం తథ్యం : సిపిఐ జిల్లా సహాయ కార్యదర్శి ఆది సాయన్న ———————————————————————— జనగామ , అక్టోబర్ 8, పున్నమి జిల్లా ప్రతినిధి : ఆర్టీసీ కార్మికుల సంక్షేమం కోసం దశాబ్దాలుగా ఉద్యమాలు చేస్తున్న ఎంప్లాయిస్ ఎంప్లాయిస్ యూనియన్ విజయం కోసం కార్మికులందరూ తమ ఓటు వేయాలని సిపిఐ జిల్లా సహాయ కార్యదర్శి ఆది సాయన్న కోరారు. బుధవారం జిల్లా కేంద్రంలోని ఆర్టీసీ డిపో ఆవరణలో ఏర్పాటు చేసిన ఎన్నికల ప్రచార సభలో ఆయన పాల్గొన్నారు.ఈ సందర్భంగా ఆదిసాయన మాట్లాడుతూ ఆర్టీసీ ఎన్నికల్లో ఎంప్లాయిస్ యూనియన్ విజయం కోసం కార్మికులందరూ కృషి చేయాలని కోరారు. కార్మికుల ఎదుర్కొంటున్న సమస్యలు పరిష్కారం కోసం నిరంతరం కృషి చేస్తున్నామని, ప్రభుత్వ హామీలు నెరవేర్చని పక్షంలో ఉద్యమాలు చేయడానికి సిపిఐ పార్టీ మద్దతిస్తుందని ఆయన తెలిపారు. ఈ సమావేశంలో సిపిఐ నాయకులు శ్రీనివాస్, సోమయ్య ,వెంకటాద్రి ,ఐలయ్య ,తదితరులు పాల్గొన్నారు.

జనగాం

ఆర్ టి సి బహుజన కార్మికుల సంఘం యూనియన్ నాయకులను అత్యధిక మెజారిటీ తో గెలిపించాలి :టి ఆర్ పి జనగామ జిల్లా అధ్యక్షులు కట్ల సదానందం, నియోజకవర్గం ఇంచార్జి డాక్టర్ మాచర్ల బిక్షపతి

ఆర్ టి సి బహుజన కార్మికుల సంఘం యూనియన్ నాయకుల కత్తెర గుర్తుకు మీ అమూల్యమైన ఓటు వేసి అత్యధిక మెజారిటీ తో గెలిపించి తీన్మార్ మల్లన్న కు బహుమానం గా ఇవ్వాలని తెలంగాణ రాజ్యాధికార పార్టీ జనగామ జిల్లా అధ్యక్షులు కట్ల సదానందం, నియోజకవర్గం ఇంచార్జి కల్నాల్ డాక్టర్ మాచర్ల బిక్షపతి కోరారు.జనగామ బస్సు డిపోలో ఆర్ టి సి కార్మికులతో కలసి వారు మాట్లాడుతూ కత్తెర గుర్తుకు మీ అమూల్యమైన ఓటు వేయాలి, బహుజన రాజ్యం ఏర్పాటు కై ప్రతి ఒక్కరూ పాటుపడాలని కోరుకుంటూ కార్మికుల సమస్యలు తీరాలంటే, ప్రభుత్వం నుండి రావాల్సిన బకాయిలు చెల్లించాలంటే మన బహుజన కార్మికులకు ఎల్లవేళలా అందరికి అండగా ఉంటూ మన హక్కుల కొరకు పోరాటం చేసే మహా నాయకుడు మన తీన్మార్ మల్లన్న ను గుర్తు పెట్టుకోవాలి, మీరు ఎదుర్కొనే సమస్యల పరిస్కారం కొరకు తెలంగాణ రాజ్యధికార పార్టీ ఎల్లపుడు మీరు వెంటే ఉంటుందని జిల్లా అధ్యక్షులు కట్ల సదానందం తెలిపారు. ఈ కార్యక్రమం లో రాష్ట్ర మరియు జిల్లా టి ఆర్ పి నాయకులు అంజాద్ పాషా, గడ్డం కృష్ణ,నరేష్, సతీష్, టి ఆర్ పి విద్యార్థి విభాగం రాష్ట్ర అధ్యక్షులు పిట్టల సురేష్, ఆర్ టి సి కార్మికులు,తదితరులు పాల్గొన్నారు

జనగాం

జనగామ లో భారీ యాత్ర తో భారత్ సంకల్ప సభ విజవంతం : సౌడ రమేష్ బిజెపి జనగామ జిల్లా అధ్యక్షులు

భారత ప్రధాని శ్రీ నరేంద్ర మోడీ గారు ముఖ్యమంత్రిగా 13 సంవత్సరాలు ప్రధానమంత్రిగా 12 సంవత్సరములు ప్రజా జీవితంలో 25 సంవత్సరంలో పూర్తి చేసుకున్న సందర్భంగా బిజెపి జనగామ జిల్లా అధ్యక్షులు సౌడ రమేష్ ఆధ్వర్యంలో కామాక్షి ఫంక్షన్ హాల్ లో వికసిత్. భారత్ సంకల్ప సభ నిర్వహించడం జరిగింది.ఎల్ ఈ డి స్క్రీన్ ఏర్పాటు చేసి భారత ప్రధాని నరేంద్ర మోడీ గారి ప్రసంగాన్ని వీక్షించి అనంతరం నెహ్రూ పార్క్ నుండి జనగాం అంబేద్కర్ చౌరస్తా వరకు సేవా జ్యోతి యాత్ర నిర్వహించడం జరిగింది. ఈ కార్యక్రమానికి ముఖ్య అతిథులుగా ఎస్సీ మోర్చా రాష్ట్ర అధ్యక్షులు క్రాంతి కిరణ్ రావడం జరిగింది. ఈ సందర్భంగా క్రాంతి కిరణ్ మాట్లాడుతూ నరేంద్ర మోడీ దేశ సంక్షేమం కోసం తన జీవితాన్ని ప్రజలకు అంకితం చేయడం జరిగిందని దేశ ఆర్థిక వ్యవస్థను ప్రపంచంలోనే నాలుగో స్థానంలో నిలిపిన ఘనత మోడీ దని తెలంగాణకు ఎయిమ్స్, ఉమ్మడి వరంగల్ జిల్లా గిరిజన యూనివర్సిటీ వరంగల్ కు ఏర్పోర్ట్, కాజీపేటకు రైల్వే కోచ్ ఫ్యాక్టరీ ప్రధానంగా జనగామ కు రైల్వే స్టేషన్ కోట్ల రూపాయలతో ఆధునీకర వస్తువులతో నిర్మాణం చేయడం జరిగిందని వారు ఆయురారోగ్యాలతో ప్రజాసేవలో ముందుకు సాగాలని వారు తెలిపారు. ఈ కార్యక్రమంలో యాత్ర ప్రముఖ్ వల్ల శ్రీనివాస్ రాష్ట్ర నాయకులు విద్యాసాగర్ రెడ్డి రామ్మోహన్ రెడ్డి, శివరాజ్ యాదవ్, ఉడుముల రమేష్, పాకనాటి దామోదర్ రెడ్డి, జిల్లా ప్రధాన కార్యదర్శి తోకల ఉమారాణి అంజిరెడ్డి నవీన్ రెడ్డి, జిల్లా ఉపాధ్యక్షులు లక్ష్మారెడ్డి,రంగు రాములు, పల్లె కుమార్ వివిధ మోర్చాల అధ్యక్షులు మండల అధ్యక్షులు బిజెపి కార్యకర్తలు తదితరులు పాల్గొన్నారు.