Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: జనగామ

జనగాం

వీధి వ్యాపారులకు ముఖ్య ప్రకటన, రోడ్లు ఫుట్పాత్ ల ఆక్రమణ ల కు ముగింపు, సంజయ్ నగర్ మోడల్ మార్కెట్ కు తరలింపు :కమీషనర్

జనగామ పట్టణ వీధి వ్యాపారులకు ముఖ్య ప్రకటన రోడ్లు, ఫుట్‌పాత్‌ల ఆక్రమణలకు ముగింపు – సంజయ్‌నగర్ మోడల్ మార్కెట్‌కు తరలింపు:మున్సిపల్ కమిషనర్ రాజ శేఖర్ రెడ్డి ——————————————————————— జనగామ పట్టణాన్ని శుభ్రంగా, సుందరంగా, ట్రాఫిక్ ఇబ్బందులు లేని పట్టణంగా తీర్చిదిద్దే లక్ష్యంతో జనగామ మున్సిపాలిటీ కీలక చర్యలు చేపడుతోందని కమీషనర్ రాజశేఖర్ రెడ్డి తెలిపారు. పట్టణంలోని ప్రధాన రహదారులు, ఫుట్‌పాత్‌లు మరియు ప్రజల రాకపోకలకు అంతరాయం కలిగించే ప్రాంతాల్లో నిర్వహిస్తున్న వీధి వ్యాపారాలను సంజయ్‌నగర్‌లో నిర్మించిన ఆధునిక మోడల్ మార్కెట్‌కు దశలవారీగా తరలించేందుకు మున్సిపాలిటీ చర్యలు ప్రారంభించిందని మున్సిపల్ సంజయ్‌నగర్ మోడల్ మార్కెట్ ప్రత్యేకతలు: సుమారు ₹7 కోట్ల వ్యయంతో నిర్మించిన సంజయ్‌నగర్ మోడల్ మార్కెట్‌లో వ్యాపారులకు అవసరమైన మౌలిక సదుపాయాలు కల్పించబడ్డాయి. – 🏪 కూరగాయల మార్కెట్ – 50 షాపులు – 🥩 నాన్-వెజ్ మార్కెట్ – 65 షాపులు – 💧 తాగునీటి సదుపాయం – ⚡ విద్యుత్ సదుపాయం – 🚻 అవసరమైన పారిశుధ్య సదుపాయాలు – 🚶 ప్రజలకు సౌకర్యవంతమైన మార్కెట్ వాతావరణం – 🛍️ వ్యాపారులు క్రమబద్ధంగా వ్యాపారం చేసుకునే అవకాశం దరఖాస్తుల స్వీకరణ: సంజయ్‌నగర్ మోడల్ మార్కెట్‌లో షాపుల కేటాయింపునకు అర్హత కలిగిన వీధి వ్యాపారుల నుండి దరఖాస్తులు స్వీకరించబడతాయి. దరఖాస్తుల స్వీకరణ తేదీలు: 📅 07-10-2026 నుండి 10-10-2026 వరకు అర్హత కలిగిన వీధి వ్యాపారులు నిర్ణీత గడువులోపు మున్సిపాలిటీ కార్యాలయంలో దరఖాస్తు చేసుకోవాలని కోరడమైనది. రోడ్లపై వ్యాపారాలకు స్వస్తి ప్రజల రాకపోకలకు ఇబ్బంది కలిగించే విధంగా ప్రధాన రహదారులు, ఫుట్‌పాత్‌లు మరియు ట్రాఫిక్ ప్రాంతాల్లో వ్యాపారాలు నిర్వహించడం వల్ల ట్రాఫిక్ సమస్యలు, పారిశుధ్య సమస్యలు, ప్రజలకు అసౌకర్యం ఏర్పడుతున్నాయి. కాబట్టి వ్యాపారుల జీవనోపాధికి ఎలాంటి ఇబ్బంది కలగకుండా, వారికి క్రమబద్ధమైన, సురక్షితమైన మరియు అన్ని సదుపాయాలతో కూడిన ప్రత్యామ్నాయ వ్యాపార స్థలాన్ని కల్పించాలనే ఉద్దేశంతో సంజయ్‌నగర్ మోడల్ మార్కెట్‌ను అందుబాటులోకి తీసుకువస్తున్నాము. “వ్యాపారుల జీవనోపాధికి రక్షణ – ప్రజలకు మెరుగైన రాకపోకలు – జనగామకు సుందర రూపం” అనే లక్ష్యంతో ఈ కార్యక్రమాన్ని చేపడుతున్నాము. అందువల్ల జనగామ పట్టణంలోని వీధి వ్యాపారులు మున్సిపాలిటీ చర్యలకు సహకరించి, సంజయ్‌నగర్ మోడల్ మార్కెట్‌లో తమకు కేటాయించిన షాపుల్లో వ్యాపారాలు నిర్వహించుకోవాలని కోరడమైనది.

జనగాం

కాంగ్రెస్ నాయకులు బిజెపి ప్రభుత్వం ఓటు చోరి కి పాల్పడిందని ఆరోపించడం సిగ్గు చేటు :సౌడ రమేష్ బిజెపి జనగామ జిల్లా అధ్యక్షులు

ఈరోజు భారతీయ జనతా పార్టీ జిల్లా కార్యాలయంలో ముఖ్య నాయకుల సమావేశం నిర్వహించడం జరిగింది ఈ సందర్భంగా బిజెపి జనగామ జిల్లా అధ్యక్షులు సౌడ రమేష్ మాట్లాడుతూ కాంగ్రెస్ పార్టీ నాయకులు ఓటు చోరీ కి బిజెపి ప్రభుత్వం పాల్పడదని ఆరోపించడం సిగ్గుచేటని దొంగే దొంగ దొంగ అని అరిచినట్లు ఉందని మొట్టమొదటి ఓటు చోరీ 1947 నెహ్రూ సర్దార్ వల్లభాయ్ పటేల్ ప్రధాని ఎవరు కావాలనే సందర్భంలో సర్దార్ వల్లభాయ్ పటేల్ కు మెజార్టీ ఉంటే ఒక్క ఓటు కూడా మద్దతు లేని నెహ్రూ ప్రధాని అయ్యారని ఆ రోజే కాంగ్రెస్ పార్టీ కాంగ్రెస్ నాయకులు ఓటు చోరీకి పాల్పడ్డారని అదేవిధంగా 1975 అలహాబాద్ హైకోర్టు ఇందిరాగాంధీ లోక్సభ సభ్యత్వం రద్దు చేసిందని ఆ సమయంలో ఇందిరా గాంధీ ఎమర్జెన్సీని విధించి ప్రజాస్వామ్యవాదులందరినీ జైల్లో నిర్బంధించారని అప్పుడే ప్రజల ఓటు చోరీ జరిగిందని అదేవిధంగా 1983లో భారత్ పౌరసత్వాన్ని సోనియా గాంధీ స్వీకరించారని మరి 1980లో ఢిల్లీలో సోనియా గాంధీ ఓటు వేయడం జరిగిందని మరి 1983లో భారత పౌరసత్వాన్ని స్వీకరించిన సోనియాగాంధీ అంతకంటే ముందు 1980లో ఢిల్లీలో ఓటు ఏ విధంగా వేశారని అప్పుడే కాంగ్రెస్ పార్టీ కాంగ్రెస్ నాయకులు ఓటు చోరీ చేయడం జరిగిందని ఇవన్నీ చూస్తుంటే దొంగే దొంగ దొంగ అని అరుస్తున్నట్లు ఉన్నదని అలాంటప్పుడు కేరళ రాష్ట్రంలో కేరళ ముఖ్యమంత్రి వీడి సతీషన్ సర్ ప్రక్రియ వల్ల బోకస్ కమ్యూనిస్టు ఓట్లు తప్పించడం వల్లనే నేను ముఖ్యమంత్రిని కాగలిగానని చెప్పడం మీరు వినలేదా అని కాంగ్రెస్ పాలిత రాష్ట్రాలకు అయితే ఒక న్యాయం మిగతా రాష్ట్రాల్లో అయితే ఇంకొక న్యాయం ఎలా వర్తిస్తుందని వారు ప్రశ్నించారు జనగామ జిల్లాలో డిసిసి అధ్యక్షురాలు ఓటు చోరీ జరిగిందాబిజెపి వాళ్లు ఓటు చోరీ చేశారని మాట్లాడుతున్నారని మరి డిసిసి అధ్యక్షురాలు ఇంట్లో ఏమన్నా ఓట్లు గల్లంత అయ్యాయా అని ప్రశ్నించారు కేంద్ర ప్రభుత్వం బయట దేశాల నుండి అక్రమంగా వచ్చిన పాకిస్తాన్ బంగ్లాదేశ్ రోహింగ్యాల ఓట్లను తప్పకుండా తొలగిస్తుందని దేశంలో అక్రమంగా చొరబడ్డా ఓటు హక్కు పొందిన వారి విషయంలో ఖబర్దార్ కేంద్ర ప్రభుత్వం కఠినంగా వ్యవహరిస్తుందని వారు తెలిపారు ఈ కార్యక్రమంలో బిజెపి జిల్లా ప్రధాన కార్యదర్శి తోకల ఉమారాణి రాష్ట్ర నాయకులు బల్ల శ్రీనివాస్ జిల్లా ప్రధాన కార్యదర్శి ఐ లోన్ అంజిరెడ్డి జిల్లా ఉపాధ్యక్షులు పల్లె కుమార్ కిసాన్ మోర్చా జిల్లా అధ్యక్షులు సోమిడి వెంకటరెడ్డి ఎస్టీ సెల్ జిల్లా అధ్యక్షుడు నినావత్ రవి నాయక్ సందీప్ గణేష్ తదితరులు పాల్గొన్నారు

జనగాం

ఛతిస్గాడ్ బిజెపి రాష్ట్ర ఉపాధ్యక్షులు గుజ్జు వెంకట్రావు ను కలిసిన జనగామ బిజెపి నాయకులు

జనగామ కు విచ్చేసిన చతీస్గాడ్ బిజెపి రాష్ట్ర ఉపాధ్యక్షులు గుజ్జు వెంకట్రావు ను మర్యాద పూర్వకంగా కలిసిన బిజెపి నాయకులు: జనగామ జిల్లాకి విచ్చేసిన చత్తీస్గడ్ బిజెపి రాష్ట్ర ఉపాధ్యక్షులు గుజ్జ వెంకట్రావు రావడం జరిగింది వారి కుటుంబ సభ్యులు అయినా అత్తగారు జనగామ వాస్తవ్యులు కావడంతో వారి 11వ రోజు కార్యక్రమానికి విచ్చేయడం జరిగింది బిజెపి జనగామ జిల్లా పార్టీ నాయకులు జిల్లా ఎన్నికల అధికార ప్రతినిధి పెద్దోజు జగదీష్ చత్తీస్గడ్ బిజెపి రాష్ట్ర ఉపాధ్యక్షులు గుజ్జ వెంకట్రావు గారిని మర్యాదపూర్వకంగా కలిసి జనగామ బిజెపి పార్టీ యొక్క స్థితిగతులను చర్చించుకోవడం జరిగింది బిజెపి పార్టీ బలోపేతానికి అందరూ కలిసికట్టుగా పనిచేసి తెలంగాణలో బిజెపి పార్టీని తీసుకురావాల్సిందిగా ఆయన తెలిపారు ఈ కార్యక్రమంలో పట్టణ కార్యదర్శి దూసర శివకృష్ణ శ్రీనివాస్ గజ్జి మధు మొదలగువారు*

జనగాం

నేషనల్ ఇంటర్ డిస్ట్రిక్ట్ జూనియర్ అథ్లెటిక్స్ ఎంపికలు ముగింపు

నేషనల్ ఇంటర్ డిస్ట్రిక్ట్ జూనియర్ అథ్లెటిక్స్ ఎంపికలు ముగింపు ————————————————————- స్థానిక మినీ స్టేడియం ధర్మకంచ జనగామలో 14 మరియు 16 సంవత్సరాల బాలబాలికల నేషనల్ ఇంటర్ డిస్టిక్ జూనియర్ అథ్లెటిక్స్ (NIDJAM) సెలక్షన్స్ జరిగినవి, ఈ ఎంపీకలలో జిల్లా నలుమూల నుండి దాదాపు 300 మంది క్రీడాకారులు పాల్గొన్నారు, ఈ ఎంపికల్లో ఎంపికైన క్రీడాకారులు వచ్చే నెలలో వోక్సన్ యూనివర్సిటీ, కామ్కోల్, సంగారెడ్డిలో జరిగే జాతీయస్థాయి నేషనల్ ఇంటర్ డిస్ట్రిక్ట్ జూనియర్ అథ్లెటిక్స్ మీట్లో పాల్గొంటారు. ప్రారంభ సమావేశానికి శ్రీ పెద్ద వెంకట నారాయణ గౌడ్ గారు 18 వార్డ్ కౌన్సిలర్ గోపగోని సుగుణాకర్, యూనియన్ బ్యాంక్ మేనేజర్ హరికృష్ణ గారు పాల్గొన్నారు శ్రీ వెంకట్ నారాయణ గౌడ్ గారు మాట్లాడుతూ ఎంపికైన క్రీడాకారులు అందరికీ ట్రాక్స్ తో పాటు రానుగొను ప్రయాణ కర్చులు కూడా ఏర్పాటు చేస్తానని తెలియజేశారు. కౌన్సిలర్ శ్రీ గోపగోని సుగుణాకర్ గారు మాట్లాడుతూ అథ్లెటిక్స్ కు సంబంధించిన రాష్ట్ర స్థాయి క్రీడలను ఏర్పాటు చేస్తే తన వంతు ఆర్థిక హార్దిక సహాయ సహకారాలు పూర్తిగా అందజేస్తానని తెలియజేశారు, శ్రీ హరికృష్ణ స్థానిక యూనియన్ బ్యాంక్ మేనేజర్ గారు మాట్లాడుతూ క్రీడలకు కావలసిన ఏవైనా సౌకర్యాలు అవసరం ఉంటే తనను కలవాల్సిందిగా కోరారు, ముగింపు సమావేశంలో తెలంగాణ అసోసియేషన్ కార్యదర్శి శ్రీ కొదురుపాక సారంగపాణి గారు మాట్లాడుతూ మంచి క్రమశిక్షణ గల క్రీడాకారులను జనగామ జిల్లా తెలంగాణ అథ్లెటిక్స్ అసోసియేషన్ కు అందిస్తుందని క్రీడాకారులు క్రీడల్లో క్రమశిక్షణతో పాల్గొని భవిష్యత్తులో క్రీడాకోటాలో మంచి ఉద్యోగాలు పొందాలని తల్లిదండ్రులకు సమాజానికి మంచి పేరు ప్రతిష్టలు తేవాలని తెలియజేశారు మరియు గెలుపొందిన క్రీడాకారులకు బహుమతి ప్రధానము చేశారు, ఈ కార్యక్రమంలో జనగామ జిల్లా అథ్లెటిక్స్ అసోసియేషన్ ప్రధాన కార్యదర్శి గంగిశెట్టి మనోజ్ కుమార్, కోశాధికారి ఆవుల అశోక్, నిర్వహణ కార్యదర్శి వంచ చంద్రశేఖర్ రెడ్డి, పాఠశాల 19 సంవత్సరాల క్రీడా కార్యదర్శి అజ్మీర కిషన్, పాఠశాల జనగామ జిల్లా కార్యదర్శి శ్రీ జాటోతు గోర్సింగ్, పదవి విరమణ వ్యాయామ విద్య ఉపాధ్యాయ సంఘము జనగామ జిల్లా అధ్యక్షులు శ్రీ గుడ్ల కిష్టయ్య గారు, అథ్లెటిక్స్ అసోసియేషన్ కోచ్ రంజిత్ కుమార్, అథ్లెటిక్స్ అసోసియేషన్ ప్రతినిధులు కిరణ్, శ్రీదేవి, సురేష్, రవీంద్ర ప్రసాద్, దేవ్ సింగ్, రాజు, అన్వేష్, వ్యాయామ దర్శకులు లచ్చిరాం, కిషన్, కిరణ్, దేవ్ సింగ్, సుధారాణి, మహేష్, ఉష తదితరులు పాల్గొన్నారు.

జనగాం

కొమ్మూరి ప్రశాంత్ రెడ్డి ని సన్మానించిన జనగామ కాంగ్రెస్ నాయకులు

కొమ్మూరి ప్రశాంత్ రెడ్డి ని సన్మానించిన జనగామ కాంగ్రెస్ నాయకులు ———————————————————————- ఈరోజు హైదరాబాద్ లో జనగామ నియోజకవర్గ కాంగ్రెస్ పార్టీ ఇంచార్జి , మాజీ ఎమ్మెల్యే కొమ్మూరి ప్రతాప్ రెడ్డి కుమారుడు చేర్యాల వ్యవసాయ మార్కెట్ కమిటీ చైర్మన్ గా కొమ్మూరి ప్రశాంత్ రెడ్డి నియమితులైన సందర్భంగా మర్యాద పూర్వకంగా కలిసి హార్దిక శుభాకాంక్షలు తెలియజేసిన జనగామ కాంగ్రెస్ పార్టీ నాయకులు…. ఈ కార్యక్రమం లో జనగామ వ్యవసాయ మార్కెట్ కమిటీ చైర్మన్ బనుక శివరాజ్ యాదవ్,జిల్లా కాంగ్రెస్ కార్యదర్శి లింగాల నర్సిరెడ్డి,బ్లాక్ కాంగ్రెస్ అధ్యక్షులు మెరుగు బాలరాజు గౌడ్,AMC డైరెక్టర్ నామాల శ్రీనివాస్,జిల్లా కాంగ్రెస్ నాయకులు శివరాత్రి కుమార్, మినలపురం శ్రీకాంత్,పెద్ద రాంచర్ల ఇంచార్జి సర్పంచ్ కాలకుంట్ల శ్యామ్, పెంబర్తి ఉప సర్పంచ్ కొండబోయిన రాజు యాదవ్,జనగామ మండల కాంగ్రెస్ ఉపాధ్యక్షులు మచ్చ కుమార్, నాయకులు అంబాల రఘు,కందాల చంద్రశేఖర్, బైరగోని రఘు,దాసరి సతీష్, యశ్వంత పూర్ గ్రామ కాంగ్రెస్ అధ్యక్షులు బోట్ల హరీష్,రాజు తదితరులు పాల్గొన్నారు.

జనగాం

జనగామ పట్టణం లో ఆరో వార్డు బిజెపి కౌన్సిలర్ అభ్యర్తి కార్తిక్ పుట్టినరోజు సందర్బంగా సన్మానం

జనగామ పట్టణంలోని ఆరో వార్డు బిజెపి కౌన్సిలర్ అభ్యర్థి అయినా జీవిలేకపల్లి కార్తీక్ పుట్టినరోజు సందర్భంగా జనగామ పట్టణంలో ఉన్న బిజెపి నాయకులు కార్యకర్తలు అందరూ కలిసి కార్తీక్ ని ఘనంగా సన్మానించడం జరిగింది. రాబోయే కాలంలో పార్టీ నాయకుల సమన్వయం చేసుకొని ఒకరికొకరు కుటుంబ సంబంధం వలె ఉండి పార్టీకి గెలుపుకి తోడ్పడాలని జనగామలో ఉన్న పార్టీ నాయకులందరూ వచ్చి సంతోషంతో పుట్టినరోజు వేడుకలు జరుపుకోవడం జరిగింది ఈ కార్యక్రమంలో రాష్ట్ర నాయకులు శివరాజ్ యాదవ్ జిల్లా ఉపాధ్యక్షులు దేవర ఎల్లయ్య బిజెపి జిల్లా ఎన్నికల ప్రతినిధి పెద్దోజు జగదీష్ బీజేవైఎం జిల్లా అధ్యక్షులు హరీష్ మహిళా మోర్చా జిల్లా అధ్యక్షులు జీవనజ్యోతి పట్టణ అధ్యక్షులు బొమ్మకంటి అనిల్ పవన్ శర్మ డాక్టర్ వెంకటేశ్వర్లు డాక్టర్ శశిధర్ గుజ్జుల నారాయణ కొంతం శ్రీనివాస్ పూర్ణచందర్ దూసరి శివకృష్ణ తుడుముల అనిల్ ,సూరోజు హరిప్రసాద్, రవిరాజా గోధుమల అశోక్, తోకల హరీష్ కళ్యాణి కే శ్రీలత బింగి రమేష్ మొదలగు పార్టీ నాయకులు కార్యకర్తలు అందరూ వచ్చి జీవులక పల్లె కార్తీక్ కి పుట్టినరోజు శుభాకాంక్షలు తెలియజేయడం జరిగింది

జనగాం

అర్హులైన పట్టభద్రులు ఫారం -18ద్వారా ఓటురు గా నమోదు చేసుకోవాలి :జిల్లా కలెక్టర్ సందీప్ కుమార్ ఝా

అర్హులైన పట్టభద్రులు ఫారం-18 ద్వారా ఓటరుగా నమోదు చేసుకోవాలి:జిల్లా కలెక్టర్ సందీప్ కుమార్ ఝా —————————————————————- రాజకీయ పార్టీల ప్రతినిధులు పట్టభద్రుల ఓటరు నమోదుపై విస్తృత అవగాహన కల్పించాలి *పాత జాబితాలో పేరు ఉన్నా కొత్తగా నిర్దేశిత విధానంలో దరఖాస్తు తప్పనిసరి* *ఎమ్మెల్సీ పట్టభద్రుల ఓటరు నమోదు ప్రక్రియను పకడ్బందీగా చేపట్టాలి* *జిల్లా కలెక్టర్ సందీప్ కుమార్ ఝా* అర్హులైన పట్టభద్రులు ఫారం-18 ద్వారా ఓటరుగా నమోదు చేసుకోవాలి అని *జిల్లా కలెక్టర్ సందీప్ కుమార్ ఝా* అన్నారు. శనివారం, జిల్లా సమీకృత కలెక్టర్ కార్యాలయంలోని మినీ కాన్ఫరెన్స్ హాల్లో వరంగల్- ఖమ్మం- నల్గొండ గ్రాడ్యుయేట్ ఎమ్మెల్సీ ఓటర్ల జాబితాలో పట్టభద్రులైన ఓటర్లు ఓటరుగా నమోదు చేసుకోవడంపై గుర్తింపు పొందిన వివిధ రాజకీయ పార్టీల ప్రతినిధులతో *అదనపు కలెక్టర్ (రెవెన్యూ) బెన్షాలోమ్ తో కలిసి జిల్లా కలెక్టర్ సందీప్ కుమార్ ఝా* సమావేశం నిర్వహించారు. ఈ సందర్భంగా వరంగల్- ఖమ్మం- నల్గొండ పట్టభద్రుల ఎమ్మెల్సీ నియోజకవర్గ ఓటర్ల జాబితాలో ఓటరుగా నమోదు చేసుకునేందుకు ఎన్నికల సంఘం వెలువరించిన నియమ నిబంధనలు, దరఖాస్తు చేసే విధానం, గడువు, తదితర వివరాలను *కలెక్టర్* రాజకీయ పార్టీల ప్రతినిధులకు వివరించారు. ఈ నేపథ్యంలో *జిల్లా కలెక్టర్* మాట్లాడుతూ.. రాజకీయ పార్టీల ప్రతినిధులు పట్టభద్రుల ఓటరు నమోదు ప్రక్రియపై విస్తృతంగా అవగాహన కల్పించాలని, అర్హులైన పట్టభద్రులు నిర్ణీత గడువులోగా ఫారం-18 దరఖాస్తులు సమర్పించేలా సహకరించాలని తెలిపారు. ఓటరు జాబితాల తయారీ ప్రక్రియ పారదర్శకంగా, నిబంధనలకు అనుగుణంగా జరిగేలా సంబంధిత అధికారులు, రాజకీయ పార్టీల ప్రతినిధులు సమన్వయంతో పనిచేయాలని సూచించారు. 01-11-2026 నాటికి కనీసం 3 సంవత్సరాల క్రితం డిగ్రీ పూర్తి చేసిన అర్హత కలిగిన అభ్యర్థులు Form-18 దరఖాస్తును AEROలకు (లేదా) నియమిత అధికారికి సమర్పించాలన్నారు. దరఖాస్తుతో పాటు విద్యార్హతకు సంబంధించిన ధ్రువీకరణ పత్రాలు, అవసరమైన ఇతర పత్రాలను జత చేయాలని సూచించారు. ఆన్‌లైన్‌లో దరఖాస్తు చేసుకోవాలనుకునే వారు తెలంగాణ ప్రధాన ఎన్నికల అధికారి అధికారిక వెబ్‌సైట్ [https://ceotelangana.nic.in/]ను సందర్శించవచ్చని తెలిపారు. పట్టభద్రుల ఓటరు జాబితాల నూతన తయారీ ప్రక్రియలో భాగంగా, ఇప్పటికే ఓటరు జాబితాలో పేర్లు ఉన్నవారు సైతం నిర్దేశిత విధానం ప్రకారం తిరిగి దరఖాస్తు చేసుకోవాలని పేర్కొన్నారు. పాత ఓటరు జాబితాలో పేరు ఉండటం ఒక్కటే ప్రస్తుత ప్రక్రియలో నమోదుకు సరిపోదని, అర్హత కలిగిన ప్రతి పట్టభద్రుడు నిర్ణీత విధానంలో దరఖాస్తు చేసుకోవాలని సూచించారు. ఈ సమావేశంలో ఎన్నికల విభాగం సూపరింటెండెంట్ శ్రీధర్, కాంగ్రెస్ పార్టీ ప్రతినిధులు ఉడుత రవి యాదవ్, భాస్కర్, బీఆర్ఎస్ పార్టీ ప్రతినిధి రావెల రవి, బీజేపీ పార్టీ ప్రతినిధి బి. జగదీష్, సీపీఎం పార్టీ ప్రతినిధి జోగు ప్రకాష్, తదితరులు పాల్గొన్నారు.

జనగాం

కవులు కళాకారుల ఆత్మీయ సమ్మేళనం పోస్టర్ ఆవిష్కరణ

అక్టోబర్ 11న జనగామ ఆవిర్బవ దినోత్సవం: కవులు కళాకారుల ఆత్మీయ సమ్మేళనం పొస్టర్ ఆవిష్కరణ ——————————————————————— కవులు కళాకారుల ఐక్యవేదిక, జనగామ అధ్వర్యంలో‌ జనగామ జిల్లా ఆవిర్భావ దినోత్సవం సందర్భంగా జనగామ జన జాతర జిల్లా ఉద్యమ యాదిసభ (కవులు కళాకారుల ఆత్మీయ సమ్మేళనం) పోస్టర్ ను ఆదివారం జనగామ చౌరస్తాలో ఆవిష్కరించారు. ఈనెల 11న ఆదివారం మద్యాహ్నం 2 గంటల నుండి 5 గంటలకు జనగామ సూర్యాపేట రోడ్డు లోగల ప్రణామ్ వయోవృద్దుల డే కేర్ సెంటర్ లో నిర్వహిస్తారు. కవులు కళాకారులు పాటలతో సాహిత్యంతో అనాటి ఉద్యమ జ్ఞాపకాలు నెమరువేసుకుంటారు.కవులు కళాకారులు పాల్గొని ఆత్మీయ సమ్మేళనం విజయవంతం చేయాలని ‌నిర్వాహకులు కోరారు.‌ఈ పోస్టర్ ఆవిష్కరణ కార్యక్రమంలో జి.కృష్ణ, పెట్లోజు సోమేశ్వరాచారి, అయిలా సోమనర్సింహాచారి, లగిశెట్టి ప్రభాకర్, ఇనుముల నర్సయ్య, చిలుమోజు సాయికిరణ్, తాళ్లపల్లి లక్ష్మణ్ గౌడ్, రంగరాజు ప్రసాద్, గొలుసుల ఎల్లయ్య, మెకానికల్ రవి, ముత్తగారి శ్రీధర్ తదితరులు పాల్గొన్నారు.

జనగాం

ప్రధాన మంత్రి సూర్యాఘర్ -సేవా సేతు పథకం పై అవగాహన కార్యక్రమం దిగ్విజయం: జనగామ డివిజనల్ ఇంజనీర్ ఎం. లక్ష్మి నారాయణ రెడ్డి

ప్రధానమంత్రి సూర్య ఘర్ – సేవా సేతు పథకంపై అవగాహన కార్యక్రమం ———————————————————————— జనగామ డివిజన్ పరిధిలోని జనగామ మున్సిపల్ కార్యాలయంలో **“ప్రధానమంత్రి సూర్య ఘర్ – సేవా సేతు”** పథకంపై ప్రజలకు అవగాహన కల్పించేందుకు సౌర విద్యుత్ విక్రేతలు (Solar Vendors), బ్యాంకర్ల సమన్వయంతో ఈ కార్యక్రమాన్ని జనగామ డివిజనల్ ఇంజనీర్ M.లక్ష్మీనారాయణ రెడ్డి అధ్యక్షతన నిర్వహించారు. ఈ కార్యక్రమానికి **జనగామ మున్సిపల్ చైర్‌పర్సన్ కడకంచి బాలమని, వైస్ చైర్‌పర్సన్ బి. పర్వతాలు మరియు కౌన్సిలర్లను** ముఖ్య అతిథులుగా విచ్చేశారు. ప్రజాప్రతినిధుల భాగస్వామ్యంతో పథకం ప్రయోజనాలను ప్రజలకు విస్తృతంగా చేరవేసి, అర్హులైన వినియోగదారులు ఈ పథకాన్ని సద్వినియోగం చేసుకునేలా అవగాహన కల్పించడం కార్యక్రమం ప్రధాన ఉద్దేశ్యం. **ప్రధానమంత్రి సూర్య ఘర్ పథకం** ద్వారా గృహాల పైకప్పులపై రూఫ్‌టాప్ సోలార్ వ్యవస్థలను ఏర్పాటు చేసుకునే అవకాశం లభిస్తుంది. దీని ద్వారా గృహ వినియోగదారులు సౌర విద్యుత్‌ను ఉత్పత్తి చేసుకోవడంతో పాటు విద్యుత్ బిల్లుల భారాన్ని తగ్గించుకునే అవకాశం ఉంటుంది. అర్హత కలిగిన లబ్ధిదారులకు కేంద్ర ప్రభుత్వం అందించే **సబ్సిడీ**, బ్యాంకుల ద్వారా లభించే రుణ సదుపాయాలు, రూఫ్‌టాప్ సోలార్ ఏర్పాటు ప్రక్రియ తదితర అంశాలపై ఈ కార్యక్రమంలో వివరాలను అందించారు. ప్రజలు, గృహ విద్యుత్ వినియోగదారులు ఈ అవగాహన కార్యక్రమంలో పాల్గొని **పథకానికి సంబంధించిన అర్హతలు, సబ్సిడీ వివరాలు, దరఖాస్తు విధానం, బ్యాంకు రుణ సదుపాయాలు మరియు సౌర విద్యుత్ వ్యవస్థ ఏర్పాటు ప్రక్రియ** గురించి పూర్తి సమాచారాన్ని తెలుసుకోవాలని అధికారులు కోరారు. **సౌర విద్యుత్‌ను ప్రోత్సహించడం ద్వారా స్వచ్ఛమైన ఇంధన వినియోగం, విద్యుత్ పొదుపు మరియు పర్యావరణ పరిరక్షణకు ప్రతి కుటుంబం భాగస్వామ్యం కావాలని** అధికారులు పిలుపునిచ్చారు. ఈ కార్యక్రమంలో జనగామ ADE డి. వేణుగోపాల్, టౌన్-1 AE బి. సౌమ్య, టౌన్-2 AE చంద్ర మోహన్, బచ్చన్నపేట AE రాజ్ కుమార్ తో పాటు సంబంధిత సిబ్బంది పాల్గొన్నారు.

జనగాం

జనగామ మున్సిపాలిటీ ఆధ్వర్యంలో మహాత్మ గాంధీ జయంతి వేడుకలు :మునిసిపల్ కమిషనర్ రాజ శేఖర్ రెడ్డి

జనగామలో ఘనంగా గాంధీ జయంతి వేడుకలు ——————————————————— జనగాం మున్సిపాలిటీ ఆధ్వర్యంలో **మహాత్మా గాంధీ జయంతి** వేడుకలను ఘనంగా నిర్వహించారు. ఈ సందర్భంగా మహాత్మా గాంధీ విగ్రహానికి పూలమాలలు వేసి ఘనంగా నివాళులర్పించారు. ఈ సందర్భంగా మహాత్మా గాంధీజీ దేశానికి అందించిన సేవలను, **సత్యం, అహింస, స్వచ్ఛత** వంటి ఆయన ఆశయాలను స్మరించుకున్నారు. గాంధీజీ చూపిన మార్గంలో ప్రతి ఒక్కరూ నడుస్తూ సమాజ అభివృద్ధికి తమ వంతు సహకారం అందించాలని పిలుపునిచ్చారు. అలాగే **స్వచ్ఛతే సేవ** అనే స్ఫూర్తితో పరిసరాలను పరిశుభ్రంగా ఉంచడం, చెత్తను ఎక్కడపడితే అక్కడ వేయకుండా మున్సిపల్ సిబ్బందికి సహకరించడం ద్వారా స్వచ్ఛ జనగాం నిర్మాణానికి ప్రజలు భాగస్వాములు కావాలని కోరారు. ఈ కార్యక్రమంలో **గౌరవ చైర్పర్సన్, మున్సిపల్ కమిషనర్, కౌన్సిలర్లు, వార్డు అధికారులు, మున్సిపల్ సిబ్బంది మరియు ప్రజలు** పాల్గొని మహాత్మా గాంధీజీకి ఘన నివాళులు అర్పించారు. **– జనగాం మున్సిపాలిటీ**