తిరుపతి
శ్రీకాళహస్తి పున్నమి న్యూస్, మార్చి 06: నిన్నటి వరకు సమస్యలకు నిలయంగా ఉన్న రాజీవ్ నగర్, నేడు అభివృద్ధికి చిరునామాగా మారుతోంది. శ్రీకాళహస్తి పట్టణానికి అత్యంత చేరువలో ఉన్న ఈ ప్రాంతం, శాసనసభ్యులు బొజ్జల వెంకట సుధీర్ రెడ్డి ప్రత్యేక చొరవతో ఆధునిక హంగులను అద్దుకుంటోంది. గత పాలకుల నిర్లక్ష్యం వల్ల ఎదురైన భూ సమస్యలను పరిష్కరిస్తూనే, మౌలిక సదుపాయాల కల్పనలో ఎమ్మెల్యే విప్లవాత్మక మార్పులు తీసుకొస్తున్నారు. రాజీవ్ నగర్ కాలనీలో ప్రయాణం నరకప్రాయంగా ఉన్న తరుణంలో, ఎమ్మెల్యే అంతర్గత సి.సి. రోడ్ల నిర్మాణానికి అధిక ప్రాధాన్యతనిచ్చారు. ఇప్పటికే పలు వీధుల్లో సి.సి. రోడ్ల పనులు పూర్తి కావడంతో కాలనీ వాసులకు రవాణా కష్టాలు తీరాయి. వర్షాకాలంలో బురదమయంగా మారే దారుల స్థానంలో పక్కా రోడ్లు రావడంతో స్థానికులు హర్షం వ్యక్తం చేస్తున్నారు. రాజీవ్ నగర్ ప్రాంతంలో నిర్మించిన టిడ్కో గృహ సముదాయం ఇప్పుడు ఒక సుందరమైన పట్టణంలా కనిపిస్తోంది. అర్హులైన లబ్ధిదారులకు త్వరలోనే ఈ గృహాలను అందజేసేందుకు ఎమ్మెల్యే ముమ్మరంగా ఏర్పాట్లు చేస్తున్నారు. విద్యుత్, తాగునీరు, మురుగునీటి పారుదల వంటి మౌలిక వసతులతో ఈ భవనాలు ముస్తాబవుతున్నాయి. గత ప్రభుత్వ హయాంలో ఒకే స్థలానికి బహుళ రిజిస్ట్రేషన్లు జరగడం వల్ల ఏర్పడిన గందరగోళాన్ని పరిష్కరించేందుకు ఎమ్మెల్యే గట్టిగా కృషి చేస్తున్నారు. అర్హులైన పేదలకు న్యాయం చేయడమే లక్ష్యంగా అధికారులతో నిరంతరం సమీక్షలు నిర్వహిస్తున్నారు. రాజీవ్ నగర్ అభివృద్ధి కేవలం రోడ్లకే పరిమితం కాకుండా, మరిన్ని అభివృద్ధి పనులతో ఈ ప్రాంతాన్ని మోడల్ కాలనీగా మార్చనున్నట్లు ఎమ్మెల్యే బొజ్జల సుధీర్ రెడ్డి గారు వెల్లడించారు. భవిష్యత్తులో పార్కులు, కమ్యూనిటీ హాల్స్, మెరుగైన వీధి దీపాల ఏర్పాటుతో రాజీవ్ నగర్ ముఖచిత్రం పూర్తిగా మారనుంది.
kodepakajithendar
