ప్రజల విశేష స్పందనతో ముగిసిన ఉపాధి హామీ పరిరక్షణ యాత్ర- తలపా దామోదరం రెడ్డి
శ్రీకాళహస్తి, మార్చి 19, పున్నమి న్యూస్: వైఎస్ షర్మిలా రెడ్డి రాష్ట్రవ్యాప్తంగా చేపట్టిన ఉపాధి హామీ పరిరక్షణ యాత్ర విజయవంతంగా ముగిసిందని కాంగ్రెస్ పార్టీ నియోజకవర్గ సమన్వయకర్త తలపా దామోదరం రెడ్డి తెలిపారు. యాత్ర విషయాలపై ఆయన మాట్లాడుతూ…ఫిబ్రవరి 2న అనంతపురం జిల్లాలో ప్రారంభమైన ఈ యాత్ర, నేడు విశాఖపట్నం జిల్లాలో విజయవంతంగా ముగిసిందన్నారు. రాష్ట్రంలోని సుమారు 29 జిల్లాల్లో నిర్వహించిన 48 సభలకు ప్రజల నుంచి విశేష స్పందన లభించిందని తెలిపారు. ఉపాధి హామీ కూలీలు “కొత్త చట్టం వద్దు – పాత చట్టం ముద్దు” అని కోరుకుంటున్నారని, ఈ యాత్ర ప్రభావంతో కొత్త చట్టం అమలు మరో రెండు నెలలు వాయిదా పడిందని పేర్కొన్నారు. ప్రజా సమస్యలపై ప్రస్తుతం రాష్ట్రంలో కాంగ్రెస్ పార్టీ మాత్రమే పోరాడుతోందని, రాబోయే రోజులు కాంగ్రెస్ పార్టీవేనని విశ్వాసం వ్యక్తం చేశారు. ఈ యాత్రలో మాజీ కేంద్ర మంత్రులు, మాజీ మంత్రులు, మాజీ ఎమ్మెల్సీలు, మాజీ ఎమ్మెల్యేలు, రాష్ట్ర కార్యవర్గ సభ్యులు, జిల్లా అధ్యక్షులు, నియోజకవర్గ సమన్వయకర్తలు, పార్టీ నాయకులు, కార్యకర్తలు పెద్ద సంఖ్యలో పాల్గొని యాత్రను విజయవంతం చేశారు.
thiruveedulasivakumar- March 19, 2026
- 0 Comments
- 29 Views
-
