పైపులైను లీకేజీని అరికట్టండి..!

మండలం మాధవరం-1 గ్రామ పంచాయతీ రోడ్ నెంబర్ 13లో దాదాపు నెల రోజులుగా వీధి కొళాయి ఇనుప పైపు లైను లీకేజ్ అవుతుంది.సర్పంచ్ ఇంటికి కూతవేటు దూరంలో వున్న ఈ లీకేజ్ గురించి పలుమార్లు పంచాయతీ సెక్రెటరీ,సర్పంచ్ దృష్టికి తీసుకెళ్ళినా పట్టించు కోలేదు.ఇదుగో అదిగో చేస్తాం అంటున్నారు తప్ప రిపేరు చేపించడం లేదు.ఈ పైపు లైన్ డ్యామేజ్ వలన నీరు నిల్వ చేరి అవే నీరు మరలా ఇళ్ళలోకి వస్తున్నాయి అంతేకాకుండా నిల్వ నీటిలో చుట్టు ప్రక్కల వారు చెత్తను కూడా వేయడంతో దోమలు ఎక్కువయ్యాయని దానివలన పిల్లలకు,వృద్దులకు విష జ్వరాలు సోకుతున్నాయని స్దానికులు ఆవేదన వ్యక్తం చేస్తున్నారు.దయచేసి ఇప్పటికైనా సంబంధిత అధికారులు పట్టించుకుని లీకేజీని అరికట్టి మరమ్మత్తులు చేపించాలని పరిసర ప్రజలు కోరుతున్నారు.