వార్త ముఖ్యాంశాలు
- ఓటరు స్లిప్పుల పంపిణీలో నిర్లక్ష్యం..
- ఓటు హక్కు వినియోగించుకోకుండానే వెనుదిరుగుతున్న ఓటర్లు!
- అనకాపల్లి జిల్లా యలమంచిలి మండలం ఏటికొప్పాక గ్రామంలో జరుగుతున్న జెడ్పీటీసీ, ఎంపీటీసీ ఎన్నికల పోలింగ్‌లో ఓటర్లకు ఇబ్బందికర పరిస్థితులు ఎదురయ్యాయి.
ఓటరు స్లిప్పుల పంపిణీలో నిర్లక్ష్యం.. ఓటు హక్కు వినియోగించుకోకుండానే వెనుదిరుగుతున్న ఓటర్లు!
అనకాపల్లి జిల్లా యలమంచిలి మండలం ఏటికొప్పాక గ్రామంలో జరుగుతున్న జెడ్పీటీసీ, ఎంపీటీసీ ఎన్నికల పోలింగ్‌లో ఓటర్లకు ఇబ్బందికర పరిస్థితులు ఎదురయ్యాయి. పంచాయతీ సిబ్బంది ముందస్తు ఏర్పాట్లలో నిర్లక్ష్యం వహించడంతో పలువురు ఓటర్లకు ఓటరు స్లిప్పులు అందలేదు. దీంతో పోలింగ్ కేంద్రాలకు ఉత్సాహంగా వచ్చిన ఓటర్లు స్లిప్పులు లేక ఇబ్బందులు పడుతూ ఓటు వేయకుండానే వెనుదిరుగుతున్న పరిస్థితి నెలకొంది. ఓటు హక్కును వినియోగించుకోవాలనే ఉద్దేశంతో వచ్చిన ప్రజలకు కనీస సమాచారం, సహకారం అందకపోవడంపై అసహనం వ్యక్తమవుతోంది. ఎన్నికల నిర్వహణలో కీలకమైన ఓటరు స్లిప్పుల పంపిణీ విషయంలో సంబంధిత సిబ్బంది నిర్లక్ష్యం ఎందుకు వహించారనే ప్రశ్నలు వ్యక్తమవుతున్నాయి. ఇప్పటికైనా ఎన్నికల అధికారులు స్పందించి స్లిప్పులు అందని ఓటర్లకు తగిన సహకారం అందించాలని, ఓటు హక్కు వినియోగించుకునేలా అవసరమైన ఏర్పాట్లు చేయాలని ఓటర్లు కోరుతున్నారు.
వార్తా మూలాలు
- కె. ఆనంద్పత్రిక / వెబ్‌సైట్
