హైదరాబాద్

సచివాలయంలో లంచం తీసుకుంటూ ఏసీబీకి చిక్కిన అధికారి

హైదరాబాద్ సచివాలయంలో ఏసీబీ అధికారులు సోదాలు నిర్వహించారు. సీఎం రిలీఫ్ ఫండ్‌కు సంబంధించిన వ్యవహారంలో రూ.2 లక్షల మంజూరుకు రూ.1 లక్ష లంచం డిమాండ్ చేసినట్లు ఆరోపణలు వచ్చాయి. సచివాలయ ఆవరణలోని ఆలయం వద్ద రూ.లక్ష లంచం తీసుకుంటుండగా సెక్షన్ ఆఫీసర్ వినోద్‌ను ఏసీబీ అధికారులు రెడ్ హ్యాండెడ్‌గా పట్టుకున్నట్లు సమాచారం. అతనితో పాటు ఔట్‌సోర్సింగ్ ఉద్యోగి రాఘవేంద్రను కూడా అదుపులోకి తీసుకున్నారు. అనంతరం ఇద్దరినీ నాంపల్లిలోని ఏసీబీ కార్యాలయానికి తరలించి విచారణ చేపట్టారు. ఈ ఘటన సచివాలయ వర్గాల్లో కలకలం రేపింది. కేసుకు సంబంధించిన పూర్తి వివరాలు, లంచం డిమాండ్ వెనుక ఉన్న అంశాలపై అధికారులు ఆరా తీస్తున్నారు.