పగలు బురద.. రాత్రి చీకటి!
ఐతంపాడులో అధ్వానంగా సీసీ రోడ్డు.. వీధి దీపాలు లేక గ్రామస్తుల అవస్థలు పంచాయతీ అధికారుల నిర్లక్ష్యంపై గ్రామస్తుల ఆగ్రహం నెల్లూరు జిల్లా దగదర్తి మండలం ఐతంపాడు గ్రామంలో రహదారి సమస్యలు, వీధి దీపాల కొరతతో ప్రజలు తీవ్ర ఇబ్బందులు ఎదుర్కొంటున్నారు. లక్షల రూపాయల వ్యయంతో నిర్మించిన సీసీ రోడ్డు ప్రస్తుతం మట్టిరోడ్డును తలపిస్తుండగా, రాత్రి వేళల్లో వీధి దీపాలు లేక గ్రామస్తులు చీకట్లో ప్రయాణించాల్సిన పరిస్థితి నెలకొంది. పగలు బురదతో.. రాత్రి చీకటితో ప్రజలు నానా అవస్థలు పడుతున్నారని గ్రామస్తులు ఆవేదన వ్యక్తం చేస్తున్నారు. వర్షానికి బురదమయంగా సీసీ రోడ్డు! గ్రామంలో లక్షల రూపాయలతో నిర్మించిన సీసీ రోడ్డుపై మట్టి పేరుకుపోవడంతో రహదారి అధ్వానంగా మారింది. రోడ్డుపై పోసిన మట్టి వర్షపు నీటికి కొట్టుకొచ్చి పేరుకుపోవడంతో పాటు, నీరు నిలిచిపోవడంతో రహదారి మొత్తం బురదమయంగా మారింది. దీంతో ద్విచక్ర వాహనదారులు, ఇతర వాహనదారులు, పాదచారులు రాకపోకలు సాగించేందుకు తీవ్ర ఇబ్బందులు పడుతున్నారు. రహదారిపై ప్రమాదాలు జరిగే అవకాశం ఉందని స్థానికులు ఆందోళన వ్యక్తం చేస్తున్నారు. పంచాయతీ కార్యదర్శికి తెలిపినా ఫలితం శూన్యం! రోడ్డుపై పేరుకుపోయిన మట్టిని తొలగించి, రహదారిని శుభ్రం చేయాలని పంచాయతీ కార్యదర్శికి సమస్యను తెలియజేసినప్పటికీ ఫలితం కనిపించడం లేదని గ్రామస్తులు వాపోతున్నారు. సంబంధిత అధికారులు స్పందించి సమస్యను పరిష్కరించాలని కోరుతున్నారు. వీధి దీపాలు లేక రాత్రివేళ ఇబ్బందులు గ్రామంలో పాత విద్యుత్ స్తంభాలను తొలగించి కొత్త స్తంభాలు ఏర్పాటు చేసినప్పటికీ, వాటికి వీధి దీపాలు లేకపోవడంతో రాత్రివేళల్లో గ్రామం చీకటిమయంగా మారుతోందని స్థానికులు చెబుతున్నారు. చీకట్లో రాకపోకలు సాగించేందుకు ఇబ్బందులు ఎదురవుతున్నాయని, తక్షణమే వీధి దీపాలను ఏర్పాటు చేయాలని కోరుతున్నారు.గ్రామంలో నెలకొన్న సమస్యలను అధికారులు పట్టించుకోకపోవడం, గ్రామ నాయకులు సైతం స్పందించకపోవడంపై స్థానికులు అసహనం వ్యక్తం చేస్తున్నారు. గ్రామానికి సంబంధించిన నిధులను నిబంధనల ప్రకారం వినియోగించి ప్రజలకు అవసరమైన కనీస సౌకర్యాలు కల్పించేలా చర్యలు తీసుకోవాలని కోరుతున్నారు.అధికారులు వెంటనే స్పందించాలి ఐతంపాడు గ్రామంలో రహదారిపై పేరుకుపోయిన మట్టిని తొలగించి, వర్షపు నీరు నిల్వ ఉండకుండా తగిన చర్యలు తీసుకోవాలని గ్రామస్తులు కోరుతున్నారు. అలాగే కొత్తగా ఏర్పాటు చేసిన విద్యుత్ స్తంభాలకు వీధి దీపాలు అమర్చి రాత్రివేళల్లో వెలుగులు కల్పించాలని విజ్ఞప్తి చేస్తున్నారు. అధికారులు, ప్రజాప్రతినిధులు తక్షణమే స్పందించి సమస్యలను పరిష్కరించాలని గ్రామ ప్రజలు డిమాండ్ చేస్తున్నారు.
mutyalagiri6- October 18, 2026
- 0 Comments
- 19 Views
-
