Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: వనస్థలిపురం

రంగారెడ్డి

ఇందిరానగర్ ఫేజ్-2లో ఘనంగా వినాయక నవరాత్రి ఉత్సవాలు

వనస్థలిపురం: ఇందిరానగర్ ఫేజ్-2లో భజన మండలి ఉత్సవ కమిటీ ఆధ్వర్యంలో వినాయక నవరాత్రి ఉత్సవాలు భక్తిశ్రద్ధలతో వైభవంగా కొనసాగుతున్నాయి. సోమవారం భక్తులకు ఘనంగా అన్నదాన కార్యక్రమాన్ని నిర్వహించారు.ఈ కార్యక్రమానికి ఉప్పల వెంకటరమణ, వనజ దంపతులు కుటుంబ సభ్యులతో కలిసి అన్నదాతలుగా వ్యవహరించారు. గత మూడు సంవత్సరాలుగా వీరి సహకారంతో అన్నదాన కార్యక్రమాన్ని నిర్వహిస్తున్నట్లు నిర్వాహకులు తెలిపారు. భజరంగ్ యూత్ అసోసియేషన్ ఆధ్వర్యంలో ఇందిరానగర్ కాలనీవాసులు కార్యక్రమానికి సంపూర్ణ సహకారం అందించారు.భజరంగ్ యూత్ అసోసియేషన్ ఆధ్వర్యంలో గత 29 ఏళ్లుగా వినాయక విగ్రహ ప్రతిష్ఠాపన, చవితి వేడుకలను నిర్వహిస్తున్నట్లు తెలిపారు. ఈ నెల 25న 12వ రోజు వినాయక నిమజ్జన కార్యక్రమాన్ని నిర్వహించనున్నట్లు వెల్లడించారు. గత ఏడాది వినాయక లడ్డూ వేలం పాట రూ.65 వేలు పలికిందని, ఈ ఏడాది కూడా భక్తుల ఆసక్తిని బట్టి వేలం నిర్వహించనున్నట్లు తెలిపారు.అన్నదాతలు ఉప్పల వెంకటరమణ, వనజ దంపతులు, వారి కుటుంబ సభ్యులకు నిర్వాహకులు ప్రత్యేక కృతజ్ఞతలు తెలిపారు. ఈ కార్యక్రమంలో భజరంగ్ యూత్ అధ్యక్షులు బరగడ శ్రవణ్ కుమార్ (బాబీ), ఇందిరానగర్ వెల్ఫేర్ అసోసియేషన్ అధ్యక్షులు ముద్దగౌని ధన్‌పాల్ గౌడ్ తదితరులు పాల్గొన్నారు.

రంగారెడ్డి

రామసేన యూత్ అసోసియేషన్ ఆధ్వర్యంలో ఘనంగా గణేష్ నవరాత్రి ఉత్సవాలు

ఎల్బీనగర్, వనస్థలిపురం, ఎన్జీవోస్ కాలనీ, సెల్ఫ్ ఫైనాన్స్ కాలనీలో రామసేన యూత్ అసోసియేషన్ ఆధ్వర్యంలో గణేష్ నవరాత్రి ఉత్సవాలు భక్తిశ్రద్ధలతో వైభవంగా కొనసాగుతున్నాయి. గత 16 సంవత్సరాలుగా అసోసియేషన్ ఆధ్వర్యంలో వినాయక ఉత్సవాలను నిరంతరంగా నిర్వహిస్తూ, ఆధ్యాత్మిక కార్యక్రమాలతో పాటు పలు సేవా కార్యక్రమాలను చేపడుతున్నారు. ఉత్సవాల్లో భాగంగా నిర్వహించిన అన్నదాన కార్యక్రమానికి భక్తులు భారీ సంఖ్యలో తరలివచ్చారు. ఈ సందర్భంగా 3,000 మందికి పైగా భక్తులు అన్నప్రసాదాన్ని స్వీకరించారు. భక్తులకు ఎలాంటి ఇబ్బందులు కలగకుండా నిర్వాహకులు విస్తృత ఏర్పాట్లు చేశారు. ఉత్సవాల్లో భాగంగా సెప్టెంబర్ 21న లడ్డు వేలం పాట నిర్వహించనున్నట్లు నిర్వాహకులు తెలిపారు. భక్తులు పెద్ద సంఖ్యలో పాల్గొని లడ్డు వేలం పాటను విజయవంతం చేయాలని వారు కోరారు. ఉత్సవాల ఏర్పాట్లను రామసేన యూత్ అసోసియేషన్ అధ్యక్షుడు పి. రాజు ఆధ్వర్యంలో అసోసియేషన్ సభ్యులు నరేష్, ఆంజనేయులు, రమేష్, ప్రభాత్, చంటి, తులసి, ఖాజా, మహేష్ తదితరులు పర్యవేక్షిస్తున్నారు.

రంగారెడ్డి

ఈనెల 24వ తేదీన టాక్సీ, క్యాబ్, ఆటో బంద్, మోటార్ ట్రాన్స్పోర్ట్ సీనియర్ నాయకులు చిట్యాల ప్రేమ్ చందర్ రెడ్డి పిలుపునిచ్చారు.

పున్నమి: హైదరాబాద్, మోటార్ ట్రాన్స్పోర్ట్ సీనియర్ నాయకులు చిట్యాల ప్రేమ్ చందర్ రెడ్డి ఒక ప్రకటన ద్వారా మాట్లాడుతూ ఆగస్టు 24న రాష్ట్రవ్యాప్తంగా టాక్సీ, క్యాబ్, ఆటో బంద్‌కు పిలుపునిచ్చారు. టాక్సీ, క్యాబ్, ఆటో డ్రైవర్ల సమస్యల పరిష్కారంతో పాటు ప్రభుత్వం రూ.12 వేల ఆర్థిక సహాయం అందించాలని, డ్రైవర్లకు సంక్షేమ బోర్డు ఏర్పాటు చేయాలని డిమాండ్‌ చేశారు. ఈ బంద్‌కు అసోసియేషన్ నాయకులు, యూనియన్ నాయకులు, డ్రైవర్లు సానుకూలంగా స్పందిస్తున్నారు. బంద్‌ను విజయవంతం చేసేందుకు మోటార్ ట్రాన్స్పోర్ట్ కార్మికులను కలిసి ఆగస్టు 24న బంద్‌ కార్యక్రమంలో పాల్గొనాలని ఆయన అన్నారు. డ్రైవర్ల హక్కులు, సంక్షేమం కోసం ఐక్యంగా పోరాడాలని పిలుపునిచ్చారు. డిమాండ్స్: 1) టాక్సీ, క్యాబ్, ఆటో, రవాణా రంగ కార్మికులకు సంక్షేమ బోర్డు ఏర్పాటు చేయాలి. 2. పెరిగిన పెట్రోల్, డీజిల్, గ్యాస్, నిత్యావసర వస్తువుల ధరలకు అనుగుణంగా ఆటో మీటర్ చార్జీలు పెంచాలి. 3. ఓలా, ఊబర్, ర్యాపిడో యాప్ కు బదులుగా ప్రభుత్వమే ఒక కొత్త యాప్ను తీసుకురావాలి. 4. మోటార్ ట్రాన్స్పోర్ట్ కార్మికుల జీవనోపాధిని దెబ్బతీస్తున్న అక్రమంగా ఓలా, ఊబర్, ర్యాపిడో ద్వారా నడస్తున్న టూవీల్లర్లను నిషేధించి ఆటో కార్మికులకు న్యాయం చేయాలి. 5. మోటర్ ట్రాన్స్పోర్ట్ కార్మికులకు సంవత్సరానికి రూ.12వేలు ఇవ్వాలి. 6. రోజువారీగా ప్రజలకు సౌకర్యం కల్పించే ఆటో డ్రైవర్లకు ‘ఈ’ ఛలాన్ల నుంచి మినహాయించాలి. 7. గిగ్ &ఫ్లాట్ఫారం యాప్ ఆధారిత సోషల్ సెక్యూరిటీ బోర్డులో ఆటో, క్యాబ్ కార్మిక సంఘాలకు ప్రాతినిధ్యం కల్పించాలి. 8. యాక్సిడెంట్ బీమాను కొనసాగించాలి. సాధారణ మరణాలకు వర్తింపచేయాలి. సమస్యలను ప్రభుత్వం వెంటనే పరిష్కరించాలని వారు డిమాండ్‌ చేశారు.

రంగారెడ్డి

వనస్థలిపురంలో వారాహి సిల్క్ 60వ స్టోర్ నేడే గొప్ప ప్రారంభం

పున్నమి: హైదరాబాద్, వనస్థలిపురంలో సంప్రదాయానికి, సౌందర్యానికి ప్రతీకగా నిలిచిన వారాహి సిల్ఫ్ తన 60వ స్టోర్ను హైదరాబాద్ లోని వనస్థలిపురంలో ప్రారంభించనుంది. ఈ నెల 22న ఉదయం 11 గంటలకు సినీ నటుడు సూపర్ హీరో తేజ సజ్జ & సినీ నటి మీనాక్షి చౌదరి వారి చేతుల మీదుగా నూతన షోరూమ్ ప్రారంభం కానుంది. ప్రారంభోత్సవ కార్యక్రమానికి తెలంగాణ రోడ్లు, భవనాలు, సినిమాటోగ్రఫీ శాఖ మంత్రి కోమటిరెడ్డి వెంకట్రెడ్డి, పంచాయతీరాజ్, గ్రామీణాభివృద్ధి, మహిళా-శిశు సంక్షేమ శాఖ మంత్రి సీతక్క మల్కాజిగిరి ఎంపీ ఈటల రాజేందర్ తోపాటు పలువురు ప్రజాప్రతినిధులు ముఖ్య అతిథులుగా హాజరుకానున్నారు. ప్రారంభోత్సవం సందర్భంగా వినియోగదారులకు ప్రత్యేక ఆఫర్లను ప్రకటించారు. రూ.20 వేలకుపైగా ఎంపిక చేసిన విలువైన కొనుగోళ్లపై 100 మిల్లీగ్రాముల బంగారు నాణెం, 5 గ్రాముల వెండి నాణెం ఉ చితంగా అందించనున్నారు. రూ.10 వేలకుపైగా కొనుగోలు చేసిన వారికి 5 గ్రాముల వెండి నాణెం ఇవ్వనున్నారు. మొత్తం సిల్మ్స్ స్టాక్పై 15 శాతం వరకు తగ్గింపు అందుబాటులో ఉంటుంది. ఈ ఆఫర్లు ఆగస్టు 22 నుంచి 31 వరకు మాత్రమే అమల్లో ఉంటాయని నిర్వాహకులు తెలిపారు.

రంగారెడ్డి

ఆగస్టు 22న ఘనంగా వారాహి సిల్క్స్ ప్రారంభం

పున్నమి: హైదరాబాద్, వనస్థలిపురం ప్రజలకు అందుబాటులోకి వారాహి సిల్క్స్ 6వ స్టోర్ ప్రముఖ వస్త్ర దుకాణం రానుంది. వనస్థలిపురం ‘ఎక్స్’ రోడ్స్‌లోని బొమ్మిడి ఎలైట్ టవర్స్‌లో వారాహి సిల్క్స్ నూతన దుకాణం ఆగస్టు 22న ఉదయం 11 గంటల నుంచి ఘనంగా ప్రారంభం కానుంది. వారాహి సిల్క్స్ ఆధ్వర్యంలో ఏర్పాటు చేస్తున్న ఈ నూతన దుకాణంలో సంప్రదాయ పట్టు చీరలు, వివిధ రకాల చీరలు, వివాహ వేడుకలకు అనువైన వస్త్రాల ప్రత్యేక సేకరణ అందుబాటులో ఉండనున్నట్లు నిర్వాహకులు తెలిపారు. సంప్రదాయ వస్త్రాలపై ఆసక్తి ఉన్న వినియోగదారులకు విస్తృత శ్రేణి ఎంపికలు అందించనున్నట్లు పేర్కొన్నారు. ప్రారంభోత్సవానికి నటుడు తేజ సజ్జ, నటి మీనాక్షి చౌదరి ముఖ్య అతిథులుగా హాజరుకానున్నట్లు ప్రచార ప్రకటనలో వెల్లడించారు. ఆగస్టు 22 నుంచి 31 వరకు ప్రత్యేక ప్రారంభోత్సవ రాయితీలను అందిస్తున్నట్లు తెలిపారు. వెండి ఆభరణాల కొనుగోలుపై రూ.25 వేల నుంచి కొనుగోలు చేస్తే 25 శాతం వరకు రాయితీతో పాటు 5 గ్రాముల వెండి నాణెం ఉచితంగా అందించనున్నట్లు ప్రకటించారు. రూ.లక్షకు పైగా వెండి ఆభరణాల కొనుగోలుపై 30 శాతం వరకు రాయితీతో పాటు 100 మిల్లీగ్రాముల బంగారు నాణెం అందించనున్నట్లు తెలిపారు. నిబంధనలు వర్తిస్తాయని పేర్కొన్నారు. వనస్థలిపురం హిల్ కాలనీ, హయత్ నగర్ పరిసర ప్రాంతాల ప్రజలకు అందుబాటులో ఉండే విధంగా దుకాణాన్ని ఏర్పాటు చేసినట్లు నిర్వాహకులు తెలిపారు. ప్రారంభోత్సవానికి వినియోగదారులు పెద్ద సంఖ్యలో హాజరై ఈ ప్రత్యేక అవకాశాలను సద్వినియోగం చేసుకోవాలని కోరారు.

రంగారెడ్డి

సర్పంచుల సమస్యలను పరిష్కరించండి… గ్రామాల అభివృద్ధిలో సర్పంచుల పాత్ర కీలకం.. సర్పంచుల సంఘం వ్యవస్థాపక అధ్యక్షులు భూమన్న యాదవ్

పున్నమి: రంగారెడ్డి జిల్లా: తెలంగాణ గ్రామ పంచాయతీ సర్పంచులు ఎదుర్కొంటున్న సమస్యల పరిష్కారానికి సంఘటితంగా, ఐక్యంగా ఉద్యమించాలని సర్పంచుల సంఘం వ్యవస్థాపక అధ్యక్షులు భూమన్న యాదవ్ అన్నారు. తెలంగాణ రాష్ట్ర సర్పంచుల సంఘం కార్యవర్గ విస్తృతస్థాయి సమావేశం వనస్థలిపురంలోని ఒక ప్రైవేట్ కాన్ఫరెన్స్ హాల్లో మంగళవారం నిర్వహించారు. ఈ సందర్భంగా ఆయన మాట్లాడుతూ.. కాంగ్రెస్ ప్రభుత్వం గ్రామ పంచాయతీల అభివృద్ధికి నిధులు సకాలంలో విడుదల చేయకపోవడంతో సర్పంచులు ప్రజల్లో అవమానాలు ఎదుర్కోవాల్సి వస్తోందన్నారు. ఉపసర్పంచులకు ఇచ్చిన చెక్ పవర్ను తక్షణమే రద్దు చేయాలని, సర్పంచుల గౌరవ వేతనాన్ని రూ.25 వేలకు పెంచాలని డిమాండ్ చేశారు. ఎమ్మెల్సీ ఎన్నికల్లో సర్పంచులకు ఓటు హక్కు కల్పించాలని, పంచాయతీ విద్యుత్ బిల్లులను ప్రభుత్వమే చెల్లించాలని కోరారు. కరువు సమస్య పరిష్కారానికి ప్రత్యేక నిధులు కేటాయించాలని, గ్రామాభివృద్ధి నిధుల వినియోగానికి సర్పంచులకు ప్రత్యేక అకౌంట్ వెసులుబాటు కల్పించాలన్నారు. మహిళా సర్పంచులపై దాడులు జరగడం విచారకరమని, ఈ అంశాన్ని డీజీపీ దృష్టికి తీసుకెళ్తామన్నారు. కార్యక్రమంలో రాష్ట్ర వర్కింగ్ ప్రెసిడెంట్ జక్క రాఘవేందర్ రెడ్డి, ఉపాధ్యక్షులు భీమిడి ప్రదీప్, పెంటాగౌడ్, నర్సింహులు, జనరల్ సెక్రెటరీ కరణం కీర్తి రామకృష్ణ, మహిళా సంఘం వర్కింగ్ ప్రెసిడెంట్ చేవెళ్ల రేఖ తదితరులు పాల్గొన్నారు.

రంగారెడ్డి

సర్పంచుల సమస్యలను పరిష్కరించండి… గ్రామాల అభివృద్ధిలో సర్పంచుల పాత్ర కీలకం.. సర్పంచుల సంఘం వ్యవస్థాపక అధ్యక్షులు భూమన్న యాదవ్

పున్నమి: రంగారెడ్డి జిల్లా: తెలంగాణ గ్రామ పంచాయతీ సర్పంచులు ఎదుర్కొంటున్న సమస్యల పరిష్కారానికి సంఘటితంగా, ఐక్యంగా ఉద్యమించాలని సర్పంచుల సంఘం వ్యవస్థాపక అధ్యక్షులు భూమన్న యాదవ్ అన్నారు. తెలంగాణ రాష్ట్ర సర్పంచుల సంఘం కార్యవర్గ విస్తృతస్థాయి సమావేశం వనస్థలిపురంలోని ఒక ప్రైవేట్ కాన్ఫరెన్స్ హాల్లో మంగళవారం నిర్వహించారు. ఈ సందర్భంగా ఆయన మాట్లాడుతూ.. కాంగ్రెస్ ప్రభుత్వం గ్రామ పంచాయతీల అభివృద్ధికి నిధులు సకాలంలో విడుదల చేయకపోవడంతో సర్పంచులు ప్రజల్లో అవమానాలు ఎదుర్కోవాల్సి వస్తోందన్నారు. ఉపసర్పంచులకు ఇచ్చిన చెక్ పవర్ను తక్షణమే రద్దు చేయాలని, సర్పంచుల గౌరవ వేతనాన్ని రూ.25 వేలకు పెంచాలని డిమాండ్ చేశారు. ఎమ్మెల్సీ ఎన్నికల్లో సర్పంచులకు ఓటు హక్కు కల్పించాలని, పంచాయతీ విద్యుత్ బిల్లులను ప్రభుత్వమే చెల్లించాలని కోరారు. కరువు సమస్య పరిష్కారానికి ప్రత్యేక నిధులు కేటాయించాలని, గ్రామాభివృద్ధి నిధుల వినియోగానికి సర్పంచులకు ప్రత్యేక అకౌంట్ వెసులుబాటు కల్పించాలన్నారు. మహిళా సర్పంచులపై దాడులు జరగడం విచారకరమని, ఈ అంశాన్ని డీజీపీ దృష్టికి తీసుకెళ్తామన్నారు. కార్యక్రమంలో రాష్ట్ర వర్కింగ్ ప్రెసిడెంట్ జక్క రాఘవేందర్ రెడ్డి, ఉపాధ్యక్షులు భీమిడి ప్రదీప్, పెంటాగౌడ్, నర్సింహులు, జనరల్ సెక్రెటరీ కరణం కీర్తి రామకృష్ణ, మహిళా సంఘం వర్కింగ్ ప్రెసిడెంట్ చేవెళ్ల రేఖ తదితరులు పాల్గొన్నారు.

రంగారెడ్డి

“మిస్టర్ హంగ్రీ ”హోటల్ ప్రారంభం

పున్నమి: రంగారెడ్డి జిల్లా: వనస్థలిపురం వైద్య నగర్ రోడ్డులోని శ్రీ ఇందు పీజీ కళాశాల ఎదురుగా నూతనంగా ఏర్పాటు చేసిన మిస్టర్ హంగ్రీ హోటల్‌ను పగడాల టింకు ఘనంగా ప్రారంభించారు. ప్రారంభోత్సవ కార్యక్రమానికి కుటుంబ సభ్యులు, స్థానిక ప్రజాప్రతినిధులు, స్నేహితులు, స్థానికులు పెద్ద సంఖ్యలో హాజరై రిబ్బన్ కట్ చేసి జ్యోతి ప్రజ్వలన చేశారు.ఈ సందర్భంగా హోటల్ నిర్వాహకుడు పగడాల టింకు మాట్లాడుతూ.. తమ హోటల్‌లో శాఖాహార, మాంసాహార శాండ్‌విచ్‌లు, బర్గర్లు, మోమోలు, మిల్క్‌షేక్‌లు, షవర్మా, ఐస్‌క్రీమ్‌లు, స్ప్రింగ్ పొటాటో, పాస్తా, మ్యాగీ, ఫ్రెంచ్ ఫ్రైస్, చికెన్ కబాబ్స్ తదితర రుచికరమైన ఆహార పదార్థాలను సరసమైన ధరలకు అందుబాటులో ఉంచుతున్నట్లు తెలిపారు. నాణ్యతతో కూడిన రుచికరమైన ఆహారాన్ని వినియోగదారులకు అందించడమే తమ లక్ష్యమని పేర్కొన్నారు.వినియోగదారులు సామాజిక మాధ్యమం ఇన్‌స్టాగ్రామ్‌లో ‘మిస్టర్ హంగ్రీ’ పేరుతో తమ పేజీని అనుసరించి హోటల్‌లో అందుబాటులో ఉన్న ఆహార పదార్థాలు, ప్రత్యేక ఆఫర్ల వివరాలను తెలుసుకోవచ్చని తెలిపారు. స్థానిక ప్రజల ఆదరణతో హోటల్‌ను మరింత అభివృద్ధి చేస్తామని పగడాల టింకు అన్నారు. ఈ కార్యక్రమంలో కుటుంబ సభ్యులు, స్నేహితులు, స్థానికులు తదితరులు పాల్గొన్నారు.

రంగారెడ్డి

మన్సూరాబాద్లో ‘శ్రీ రేణుక ఎల్లమ్మ పూజ స్టోర్’ ఘనంగా ప్రారంభం, హోల్సేల్ ధరకే అన్ని రకాల పూజ సామాగ్రి లభించును.

పున్నమి: మన్సూరాబాద్: మన్సూరాబాద్ లోని కేబీఆర్ కన్వెన్షన్ సమీపంలో నూతనంగా ఏర్పాటు చేసిన ‘శ్రీ రేణుక ఎల్లమ్మ పూజ స్టోర్’ సోమవారం ఘనంగా ప్రారంభమైంది. నిర్వాహకులు జొన్నలగడ్డ రామాంజనేయులు తన కుటుంబ సభ్యులతో కలిసి పూజలు చేసి, రిబ్బన్ కట్ చేసి ఈ షాపును ప్రారంభించారు. ఈ సందర్భంగా షాప్ యజమాని జొన్నలగడ్డ రామాంజనేయులు మాట్లాడుతూ.. భక్తులకు కావాల్సిన అన్ని రకాల పూజా సామాగ్రి స్టోర్ లో అందుబాటులో ఉందని తెలిపారు. స్టోర్ రోజూ చేసుకునే పూజలతో పాటు వ్రతాలు, నోములు, హోమాలు, పెళ్లిళు గృహప్రవేశాలు వంటి శుభకార్యాలకు అవసరమైన పూజా సామాగ్రి అంతా దొరుకుతుంది. ముఖ్యంగా రకరకాల సైజుల్లో అమ్మవారి విగ్రహాలు, కొత్త డిజైన్లలో ఉండే దేవుళ్ల విగ్రహాలు ప్రత్యేకంగా తెప్పించాం. ఇత్తడి, రాగి పూజా సామాన్లు, దీపాలు, పంచపాత్రలు, పసుపు, కుంకుమ, గంధం, కర్పూరం, అగర్బత్తులు, సాంబ్రాణి, పూజలకు వాడే పట్టు వస్త్రాలు, పీటలు, రుద్రాక్ష మాలలు, ఫోటోలు అన్నీ మంచి క్వాలిటీతో, రీజనబుల్ రేట్లకే ఇస్తున్నాం. ఏదైనా పూజ ఉంటే దానికి కావాల్సిన లిస్ట్ మొత్తం కిట్ లాగా కూడా ప్యాక్ చేసి ఇస్తాం”లి అని ఆయన తెలిపారు. ఇప్పటికే తమకు బోడుప్పల్, నాగోల్, కుంట్లూరు, హయత్నగర్లో బ్రాంచీలు ఉన్నాయని, అక్కడ కస్టమర్ల నుంచి మంచి సపోర్ట్, నమ్మకం లభించడంతోనే ఇప్పుడు మన్సూరాబాద్లో కొత్త బ్రాంచ్ ఓపెన్ చేశామని రామాంజనేయులు చెప్పారు. స్థానిక ప్రజలు తమ షాపుకు వచ్చి సేవలని ఉపయోగించుకోవాలని కోరారు. ఈ ఓపెనింగ్ ప్రోగ్రాము గణేశుల సుబ్బారావు, గణేశుల శివ ముఖ్య అతిథులుగా వచ్చి నిర్వాహకులకు శుభాకాంక్షలు తెలిపారు. వీరితో పాటు కుటుంబ సభ్యులు, బంధువులు, ఫ్రెండ్స్, చుట్టుపక్కల కాలనీల ప్రజలు పెద్ద సంఖ్యలో పాల్గొన్నారు.