అబ్దుల్ కలాం జయంతి సందర్భంగా విద్యార్థులకు పోటీలు
ఉప్పరాపల్లి: భారత మాజీ రాష్ట్రపతి, మిసైల్ మ్యాన్ డాక్టర్ ఏపీజే అబ్దుల్ కలాం జయంతిని పురస్కరించుకుని గురువారం ఉప్పరాపల్లి గ్రామంలోని శ్రీ అబ్దుల్ కలాం విజ్ఞాన కేంద్రం ఆధ్వర్యంలో విద్యార్థులకు వివిధ పోటీలు నిర్వహించారు. గ్రామ ఉద్యోగుల ఆధ్వర్యంలో చేపట్టిన ఈ కార్యక్రమంలో చిన్నారులకు డ్రాయింగ్, వ్యాసరచన, వక్తృత్వ పోటీలు నిర్వహించి వారిలోని ప్రతిభను వెలికితీసేందుకు కృషి చేశారు. విద్యార్థుల్లో సృజనాత్మకతను, ఆలోచనా శక్తిని, ప్రసంగ నైపుణ్యాలను పెంపొందించడమే లక్ష్యంగా ఈ పోటీలు నిర్వహించారు. పోటీల్లో పాల్గొన్న ప్రతి విద్యార్థికి ప్రోత్సాహకంగా పార్టిసిపేషన్ బహుమతులు అందించడంతో పాటు, ఆయా పోటీల్లో మొదటి రెండు స్థానాల్లో నిలిచిన విజేతలకు ప్రత్యేక బహుమతులు అందజేయనున్నారు. విద్యార్థుల్లో విద్యాపరమైన ఆసక్తిని పెంపొందిస్తూ, అబ్దుల్ కలాం ఆశయాలకు అనుగుణంగా చిన్నారులను భావి పౌరులుగా తీర్చిదిద్దేందుకు ఇలాంటి కార్యక్రమాలు దోహదపడతాయని నిర్వాహకులు తెలిపారు.
kundhuruanand- October 15, 2026
- 0 Comments
- 11 Views
-
