అక్కుర్తి పాఠశాలలో ఎమ్మెల్యే సందర్శన… 90 రోజుల్లో మౌలిక వసతుల అభివృద్ధికి హామీ
శ్రీకాళహస్తి, మార్చి 26 (పున్నమి న్యూస్): శ్రీకాళహస్తి మండలంలోని అక్కుర్తి గ్రామంలో ప్రభుత్వ పాఠశాలను స్థానిక ఎమ్మెల్యే బొజ్జల వెంకట సుధీర్ రెడ్డి సందర్శించారు. ఈ సందర్భంగా పాఠశాలలోని మౌలిక వసతులను స్వయంగా పరిశీలించి, విద్యార్థులతో వారి చదువులు, బోధన విధానం గురించి వివరాలు తెలుసుకున్నారు. అనంతరం ‘డొక్కా సీతమ్మ’ మధ్యాహ్న భోజన పథకం కింద విద్యార్థులతో కలిసి భోజనం చేసి, ఆహార నాణ్యతను పరిశీలించారు. ఈ సందర్భంగా ఎమ్మెల్యే మాట్లాడుతూ….విద్యార్థులకు మెరుగైన విద్యా వాతావరణం కల్పించేందుకు కట్టుబడి ఉన్నామని తెలిపారు. రాబోయే విద్యా సంవత్సరం ప్రారంభానికి ముందే 90 రోజుల గడువులో పాఠశాలలో పలు అభివృద్ధి పనులు పూర్తి చేస్తామని హామీ ఇచ్చారు. ఇందులో భాగంగా ఆర్.ఓ ప్లాంట్ ఏర్పాటు, అదనపు తరగతి గదుల నిర్మాణం చేపట్టి విద్యార్థులకు అందుబాటులోకి తీసుకురానున్నట్లు ఆయన వెల్లడించారు.
thiruveedulasivakumar- March 26, 2026
- 0 Comments
- 30 Views
-
