భవన నిర్మాణ కార్మికులకు ప్రభుత్వం బాసట – లేబర్ కార్డుల పంపిణీ
శ్రీకాళహస్తి, ఏప్రిల్ 05 (పున్నమి న్యూస్): భవన నిర్మాణ కార్మికుల సంక్షేమానికి ప్రభుత్వం కట్టుబడి ఉందని, కార్మికులు తమ హక్కులను, పథకాలను సద్వినియోగం చేసుకోవాలని శ్రీ సంకల్ప భవన నిర్మాణ కార్మిక సంఘం పిలుపునిచ్చింది. ఆదివారం శ్రీకాళహస్తిలో యూనియన్ ఆధ్వర్యంలో ఏర్పాటు చేసిన కార్యక్రమంలో అర్హులైన భవన నిర్మాణ కార్మికులకు లేబర్ కార్డులను పంపిణీ చేశారు. ఈ సందర్భంగా సంఘం నాయకులు మాట్లాడుతూ.. ప్రభుత్వం ఇటీవల భవన నిర్మాణ కార్మిక సంక్షేమ బోర్డును పునర్నిర్మించిందని, తద్వారా నిలిచిపోయిన పలు సంక్షేమ పథకాలు మళ్లీ అందుబాటులోకి వచ్చాయని వివరించారు. ప్రమాద బీమా, పెళ్లి కానుక, ప్రసూతి సాయం వంటి పథకాల గురించి అవగాహన కల్పించారు. ప్రతి భవన నిర్మాణ కార్మికుడు లేబర్ కార్డు పొంది, ప్రభుత్వ పథకాలను పొందేలా యూనియన్ కృషి చేస్తోందని తెలిపారు. ఇంకా పెద్ద సంఖ్యలో కార్మికులు యూనియన్ లో సభ్యులుగా చేరి తమ ప్రయోజనాలను కాపాడుకోవాలని కోరారు.
thiruveedulasivakumar- April 5, 2026
- 0 Comments
- 14 Views
-
