దేశంలో లక్ష దాటిన కరోనా కేసులు

ఏపీలో కొత్తగా 57 కరోనా పాజిటివ్ కేసులు

తేదీ: 19.05.2020 పున్నమి తెలుగు దిన పత్రిక ✍️ ఏపీలో కరోనా పాజిటివ్ కేసులు అంతకంతకూ పెరిగిపోతున్నాయి. గత 24 గంటల్లో కొత్తగా 57 కరోనా పాజిటివ్ కేసులు నమోదైనట్లు రాష్ట్ర వైద్య ఆరోగ్య శాఖ హెల్త్ బులెటిన్ విడుదల చేసింది. కొత్తగా కర్నూలు, చిత్తూరు జిల్లాలో వైరస్ వల్ల ఒక్కొక్కరు మరణించడంతో మృతుల సంఖ్య 52 కి చేరింది. ఇటు రాష్ట్రంలో మొత్తం కేసులు సంఖ్య 2,339 కి చేరుకుంది. ప్రస్తుతం 691 యాక్టీవ్ కేసులు ఉండగా 1,596 మంది డిశ్చార్జ్ అయ్యారు.

కరోనాపై పోరాటానికి యాచకుడి సాయం

పున్నమి తెలుగు దిన పత్రిక ప్రతినిధి షేక్.ఉస్మాన్ ✍️ కరోనపై పోరులో భాగంగా సెలబ్రెటీలు, వ్యాపారవేత్తలు,క్రికెటర్లు ఇలా చాలా మంది ప్రముఖులు తమ వంతుగా విరాళాలు అందించారు. అయితే తమిళనాడులో ఓ యాచకుడు కరోనా సహాయ నిధికి తన వంతు సాయం చేశాడు. మధురైకి చెందిన పూల్ పాండియన్ అనే వృద్ధుడు తాను భిక్షాటన చేయగా వచ్చిన రూ.10వేలు నగదును మధురై జిల్లా కలెక్టర్ ను కలిసి అందజేశాడు. దీంతో యాచకుడి గొప్ప మనసును అందరూ ప్రసంసిస్తున్నారు.

ఆ ఘటన నా హృదయాన్ని కలచివేసింది: డీజీపి

పున్నమి తెలుగు దిన పత్రిక ✍ జిల్లా ఆత్మకూరు ప్రభుత్వ జూనియర్‌ కళాశాలలో ఓ చిన్నారితో స్పాట్‌ వాల్యుయేషన్‌ గదిని శుభ్రం చేయించిన ఘటనపై డీజీపీ గౌతమ్‌ సవాంగ్‌ ఘాటుగా స్పందించారు. గది శుభ్రం చేసే సమయంలో పోలీసు హెడ్‌ కానిస్టేబుళ్లు ప్రేక్షక పాత్ర పోషించడంపై తీవ్ర అసహనం వ్యక్తం చేశారు. ఇటువంటి ఘటనలను ఎట్టి పరిస్థితుల్లోనూ ఉపేక్షించేది లేదని స్పష్టం చేశారు. ఇద్దరు కానిస్టేబుళ్లపై శాఖాపరమైన చర్యలు తీసుకోవాల్సిందిగా నెల్లూరు జిల్లా ఎస్పీని ఆదేశించారు. గదిని శుభ్రం చేయాల్సిన తండ్రి తన ఆరేళ్ల కుమార్తెతో ఆ పని చేయించడం బాధాకరమని డీజీపీ అన్నారు. తండ్రి అయినప్పటికీ చట్ట ప్రకారం శిక్ష తప్పదన్నారు. చట్టం ప్రకారం 14 సంవత్సరాలు నిండని పిల్లల చేత ఇలాంటి పనులు చేయించడం నిషేధమన్నారు. ఈ ఘటన తన హృదయాన్ని కలచి వేసిందని డీజీపీ ఆవేదన వ్యక్తం చేశారు.