Blog

కోవిడ్-19 నియంత్రణకు లాక్ డౌన్ ఒక్కటే మార్గం: డా.మానికిరెడ్డి, కాకినాడ.

కోవిడ్ -19 నియంత్రణకు కేంద్ర, రాష్ట్ర ప్రభుత్వాలు తీసుకున్న లాక్ డౌన్ ను పటిష్టంగా అమలు చేస్తూ సేవలందిస్తున్న జిల్లా అధికారులు పనితీరు అభినందనీయం అని డా. మానికిరెడ్డీ హెల్త్ కేర్ ఫౌండేషన్ వ్యవస్థాపక అధ్యక్షుడు డా. మానికీరెడ్డి అన్నారు. దేశం లో కరోనా వైరస్ ప్రబలకుండా లాక్ డౌన్ స్వీయ నియంత్రణ సామాజిక దూరం పాటించడం వంటి నిబంధనలను ప్రతి ఒక్కరూ పాటిస్తే కరోనా మహమ్మారిని దేశం నుండి తరిమి కొట్టవచ్చు అని డా . మానికి రెడ్డి సత్యన్నారాయణ గారు అన్నారు. వైరస్ వ్యాప్తి చెందకుండా మానవాళిని కాపాడుకోవలసిన బాధ్యత ప్రతీ ఒక్కరికీ ఉంది అన్నారు.ప్రపంచ దేశాలను వణికిస్తున్న కరోనా వైరస్ వల్ల జరుగుతున్న లాక్ డౌన్ ను విజయవంతం చెయ్యడానికి అహర్నిశలు శ్రమిస్తున్న అధికారులకు పోలీస్ లకూ భాద్యతగా సహకరిస్తూ ఇళ్ళకే పరిమితమై ప్రాణాలను కాపాడుకుందాం అని డా .మానికి రెడ్డీ అన్నారు .ప్రపంచములో భయంకరమైన కరోనా వైరస్ లక్షల్లో ప్రాణాలను కోల్పోయిన విషయం దృష్టిలో ఉంచుకొని దేశాన్ని కాపాడుకోవడానికి భాద్యతగా ప్రతీ ఒక్కరూ ఇంటిలోనే గడపాలి అన్నారు.దేశం లో ఇది దృష్టి లో పెట్టుకుని కేంద్ర రాష్ట్ర ప్రభుత్వాలు ప్రజా ఆరోగ్య భద్రత కోసం లాక్ డౌన్ నిర్వహించారు.వైద్యులు,పోలీసులు, మునిసిపల్ కార్మికులు ,పాత్రికేయులతో పాటు ప్రజా సేవలో అన్ని ప్రభుత్వ శాఖ అధికారులు తమ ప్రాణాలను పణం గా పెట్టీ మన ఆరోగ్యం కోసం నిరంతరం శ్రమిస్తూ ఉన్నవారికి సహకరించాలి అన్నారు.కరోనా పై ప్రభుత్వం వైద్యులు సూచనలు తప్పనిసరిగా పాటించాలి అని సూచించారు.మన దేశం లో రోజు రోజుకీ కరోనా వైరస్ వ్యాప్తి చెందుతున్న నేపధ్యంలో జాగ్రత్తలు పాటించకుండా ఉంటే ఈ వ్యాధి సోకే ప్రమాదం ఉందని మానికి రెడ్డీ హెచ్చరించారు .

punnami
April 6, 2020
0 Comments
23 Views

Featured ఆంధ్రప్రదేశ్ హెల్త్ టిప్స్

“ఇంట్లోనే ఉందాం – దేశాన్ని రక్షించుకుందాం”

“ఇంట్లోనే ఉందాం – దేశాన్ని రక్షించుకుందాం” అనే నినాదం వినడానికి విడ్డూరంగా ఉన్నా, ప్రస్తుత పరిస్థితుల్లో ఇది అనివార్యం. లాక్ డౌన్ అనే పేరుతో ఈ కార్యక్రమం యుద్ధ ప్రాతిపదికన జరుగుతోంది. మనదేశంలోనే కాకుండా అనేక దేశాల్లో ఆచరిస్తున్నారు. ప్రస్తుతం దేశాన్ని కాపాడుకోవడానికి తుపాకి పట్టుకొని సరిహద్దుల్లో యుద్ధం చేయనక్కర్లేదు. రిమోట్ పట్టుకొని టీవీ ముందు కూర్చుని ఎక్కడికి పోకుండా ఇంట్లో ఉంటే చాలు. ఇప్పుడు మనం చేస్తున్న ఈ యుద్ధం శత్రు రాజ్యం మీద కాదు. కరోనా వైరస్ మీద.ఒక్క రోజు కాదు ఇరవై ఒక్క రోజులు. పనులన్నీ మానుకుని 21 రోజులపాటు ఇంట్లోనే కూర్చుని ఉండడం అవసరమా అని అనిపిస్తుంది. దీని అవసరాన్ని అర్థం చేసుకోవాలంటే ఈ వ్యాధి తీవ్రత ఎంతుంది?ఎన్ని దేశాలకు పాకింది? వ్యాధి విస్తరణలో ఉన్న దశలు ఏమిటి? అనే అనే విషయాలను తెలుసుకోవాలి. ఈ కరోనా వైరస్ 3 నెలల క్రితం చైనా లో పుట్టింది. మూడు నెలల్లోనే ప్రపంచంలోని 200 దేశాలకు పాకింది. మార్చి 28 నాటికి సుమారు 8 లక్షల 35 వేల మందికి సోకింది. 39 వేల మంది మరణానికి కారణమయ్యింది. మనదేశంలో సుమారు 1250 మందికి సోకి, 32 మందిని బలి తీసుకుంది. మూడు నెలల్లోనే ఇంతమందికి సోకి ప్రపంచం మొత్తాన్ని గడగడలాడిస్తున్న ఈ వైరస్ వ్యాప్తి ఇంకోక నెల ఇలాగే కొనసాగితే జరగబోయే పరిణామాలను ఊహించడం కష్టతరంగా వుంది. ఈ వ్యాధిని కట్టడి చేయాలంటే ఈ వ్యాధి ఏ విధంగా వ్యాపిస్తుంది. విస్తరించడంలో ఉన్న దశలేమిటి అన్నది విషయం తెలుసుకోవాలి. ఈ వ్యాధి నాలుగు దశల్లో వ్యాపిస్తుంది. మొదటి దశ …. విదేశాల నుంచి దిగుమతిదశ.ఈ వైరస్ ఈ దేశం లో పుట్టింది కాదు. చైనా లో పుట్టి, దేశ దేశాలకు పాకుతూ మన దేశంలోకి కూడా ప్రవేశించింది. ఈ వ్యాధి సోకిన స్వదేశీయులు కానీ,విదేశీయులు గానే ఈ దేశంలోకి రావడంతో ఈ దశ ప్రారంభమైంది. ఈ దశలో కరోనా ను అదుపు చేయడం సులభం. విదేశాలనుండి వచ్చేవారిని 14 రోజులపాటు కట్టడిలో పెట్టి ఆ తర్వాతనే దేశంలోకి అనుమతించి ఉండాలి. రెండవ దశ……. విదేశాల నుంచి వచ్చిన ఈ వ్యాధిగ్రస్తుల ద్వారా ఈ దేశంలో ఉన్న వారికి సోకడం రెండవ దశ. ఈ జబ్బును తెచ్చుకున్న విదేశీ ప్రయాణికులు తన కుటుంబ సభ్యులకు, సహచరులకు, మిత్రులకు అంటించడం జరుగుతుంది. మూడవ దశ…. రెండవ దశలో సోకిన వారి ద్వారా వారిమిత్రులకు, సహచరులకు, కుటుంబ సభ్యులకు అంటుకోవడం. నాల్గవ దశ ఎవరి ద్వారా ఎవరికి అంటుకున్నది తెలుసుకోలేని విధంగా సమాజంలో ఒకరి నుంచి ఒకరికి వ్యాపించడం. మన దేశం ప్రస్తుతం రెండవ దశలో ఉంది. మహారాష్ట్ర మూడవ దశలో ఉందేమో అన్న అనుమానం ఉంది. ఇటలీ,అమెరికాలు రెండవ దశను దాటి మూడవ దశలో కి ప్రవేశించాయి. ఆర్థికంగా ,వైద్యపరంగా అభివృద్ధి చెందిన ఈ దేశాలకే ఈ వైరస్ ని కట్టడి చేయడం కష్టమై రోజుకు కొన్ని వేల మంది చనిపోతున్నారు. వైద్య సేవలను సరైన పద్ధతిలో అందించడం కూడా సాధ్యం కావడం లేదు. వీరి పరిస్థితే ఇలా ఉంటే మన పరిస్థితి ఎలా ఉంటుందో. జనాభా ఎక్కువగా ఉన్న సాంద్రత ఎక్కువగా ఉన్న మనలాంటి దేశంలో ఈ వ్యాధి వ్యాప్తి తీవ్రంగా ఉండవచ్చు. వ్యాధి నిర్ధారణకు కావలసిన పరీక్షలు, ఆసుపత్రిలో చేరి వైద్యం చేయవలసి వస్తే అవసరమైన వైద్య సదుపాయాలు చాలా కస్టమవుతాయి. నిర్ధారణ పరీక్షలు లేక ,వైద్యం అందించడానికి ఆస్పత్రిలో పడకలు సరిపోక ,వెంటిలేటర్లు అందుబాటులో లేక చాలా ప్రాణాల్ని పోగొట్టుకోవాల్సిన పరిస్థితి వస్తుంది. మూడు నుంచి నాల్గవ దశలోకి పోతే పరిస్థితి ఎలా ఉంటుందో ఊహించుకోవడం మరీ కష్టం. ఈ వ్యాధిని కట్టడి చేయడానికి మన ప్రభుత్వాలు తీసుకున్న లాక్ డౌన్ కార్యక్రమం ప్రస్తుత పరిస్థితుల్లో చాలా అవసరం. ఈ కార్యక్రమం ద్వారా వ్యాధి ఉన్నవారు ఇంట్లోనే ఉంటూ వేరే వారికి అంటించకుండా ఉండడానికి,వ్యాధి లేని వారు వేరే వారి నుంచి అంట్టించుకోకుండా ఉండే దానికి చాలా అవసరం. కష్టమైనా మనకు ఇష్టం లేకపోయినా లాక్ డౌన్ కార్యక్రమాన్ని ఆచరిద్దాం కరోనాను కట్టడి చేద్దాం.

punnami
April 1, 2020
0 Comments
31 Views

Featured ఆంధ్రప్రదేశ్

పోలీస్‌ ‌సోదరులకు సలాం

కావలి, మార్చి 30, 2020 (పున్నమి విలేఖరి) : జంగమదేవర్ల సంక్షేమ సేవాసమితి-కావలి వారి ఆధ్వర్యంలో సోమవారం కరోనా వైరస్‌ ‌నిర్మూలనకు లాక్డౌన్‌ ‌విధుల్లో ఉన్న పోలీస్‌ ‌సోదరులకు కావలి డీఎస్పీ ప్రసాద్‌ ‌రావు సమక్షంలో నీళ్ళ బాటిళ్లు, బిస్కెట్‌ ‌ప్యాకెట్లు అందించడమైనది. ప్రజల ఆర్యోగం కోసం అహర్నిశలు తమ కుటుంబాలను వదిలి విధులు నిర్వర్తిస్తున్న పోలీసు సోదరులకు మనమంతా అభినందనలు తెలియచేయాలి.

punnami
March 30, 2020
0 Comments
72 Views

Featured ఆంధ్రప్రదేశ్ హెల్త్ టిప్స్

ప్రతి మెడికల్ షాపులో మాస్కులు లభ్యమయేలా చర్యలు తీసుకోవాలి

నెల్లూరులో మాస్కులు,శానిటైజర్ లు ఎక్కువ ధరలకు అమ్ముతున్నారు. అందరూ మాస్కులేసుకోనఖ్ఖరలేదన్నా జనాలు మాస్కులు కొంటున్నారు. లిక్విడ్ సోప్స్, శానిటైజర్ లు కూడా డిమాండ్ పెరిగింది. దీన్ని అదునుగా చేసుకొని నెల్లూరు లోని మెడికల్ షాపులు కొందరు శానిటైజర్ లు మాస్కులు విపరీతమైన ధరలకు అమ్ముతున్నారు. రేటెక్కువంటే స్టాక్ లేవు అని అంటున్నారు. వేదాయపాళెంలో ఓ మెడికల్ షాపుపై చర్యలు తీసుకొన్నా బుద్ధిరాలేదు. అందుకే ఔషధ నియంత్రణ అధికారులు ప్రతి మెడికల్ షాపులో మాస్కులు లభ్యమయేలా శానిటైజర్ లు లభ్యమయేలా ప్రతి షాపు ధరలవివరణతో బోర్డులు పెట్టేలా చర్యలు తీసుకోవాలి. అపుడే నియంత్రించేందుకు అవకాశం ఉంటుంది. ఉల్లంఘించి నవారిపై క్రిమినల్ చర్యలకు ప్రభుత్వం చేపట్టాలి.

punnami
March 28, 2020
0 Comments
37 Views

Featured ఆంధ్రప్రదేశ్

కలెక్టర్ ను కలిసిన నెల్లూరు జిల్లా APJF నేతలు.

నెల్లూరు జిల్లాలోని జర్నలిస్ట్ లకు కరోన, కోవిడ్ -19 సందర్భంగా ఆర్థికంగా వెనుకబడిన జర్నలిస్ట్ లకు పని వత్తిడి లో రేషన్ కార్డులు కూడా లేవని,ఆర్థికంగా ఎంతో వెనుక బడిన జర్నలిస్ట్ లకు బి.పి.ఎల్ క్రింద అందరికి మూడు నెలలు నిత్యావసర వస్తువులు, బియ్యం, గ్యాస్ సిలిండర్ లు ,నగదు ఇవ్వాలని కోరారు.గురువారం apjf నెల్లూరు జిల్లా నేతలు పత్రికముకంగా కొరగా శుక్రవారం కలెక్టర్ గారిని స్వయంగా ఇతర జర్నలిస్ట్ లతో కలిసి కోరడం జరిగింది. వెంటనే కలెక్టర్ గారు స్పందించి సంబంధిత జిల్లా అధికారులు కు తగు సూచనలు చేశారు. అలాగే మీడియా లో పని చేస్తున్న జర్నలిస్ట్ లకు/నాన్ జర్నలిస్ట్ కు కరోన పాస్ లు మంజూరు చేయాలని కోరాము,తప్పకుండా ఇస్తామని హామీ ఇచ్చి జిల్లా సమాచార శాఖ D. D గారికి తగు ఆదేశాలు పంపారు. ఈ కార్యక్రమంలో ఆంధ్రప్రదేశ్ జర్నలిస్టు ఫోరం గౌరవాధ్యక్షుడు ఆకుల పురుషోత్తం బాబు (సింహపురి బాబు) అధ్యక్షుడు శాఖమూరి శ్రీనివాసులు ( అభయం శీను)ప్రధాన కార్యదర్శి సుబ్బు సింగ్, కోశాధికారి మల్లికార్జున్, ఉపాధ్యక్షులు నన్నూరు శ్రీనివాసరావు ఓ.వెంకటేశ్వర్లు ఆర్గనైజింగ్ సెక్రటరీ దిలీప్ జాయింట్ సెక్రెటరీ వెంకటేశ్వర్లు జైపాల్ సింగ్ కమిటీ మెంబర్లు శ్రీహరి , శంకర్, శ్రీనివాస్ మరియు తదితరులు పాల్గొన్నారు.

punnami
March 27, 2020
0 Comments
37 Views

Featured ఆంధ్రప్రదేశ్

కరోనా వ్యాధిపై అవగాహన కల్పిస్తున్న ఆశావర్కర్లు గ్రామ వాలంటీర్లు

రాపూరు పట్టణం కొత్తపేట లో ఏడవ వార్డు నందు ఆశ వాలంటీరు మరియు గ్రామ వాలంటీర్లు సర్వే నిర్వహిస్తూ వార్డు లోని ప్రజలకు ఎవరికైనా జలుబు దగ్గు జ్వరం ఉన్నాయా లేవా అని పరిశీలించి కొత్త వ్యక్తులు ఎవరైనా వచ్చి ఉంటే వారి వివరాలను నమోదు చేసుకుని అధికారులకు ఎప్పటికప్పుడు సమాచారం అందించడం జరుగుతుంది మరియు కరోనా వ్యాధిపై అవగాహన కల్పిస్తు చేతులు మరియు పరిసర ప్రాంతాలు పరిశుభ్రంగా ఉంచుకునేలా చూసుకోవాలని వ్యాధి పట్ల తీసుకోవాల్సిన జాగ్రత్తలపై సూచనలు సలహాలు తెలియజేయడం జరిగినది ఈ కార్యక్రమంలోఆశా వాలంటీర్ లక్ష్మి గ్రామ వాలంటీర్ ఆస్మా

punnami
March 26, 2020
0 Comments
42 Views

Featured ఆంధ్రప్రదేశ్

అన్నార్తులకు ఆహారం

లాక్ డౌన్ తో నెల్లూరు నగరంలో భోజనం లేక ఇబ్బందులు పడుతున్న పేదలు , నిరాశ్రయులకు మాగుంట సేవాసమితి ఆధ్వర్యంలో ఆహార పొట్లాలను అందజేశారు. ఈ కార్యక్రమంలో సేవాసమితి వ్యవస్థాపకులు మాగుంట శరత్ చంద్రారెడ్డి, సాయి, నిషాద్ పాల్గొన్నారు..

punnami
March 26, 2020
0 Comments
47 Views

Featured ఆంధ్రప్రదేశ్

‘‘‌మనికిరెడ్డి సేవలు ఆదర్శనీయం’’ – స్పెషల్‌ ‌జ్యూడిషియల్‌ ‌జడ్జి చింతా పద్మారావు.

మనికిరెడ్డి సేవలు ఆదర్శనీయమని, ఉభయ గోదావరి జిల్లాలలో మానికిరెడ్డి హెల్త్ ‌కేర్‌ ‌ఫౌండేషన్‌ ‌ద్వారా డాక్టర్‌ ‌మానికిరెడ్డి సత్యనారాయణ చేస్తున్న సేవలు అభినందనీయమని కొవ్వూరు స్పెషల్‌ ‌జ్యూడిషియల్‌ ‌జడ్జి చింతా పద్మారావు అన్నారు. మార్వెల్‌ ‌బుక్‌ ఆఫ్‌ ‌రికార్డస్ ‌సామాజిక సేవలో తక్కువ సమయంలో వివిధ ప్రాంతాల్లో ఎక్కువ సేవలు చేసినందుకు గాను డాక్టర్‌ ‌మానికిరెడ్డి సత్యనారాయణ కు శనివారం సాయంత్రం కొవ్వూరులో జరిగిన ప్రత్యేక కార్యక్రమంలో రికార్డ్ ‌ధ్రువీకరణ పత్రాన్ని, జ్ఞాపికను, మెడల్‌ ‌ను జడ్జి పద్మారావు చేతులమీద అందించారు. మార్వెల్‌ ‌బుక్‌ ఆఫ్‌ ‌రికార్డస్ ‌ప్రతినిధి డాక్టర్‌ అద్దంకి రాజా మాట్లాడుతూ మానికిరెడ్డి హెల్త్ ‌కేర్‌ ‌ఫౌండేషన్‌ ‌ద్వారా గ్రామీణ ప్రాంతాల్లో మెడికల్‌ ‌క్యాంపులు, కాలేజీలలో విద్యార్థులకు చీ•• ద్వారా సామాజిక సేవతో పాటు పర్యావరణ పరిరక్షణకు ప్రత్యేక కార్యక్రమాలు, లయన్స్ ‌క్లబ్‌, ‌రెడ్‌ ‌క్రాస్‌ ‌ద్వారా సేవా కార్యక్రమాలు. దారిద్య్ర రేఖకు దిగువనున్న కుటుంబాల ఆడ పిల్లలకు ఉన్నత విద్యకు నగదు ప్రోత్సహకాలు. ఎయిడ్స్, ‌కుష్టు నివారణా కార్యక్రమాలు తక్కువ సమయంలో ఎక్కువ కార్యక్రమాలు చేసిన వ్యక్తిగా గుర్తించి ఈ రికార్డును అందించామన్నారు. కార్యక్రమంలో జి. కె స్టడీ సర్కిల్‌ ‌నిర్వాహకుడు సామాజికవేత్త గెల్లా కేశవ, పి.డి.ఎస్‌. ‌యూ రాష్ట్ర నాయకుడు నంబూరి మహర్షి తదితరులు పాల్గొన్నారు.

punnami
March 26, 2020
0 Comments
136 Views

Featured ఆంధ్రప్రదేశ్

ఒక్క ఫోన్‌ ‌కాల్‌తో ఇంటి వద్దకే సరుకులు

కరోనా మహమ్మారి ప్రబలమవుతున్న కారణంగా నెల్లూరు నగరంలో ప్రజలు తిరగకుండా ఉండేందుకు గాను నెల్లూరు నగర మున్సిపల్‌ ‌కమిషనర్‌ ‌ప్రత్యేక శ్రద్ద తీసుకుని నెల్లూరు నగరము నందు గల ప్రజలకు అందుబాటులో నిత్యావసర సరుకులు, కూరగాయలు కాల్‌ ఆన్‌ ‌డెలివరి సర్వీసు ద్వారా అందించుటకు జిల్లా కలెక్టర్‌ ఆదేశానుసారం నెల్లూరు నగర కమిషనర్‌, ఆహార భద్రత అధికారి, కిరాణా మర్చంట్స్ అసోసియేషన్స్ ‌వారితో సమీక్షా సమావేశం నిర్వహించారు. ఈ సమావేశంలో ఒక్క ఫోన్‌ ‌కాల్‌తో ఇంటి వద్దకే సరుకులు పంపిణీ చేయుటకు నిర్ణయించారు. ఈ క్రింద తెలిపిన షాపులలో సరకులు తీసుకొనవచ్చును. ఒక్క ఫోన్‌ ‌కాల్‌ ‌ద్వారా మీకు అవసరమైన నిత్యావసర సరుకులు, కూరగాయలు పొందవచ్చని కమిషనర్‌ ‌తెలిపారు. 1. ‌మోర్‌ ‌సూపర్‌ ‌మార్కెట్‌, వేదాయపాళెం ‌నిత్యావసర సరుకులు, కూరగాయలు 9705807146 8008534066 2. మోర్‌ ‌సూపర్‌ ‌మార్కెట్‌, మాగుంట లేఅవుట్‌ ‌నిత్యావసర సరుకులు, ‌కూరగాయలు 9912226853, 9666452697 3. మోర్‌ ‌సూపర్‌ ‌మార్కెట్‌, రాంజీనగర్‌ ‌నిత్యావసర సరుకులు, కూరగాయలు 9030929165 4. రిలయన్స్ ‌స్మార్ట్, ‌దర్గామిట్ట నిత్యావసర సరుకులు, కూరగాయలు 9398736650, 8886083226, 7569042117 5. వెంకయ్య స్వామి ట్రేడర్స్, ఎ.కె.నగర్‌ ‌నిత్యావసర సరుకులు 9030544863 6. ‌మంచికంటి శ్రీనివాసులు ప్రొవిజన్స్, ‌స్టోన్‌హౌస్‌పేట – నిత్యావసర సరుకులు 9849226000 7. మంచికంటి సూపర్‌ ‌మార్కెట్‌, స్టోన్‌హౌస్‌పేట – ‌నిత్యావసర సరుకులు 9985995995 8. అద్దెపల్లి సుబ్బారావు ప్రొవిజన్స్, స్టోన్‌హౌస్‌పేట – ‌నిత్యావసర సరుకులు 8978433867 9. సరాబు వెంకటేశ్వర్లు ప్రొవిజన్స్, స్టోన్‌హౌస్‌పేట – ‌నిత్యావసర సరుకులు 9885190744 10. భార్గవి ప్రొవిజన్స్, స్టోన్‌హౌస్‌పేట – ‌నిత్యావసర సరుకులు 8309238999 11. శ్రీనివాస ప్రొవిజన్స్, స్టోన్‌హౌస్‌పేట – ‌నిత్యావసర సరుకులు 9700555844 12. బిగ్‌ ‌బజార్‌, ఎం.‌జి.బి.మాల్‌ ‌- నిత్యావసర సరుకులు, కూరగాయలు 9136976270 పైన తెలిపిన షాపులు ప్రజలకు నిత్యావసర సరుకులు, కూరగాయలు అందించుటకు అంగీకారము తెలియపరిచారు. సరుకులు ఉదయం 7 గంటల నుండి సాయంత్రం 7 గంటల లోపు చేరవేయుటకు పోలీసులు అనుమతిచ్చారు. కావున ప్రజలకు ఈ సదవకాశాన్ని సద్వినియోగం చేసుకుని నిత్యావసర సరుకులు, కూరగాయలు కావల్సిన వారు పైన తెలిపిన ఫోన్‌ ‌నెంబర్లకు ఫోన్‌ ‌చేసి తెప్పించుకొనవచ్చునని తెలిపారు.

punnami
March 26, 2020
0 Comments
64 Views

Featured ఆంధ్రప్రదేశ్

పారిశుద్ధ్యంపై ప్రత్యేక శ్రద్ధ

రాపూరు పట్టణంలో పారిశుద్ధ్యంపై ప్రత్యేక శ్రద్ధ పెట్టి స్వయంగా యం.పి.డి.ఓ ఆమోస్ బాబు దగ్గర ఉండి పంచాయతీ సిబ్బంది చేత చెత్తను తొలగించి కరోనా వైరస్ వ్యాప్తి చెందకుండా కెమికల్ స్ప్రే చేయించడం బ్లీచింగ్ చల్లడం పర్యవేక్షిస్తున్నరు. అలాగే రాపూరు మండలం లోని 18 సచివాలయాలు లోనూ సచివాలయ సిబ్బంది తో ఆ గ్రామాలలో పారిశుద్ధ్య లోపం లేకుండా చర్యలు తీసుకున్నామని తెలియజేశారు. వీరి వెంట పంచాయతీ విస్తరణ అధికారి గంగయ్య పంచాయతీ సిబ్బంది పాల్గొన్నారు.

punnami
March 25, 2020
0 Comments
45 Views

1
…
1,184
1,185
1,186
1,187
1,188
…
1,196

Contact Info

Some Populer Post

Contact Info

follow us

About Us

Top Categories​

Top Categories