ప్రతి గ్రామాన్ని ఆదర్శ గ్రామంగా తీర్చిదిద్దుతాము-కాకాని గోవర్ధన్ రెడ్డి

తేది:03-06-2020 పొదలకూరు: పొదలకూరుమండలం ఇనుకుర్తి, ముదిగేడు గ్రామాలలో పర్యటించి పలు అభివృద్ధి కార్యక్రమాలకు శంకుస్థాపనలు, ప్రారంభోత్సవాలు చేసిన వై.యస్.ఆర్.కాంగ్రెస్ పార్టీ జిల్లా అధ్యక్షులు సర్వేపల్లి శాసనసభ్యులు కాకాణి గోవర్ధన్ రెడ్డి గారు. గర్భవతులకు, బాలింతలకు మేలురకం బియ్యం (సార్ టెక్స్) పంపిణీ చేసిన ఎమ్మెల్యే కాకాణి. స్క్రోలింగ్ పాయింట్స్: ? సర్వేపల్లి నియోజకవర్గంలోని అన్ని గ్రామాలలో అభివృద్ధి, సంక్షేమ కార్యక్రమాలు సమర్థవంతంగా అమలవుతున్నాయి. ? నిత్యం ప్రజలకు అందుబాటులో ఉంటూ, నిరంతరం పర్యవేక్షిస్తూ అభివృద్ధి, సంక్షేమ కార్యక్రమాలను ప్రజలకు అందించడానికి కృషి చేస్తున్నాం. ? ముఖ్యమంత్రిగా జగన్ మోహన్ రెడ్డి గారు ఊహించిన దాని కన్నా మిన్నగా సంక్షేమ పథకాలను అమలు చేస్తున్నారు. ? మహోన్నతమైన పాలనను అందించిన స్వర్గీయ రాజశేఖర్ రెడ్డి గారి పాలనను కూడా మైమరిపించే విధంగా జగన్ మోహన్ రెడ్డి గారు అద్భుతమైన పాలనను కొనసాగిస్తున్నారు. ? ప్రధాన ప్రతిపక్షమైన తెలుగుదేశం పార్టీ కోర్టులకు వెళ్లి అడ్డంకులు సృష్టిస్తున్నా అభివృద్ధి కార్యక్రమాలను నిరాటంకంగా కొనసాగిస్తున్నారు. ? గ్రామాలకు అవసరమైన తాగునీరు, సాగునీరు, రోడ్లు, సైడు కాలువలు, స్కూళ్లు, స్మశానవాటికల అభివృద్ధి, పొలాలకు వెళ్లే దారులు లాంటి అభివృద్ధి కార్యక్రమాలను చేపట్టడంతో పాటు వీధిలైట్లు, విద్యుత్ సౌకర్యం, పారిశుద్ధ్య నిర్వహణపై దృష్టి పెట్టి ప్రజలకు ఎటువంటి ఇబ్బందులు కలగకుండా చూస్తాం. ? ఇళ్ల స్థలాలు లేని కుటుంబాలకు ఇళ్ల స్థలాలు కేటాయించడంతో పాటు శాశ్వత ఇళ్లు నిర్మించి ఇస్తాం. ? నీరు- చెట్టు లాంటి దోపిడి కార్యక్రమాలు కాకుండా ప్రజలకు అవసరమైన శాశ్వత ప్రయోజనాలను దృష్టిలో పెట్టుకొని, అభివృద్ధి కార్యక్రమాలను అమలు చేస్తాం. ? గతంలో పెత్తనం వెలగబెట్టిన కొంతమంది, అధికారులను బెదిరించి బ్లాక్ మెయిల్ చేయాలనే ఆలోచన మానుకుంటే మంచిది. ? ఎవడో పనికిమాలిన వాడి తాటాకు చప్పుళ్ళకో, ఉడతా బెదిరింపులకు సర్వేపల్లి నియోజకవర్గంలో అధికారులు ఎవ్వరూ భయపడరు. ? వైయస్సార్ కాంగ్రెస్ పార్టీ ప్రభుత్వంలో తప్పు చేస్తే ఎంతటి వాడినైనా వదిలిపెట్టే ప్రసక్తే లేదు. ? గతంలో అనుసరించిన విధానాలకు స్వస్తి పలికి, అనవసరంగా నోరు పారేసుకోకుండా విమర్శలు చేసి నవ్వులపాలు కాకుండా ఉంటే మంచిది. ? కండలేరు జలాశయం నుండి పొదలకూరు, మనుబోలు మండల ప్రజలకు ఎటువంటి ఇబ్బందులు కలగకుండా అవసరాల మేరకు నీటిని విడుదల చేస్తాం. ? గత ప్రభుత్వంలో మాదిరి నీటి విడుదలలో రాజకీయ జోక్యం లేకుండా ప్రజా అవసరాల మేరకు నీటిని విడుదల చేస్తాం. ? సర్వేపల్లి నియోజకవర్గంలోని ప్రతి గ్రామాన్ని ఆదర్శంగా తీర్చిదిద్ది, “ఆదర్శ నియోజకవర్గం”గా నిలపడమే నా లక్ష్యం.

పేద వారికి కార్పోరేట్ వైద్యం-డాక్టర్ వై.యెస్.ఆర్. ఆరోగ్యశ్రీ హెల్త్ కార్డులు పంపిణీ

03-06-2020మనుబోలు(పున్నమిప్రతినిధి)జట్లకొండూరు పంచాయతీ లోని కుడితిపల్లి గ్రామంలో సర్వేపల్లి శాసనసభ్యులు శ్రీ కాకాని గోవర్ధన్ రెడ్డి గారి సూచన మేరకు ఈ రోజు యర్రమాపు శరత్ కుమార్ రెడ్డి ఆధ్వర్యంలో ఆరోగ్య శ్రీ కార్డులు పంపిణీ చేయడం జరిగింది ఈ కార్యక్రమంలో ముఖ్యఅతిదులుగా మనుబోలు మండల మాజీ యం.పి.పి చేరెడ్డి రామిరెడ్డి వై.యెస్.ఆర్ కాంగ్రెస్ పార్టీ మండల అధ్యక్షులు బొమ్మిరెడ్డి హరగోపాల్ రెడ్డి పాల్గొన్నారు. నాయకులు మాట్లాడుతూ రాష్ట్ర ముఖ్యమంత్రి వై. ఎస్. జ గన్ మోహన్ రెడ్డి గారు ఆరోగ్యశ్రీలో విప్లవాత్మక మార్పులు తీసుకు వచ్చారు అన్నారు.కేన్సర్‌ వ్యాధినిఆరోగ్యశ్రీ పరధిలోకి తీసుకువచ్చారు హైదరాబాద్, బెంగళూరు, చెన్నైలో కూడా ఆరోగ్యశ్రీ అమలు చేస్తున్నారు అన్నారు దీర్ఘకాలిక వ్యాధులతో బాధపడేవారికి తోడుగా నిలిచారు ప్రధానమంత్రి స్థానంలో ఉన్న వ్యక్తికి బాగోలేకపోయినా.. మన ప్రభుత్వ ఆస్పత్రులకు వస్తే మంచి వైద్యం, మెడిసిన్‌ దొరుకుతాయని గర్వంగా చెప్పే పరిస్థితిని మన రాష్ట్రంలో తీసుకువచ్చారని పేదవాడు వైద్యం చేయించుకునేందుకు,పిల్లలను చదివించుకునేందుకు అప్పులపాలు కాకూడదని దివంగత మహానేత వైఎస్ రాజశేఖరరెడ్డి బలంగా నమ్మారని, అందుకనే ఆరోగ్యశ్రీ, పథకానికి శ్రీకారం చుట్టారన్నారు. వై. యెస్. జగన్ మోహన్ రెడ్డి అధికారంలోకి వచ్చిన ఏడాదికాలంలోనే ఆరోగ్యశ్రీ పథకానికి పునర్జీవం పోశరని వైద్య, ఆరోగ్య శాఖలో విప్లవాత్మక మార్పులు తీసుకు వచ్చి నారు అన్నారు.ఈ కార్యక్రమంలో వై.ఎస్.ఆర్.సి.పి విద్యార్థి విభాగం రాష్ట్ర కార్యదర్శి ఆవుల తులసి రామ్ యాదవ్, సోషల్ మీడియా ఇంచార్జ్ గుంజి రమేష్, పల్లంరెడ్డి రాజా రెడ్డి, మునగల వీరయ్య, ఉడత మధు ,బోయిన ఆది, వాలంటీర్లు మరియు గ్రామస్తులు పాల్గొన్నారు.

బుచ్చిరెడ్డిపాలెం వద్ద ముంబయి రహదారి పై రోడ్డు ప్రమాదం చోటుచేసుకుంది.

03-06-2020 బుచ్చిరెడ్డిపాలెం (పున్నమి విలేఖరి – జి.పి.ప్రవీణ్) బుచ్చిరెడ్డిపాలెం నగర శివారులో హెచ్ పి గ్యాస్ గౌడౌన్ సమీపంలో ముంబయి రహదారిపై రోడ్ ప్రమాదం చోటుచేసుకుంది. ఈ ప్రమాదంలో నెల్లూరు వైపు వెళ్తున్న లారీ(TN52H4519)మరియు సంగం వైపు వెళ్తున్న గూడ్స్ ఆటో(AP26TL3559)ఢీకొనడంతో ఆటో నుజ్జునుజ్జు కాగా, లారి ముందు వైపు స్వల్పంగా దెబ్బతింది. ఈ ప్రమాదంలో ఆటో డ్రైవరుకు తీవ్ర గాయాలయ్యాయి. స్థానికులు 108కు సమాచారం అందించిన వారు రాకపోవడంతో షుమారు 45నిమిషాలపాటు వేచిచూసి, చివరకు అటుగా వెళ్తున్న విద్యుత్ శాఖలో పనిచేసే ఉద్యోగి అతని ద్విచక్ర వాహనంపై ప్రదమ చికిత్స నిమిత్తం బుచ్చిరెడ్డిపాలెంలోని ప్రభుత్వ ఆసుపత్రికి తీసుకెళ్లారు. సమాచారం అందుకున్న బుచ్చి పోలీసులు సంఘటనా స్థలానికి చేరుకొని ప్రమాదానికి కారణాలను తెలుసుకొని, లారీని లారీ డ్రైవర్ ను అదుపులోకి తీసుకున్నారు.

అర్జున అవార్డు సిఫార్సు లో అమలాపురం క్రీడాకారుడి పేరు

తూర్పుగోదావరిజిల్లా అమలాపురానికి చెందిన బాడ్మింటన్ క్రీడాకారుడు సాత్విక్ సాయిరాజ్ పేరును అర్జున అవార్డుకు భారత బాడ్మింటన్ సంఘం సిఫార్సు చేసింది.

తూర్పుగోదావరిజిల్లా : పాసర్లపూడి, కొండాలమ్మ చింత సెంటర్ నందు పెదపట్నం లంక గ్రామస్తులు ధర్నా చేపట్టారు. కరోనా పాజిటివ్ గా నిర్ధారణ అయిన 15 ఏళ్ల యువతిని హోమ్ ఐసోలేషన్ కొరకు పెదపట్నంలంక తరలించేందుకు అధికారులు ఏర్పాట్లు చేశారు.దీనిని వ్యతిరేకిస్తూ గ్రామస్థులు ధర్నా చేపట్టారు. గత నెల 29వ తేదీన ముంబై నుంచి వచ్చిన నలుగురు సభ్యులకు కరోనా పరీక్షలు నిర్వహించగా వారిలో ముగ్గురికి నెగిటివ్ వచ్చింది. ఒక యువతికి పాజిటివ్ వచ్చింది. ఈ నలుగురు ప్రస్తుతం రావులపాలెం క్వారంటైన్ లో ఉన్నారు.