వార్త ముఖ్యాంశాలు
- ఎస్పీఎస్ఆర్ నెల్లూరు జిల్లా ఆగస్టు 20 ( పున్నమి ప్రతినిధి) మనుబోలు పోలీస్ స్టేషన్‌ను పరిశుభ్రంగా, క్రమపద్ధతిలో నిర్వహించాలని అదనపు ఎస్పీ సిహెచ్.
- సౌజన్య పోలీసు సిబ్బందిని ఆదేశించారు.
- బుధవారం ఆమె స్టేషన్‌ను ఆకస్మికంగా తనిఖీ చేసి పలు రికార్డులను పరిశీలించారు.
ఎస్పీఎస్ఆర్ నెల్లూరు జిల్లా ఆగస్టు 20 ( పున్నమి ప్రతినిధి)
మనుబోలు పోలీస్ స్టేషన్‌ను పరిశుభ్రంగా, క్రమపద్ధతిలో నిర్వహించాలని అదనపు ఎస్పీ సిహెచ్. సౌజన్య పోలీసు సిబ్బందిని ఆదేశించారు. బుధవారం ఆమె స్టేషన్‌ను ఆకస్మికంగా తనిఖీ చేసి పలు రికార్డులను పరిశీలించారు. రికార్డుల నిర్వహణపై సంతృప్తి వ్యక్తం చేశారు. అనంతరం లాకప్ గదిని పరిశీలించగా పదో తరగతి, ఇంటర్మీడియట్ పరీక్షలకు సంబంధించిన పేపర్లు ఉండటాన్ని గమనించి అసంతృప్తి వ్యక్తం చేశారు. అనధికారికంగా పేపర్లు, ఇతర వస్తువులను స్టేషన్‌లో ఉంచడం సరికాదన్నారు. మరోసారి ఇదే పరిస్థితి కనిపిస్తే బాధ్యులపై చర్యలు తీసుకుంటామని హెచ్చరించారు. ఈ తనిఖీలో సీఐ వెంకట్రావు, ఎస్సై మహమ్మద్ హనీఫ్, పోలీసు సిబ్బంది పాల్గొన్నారు.
