పల్నాడు

ఓబులేసునిపల్లె హత్య కేసులో నిందితుడి అరెస్ట్

దుర్గి: పల్నాడు జిల్లా దుర్గి మండలం ఓబులేసునిపల్లెలో జరిగిన కొమ్ము ఇమ్మానుయేలు హత్య కేసులో నిందితుడు కొమ్ము కుమార్ బాబును పోలీసులు అరెస్ట్ చేశారు. ఈ నెల 12న అర్ధరాత్రి ఇంటి ముందు నిద్రిస్తున్న ఇమ్మానుయేలుపై గొడ్డలితో దాడి చేసి హత్య చేసినట్లు పోలీసులు తెలిపారు. మృతుడి తండ్రి ఏసయ్య ఫిర్యాదుతో కేసు నమోదు చేశారు. గురువారం కారెంపూడి సీఐ ఆవుల భాస్కర్ నిందితుడిని అరెస్ట్ చేసి మాచర్ల ఏజేసీజే కోర్టులో హాజరుపరచగా, కోర్టు ఆదేశాలతో రిమాండ్‌కు తరలించారు. దుర్గి ఎస్‌ఐ గోపాల్, సిబ్బందిని ఉన్నతాధికారులు అభినందించారు.