శ్రీ పొట్టి శ్రీరాములు నెల్లూరు

నెల్లూరు జిల్లావ్యాప్తంగా వర్షాలు.. మనుబోలులో అత్యధికం

నెల్లూరు జిల్లాలోని 36 మండలాల్లో వర్షపాతం నమోదైంది. అక్టోబర్‌ 22 వర్షపాతం నివేదిక ప్రకారం జిల్లా సగటు 27.3 మిల్లీమీటర్లుగా ఉంది. మనుబోలులో అత్యధికంగా 66.2 మిల్లీమీటర్లు కురవగా, సీతారామపురంలో అత్యల్పంగా 5.2 మిల్లీమీటర్లు నమోదయ్యాయి. పొదలకూరులో 53.8, జలదంకిలో 50.8, చేజర్లలో 48.2, విడవలూరులో 47.2 మిల్లీమీటర్ల వర్షపాతం నమోదైంది. నెల్లూరు రూరల్‌లో 25.8, నగరంలో 7.2 మిల్లీమీటర్లు కురిసింది. తాజా వర్షాలు కురిసినా జిల్లాలో వర్షపాతం లోటు కొనసాగుతోంది. అక్టోబర్‌ 22 నాటికి ఈ నెల సాధారణ వర్షపాతం 171.8 మిల్లీమీటర్లు కాగా, 117.6 మిల్లీమీటర్లే నమోదైంది. దీంతో నెలలో లోటు 31.5 శాతంగా ఉంది. జూన్‌ నుంచి ఇప్పటివరకు లోటు 39.8 శాతానికి చేరింది. ఈ కాలానికి సంబంధించి 30 మండలాల్లో లోటు, మర్రిపాడు, వరికుంటపాడులో తీవ్ర లోటు నమోదైంది.