Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Nellore Rural

శ్రీ పొట్టి శ్రీరాములు నెల్లూరు

నెల్లూరు రూరల్‌లో ₹857 కోట్ల అభివృద్ధి: కోటంరెడ్డి

కూటమి ప్రభుత్వ హయాంలో నెల్లూరు రూరల్ నియోజకవర్గంలో రూ.857 కోట్లతో అభివృద్ధి పనులు చేపట్టినట్లు ఎమ్మెల్యే కోటంరెడ్డి శ్రీధర్ రెడ్డి తెలిపారు. రూరల్ ఎమ్మెల్యే కార్యాలయంలో బుధవారం నిర్వహించిన విలేకరుల సమావేశంలో ఆయన మాట్లాడారు. రూరల్ పరిధిలోని 36 డివిజన్లకు రూ.109 కోట్లు మంజూరయ్యాయని, వీటితో 625 అభివృద్ధి పనులు త్వరలో ప్రారంభిస్తామని చెప్పారు. త్వరలో నెల్లూరు నగర కార్పొరేషన్‌కు మరో రూ.300 కోట్ల నిధులు తీసుకురావడానికి మంత్రి నారాయణ ప్రయత్నిస్తున్నారని పేర్కొన్నారు. ఆమంచర్లలో పారిశ్రామికవాడకు 500 ఎకరాలు, నరసింహకొండకు కేంద్ర నిధుల సాధనలో కలెక్టర్ హిమాన్షు శుక్లా సహకారం కీలకమన్నారు. స్థానిక ఎన్నికల్లో కూటమికి మద్దతివ్వాలని ప్రజలను కోరారు.

శ్రీ పొట్టి శ్రీరాములు నెల్లూరు

బీసీ, అంబేద్కర్, జగ్జీవన్‌రామ్ భవనాల పనుల పరిశీలన

నెల్లూరు రూరల్ నియోజకవర్గ పరిధిలోని బీసీ భవన్, అంబేద్కర్ భవన్, బాబు జగ్జీవన్‌రామ్ భవనాల నిర్మాణ పనులను ఎమ్మెల్సీ బీద రవిచంద్ర, జిల్లా కలెక్టర్ హిమాన్షు శుక్ల, టీడీపీ రాష్ట్ర అధికార ప్రతినిధి కోటంరెడ్డి గిరిధర్‌రెడ్డి పరిశీలించారు. ఈ సందర్భంగా బీద రవిచంద్ర మాట్లాడుతూ బీసీ భవన్ నిర్మాణానికి మంత్రి నారాయణ, రాజ్యసభ సభ్యుడు బీద మస్తాన్‌రావు చెరో రూ.కోటి అందించడం సంతోషకరమన్నారు. ఈ నెల 22న బీసీ భవన్ పనులు, అక్టోబర్‌లో అంబేద్కర్ భవన్ పనులు పునఃప్రారంభిస్తామని తెలిపారు. అన్ని జిల్లా కేంద్రాల్లో సంబంధిత భవనాలను పూర్తిచేయాలని ముఖ్యమంత్రి చంద్రబాబు ఆదేశించినట్లు కలెక్టర్ హిమాన్షు శుక్ల తెలిపారు. కార్యక్రమంలో బీసీ, ఎస్సీ నాయకులు పాల్గొన్నారు.