Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Breaking

శ్రీ పొట్టి శ్రీరాములు నెల్లూరు

ఇందుపూరు జనసేన పార్టీ ఎంపీటీసీ అభ్యర్థిగా కోడూరు యమున గారు నామినేషన్

​అల్లూరు: స్థానిక సంస్థల ఎన్నికలలో భాగంగా అల్లూరు మండలం,ఇందుపూరు ఎంపీటీసీ స్థానానికి జనసేన పార్టీ అభ్యర్థిగా కోడూరు యమున గారు గురువారం నామినేషన్ దాఖలు చేశారు. ​జనసేన పార్టీ అధినేత పవన్ కళ్యాణ్ ఆదేశాల మేరకు, కూటమి భాగస్వామ్య పక్షాలైన తెలుగుదేశం, జనసేన, బీజేపీ నాయకుల సహకారంతో ఈ నామినేషన్ కార్యక్రమాన్ని నిర్వహించినట్లు కావలి జనసేన పార్టీ సమన్వయకర్త శ్రీ మన్నెమాల సుకుమార్ రెడ్డి గారు తెలిపారు. ఈ సందర్భంగా సుకుమార్ రెడ్డి మాట్లాడుతూ స్థానిక ఎమ్మెల్యే కావ్య కృష్ణారెడ్డి గారు , నెల్లూరు జిల్లా తెలుగుదేశం పార్టీ అధ్యక్షులు, ఎమ్మెల్సీ బీదా రవిచంద్ర గారు , సీనియర్ నాయకులు బీదా గిరిధర్ గారు , అల్లూరు మండల కన్వీనర్ బండి శ్రీనివాసులుగారు , పలగాడి శ్రీనివాసులు గారు తదితరుల సహకారంతో ఈ నామినేషన్ దాఖలు చేసినట్లు తెలిపారు. గత 15 సంవత్సరాలుగా విశ్వసనీయత, విలువలు, నిజాయితీతో పనిచేసిన కోడూరు సాధక్ రెడ్డి గారు , కోడూరు హరికుమార్ రెడ్డి గారు ల కుటుంబానికి అల్లూరు మండలంలో మంచి పేరు ఉందన్నారు. కూటమి భాగస్వామ్య పక్షాలైన జనసేన, తెలుగుదేశం, బీజేపీ నాయకులు, కార్యకర్తలు కలసికట్టుగా పనిచేసి కోడూరు యమున గారిని అత్యధిక మెజార్టీతో గెలిపించి పవన్ కళ్యాణ్‌ గారికి బహుమతిగా అందిస్తామని ధీమా వ్యక్తం చేశారు. ఈ కార్యక్రమంలో జనసేన నాయకులు, కార్యకర్తలు, అభిమానులు పాల్గొన్నారు.

శ్రీ పొట్టి శ్రీరాములు నెల్లూరు

దగదర్తి ఎంపీటీసీగా మాలేపాటి భవాని నామినేషన్

దగదర్తి బిట్-1 ఎంపీటీసీ స్థానానికి దివంగత మాలేపాటి సుబ్బానాయుడు సతీమణి మాలేపాటి భవాని నామినేషన్ దాఖలు చేశారు. ఆమె తన కుమారుడు లోకేష్‌తో కలిసి నామినేషన్ కేంద్రానికి చేరుకుని అధికారులకు పత్రాలు సమర్పించారు. రానున్న స్థానిక సంస్థల ఎన్నికల్లో ఎంపీపీ అభ్యర్థిగా బరిలో నిలిచేందుకు భవాని సిద్ధమవుతున్నట్లు సమాచారం. ఆమె నామినేషన్‌తో దగదర్తి మండలంలో రాజకీయంగా ఆసక్తి నెలకొంది.

శ్రీ పొట్టి శ్రీరాములు నెల్లూరు

దగదర్తి ఎంపీడీవో కార్యాలయంలో నామినేషన్ల కేంద్రం వద్ద పోలీస్ పటిష్ట భద్రత

నెల్లూరు జిల్లా దగదర్తి మండలంలో స్థానిక సంస్థల ఎన్నికల నామినేషన్ల ప్రక్రియ నేపథ్యంలో పోలీసులు పటిష్ట భద్రతా ఏర్పాట్లు చేపట్టారు. నామినేషన్ల కేంద్రం వద్ద ఎలాంటి అవాంఛనీయ సంఘటనలు చోటుచేసుకోకుండా ముందస్తు జాగ్రత్తలు తీసుకున్నారు. ఎంపీడీవో కార్యాలయం పరిసరాల్లో పోలీసుల బందోబస్తు ఏర్పాటు చేయడంతో పాటు, నామినేషన్ల ప్రక్రియ ప్రశాంతంగా జరిగేలా చర్యలు చేపట్టారు. ప్రధాన రహదారిపై బారికేడ్లు ఏర్పాటు చేసి, కార్యాలయానికి వచ్చే అభ్యర్థులు, ప్రజల రాకపోకలను నియంత్రిస్తున్నారు. ఎన్నికల ప్రక్రియ సజావుగా సాగేందుకు అధికారులు, పోలీసులు సమన్వయంతో వ్యవహరిస్తున్నారు. ప్రజలు, రాజకీయ పార్టీల నాయకులు ఎన్నికల నిబంధనలను పాటిస్తూ పోలీసులకు సహకరించాలని అధికారులు సూచిస్తున్నారు.

శ్రీ పొట్టి శ్రీరాములు నెల్లూరు

ఎన్నికల విధులను బాధ్యతగా నిర్వహించాలి..రిటర్నింగ్ అధికారి సి.హెచ్. నాగరాజు

ఎన్నికల విధులను బాధ్యతగా నిర్వహించాలి..రిటర్నింగ్ అధికారి సి.హెచ్. నాగరాజు దగదర్తి మండలం లో స్థానిక జెడ్పీ టీసీ,ఎంపీటీసీ ఎన్నికలను ప్రశాంత వాతావరణంలో సజావుగా నిర్వహించేందుకు అందరూ అధికారులు బాధ్యతతో విధులు నిర్వహించాలని ఎన్నికల రిటర్నింగ్ అధికారి శ్రీ సి. హెచ్. నాగరాజు కోరారు.మంగళవారం మండలంలోని ఎంపీడీవో కార్యాలయం నందు ఎన్నికలకు నియమించిన అధికారులతో సన్నాహక సమావేశం నిర్వహించిన సందర్భంగా ఆయన మాట్లాడుతూ జిల్లా పరిషత్,మండల పరిషత్ లకు ఎన్నికల నోటిఫికేషన్ విడుదలైందని,ఈ నెల 21 నుండి 23 వరకు ఉదయం 10.30 నుండి సాయంత్రం 5.00 లోగా నామినేషన్ ప్రక్రియ కొనసాగుతుందన్నారు.మండల కేంద్రంలోని మండల పరిషత్ కార్యాలయం నందు ఏర్పాటుచేసిన కేంద్రం నందు రాష్ట్ర ఎన్నికల సంఘం నియమ నిబంధనల ప్రకారం అభ్యర్ధులు తమ నామినేషన్ పత్రాలను దాఖలు చేయవచ్చని తెలిపారు.ఎన్నికలు ముగిసేంత వరకు మండలంలో కోడ్ అమల్లో ఉంటుందని,ప్రచారానికి ముందస్తు అనుమతి తప్పనిసరి అని పేర్కొన్నారు.జోనల్ టీమ్,రూట్ అధికారులు,యం సీ సీ టీమ్,మండల శిక్షకులు,పంచాయతీ కార్యదర్శులు అందరూ వారికి కేటాయించిన విధులను ఎన్నికల ప్రవర్తన నియమావళి ప్రకారం సక్రమంగా నిర్వర్తించాలని తెలిపారు. ఈ సమావేశంలో మండల పరిషత్ అభివృద్ధి అధికారి శ్రీమతి సి. హెచ్. శ్రీదేవి,తహసిల్దార్ లాజరస్ , ఎస్. ఐ. మహేంద్ర ,వివిధ శాఖల అధికారులు,పంచాయతీ కార్యదర్శులు పాల్గొన్నారు.

శ్రీ పొట్టి శ్రీరాములు నెల్లూరు

కొత్తసత్రంలో శ్రీ వేంకటేశ్వరస్వామి ఆలయంలో ఘనంగా నవరాత్రి ఉత్సవాలులో ముఖ్యఅతిథిగామన్నెమాల సుకుమార్ రెడ్డి

నెల్లూరు జిల్లా, కావలి రూరల్ మండలం కొత్తసత్రం గ్రామంలోని శ్రీ వేంకటేశ్వర స్వామి దేవస్థానంలో నవరాత్రి ఉత్సవాలు ఎంతో వైభవంగా, ఆధ్యాత్మిక వాతావరణంలో జరుగుతున్నాయి. ​ఉత్సవాల్లో భాగంగా మంగళవారం నిర్వహించిన భారీ అన్నదాన కార్యక్రమానికి గ్రామ కాపులు, మత్స్యకారుల పిలుపుమేరకు కావలి జనసేన పార్టీ సమన్వయకర్త (ఇన్ఛార్జ్) శ్రీ మన్నెమాల సుకుమార్ రెడ్డి గారు ముఖ్య అతిథిగా హాజరయ్యారు. ​ముందుగా గ్రామానికి విచ్చేసిన సుకుమార్ రెడ్డి గారికి స్థానిక మహిళలు మంగళ హారతులతో, పూర్ణకుంభంతో ఘన స్వాగతం పలికారు. అనంతరం ఆయన దేవాలయంలో స్వామివారిని దర్శించుకుని, ప్రత్యేక పూజలు నిర్వహించి స్వామివారి తీర్థప్రసాదాలు స్వీకరించారు. అనంతరం ఆలయ ప్రాంగణంలో ఏర్పాటు చేసిన అన్నదాన కార్యక్రమాన్ని ఆయన చేతుల మీదుగా ప్రారంభించారు. ​ఈ సందర్భంగా సుకుమార్ రెడ్డి గారు గ్రామ కాపులు, మత్స్యకార సోదరులతో కొద్దిసేపు ముచ్చటించి వారి కుశలప్రశ్నలు అడిగి తెలుసుకున్నారు. గ్రామంలో నవరాత్రి ఉత్సవాలను అత్యంత భక్తిశ్రద్ధలతో, అందరూ కలిసికట్టుగా నిర్వహించడం అభినందనీయమని ఆయన కొనియాడారు. స్వామివారి ఆశీస్సులు గ్రామంలోని ప్రతి కుటుంబానికి ఎల్లప్పుడూ ఉండాలని ఆకాంక్షించారు. ​ఈ కార్యక్రమంలో స్థానిక గ్రామ కాపులు , మత్స్యకార నాయకులు, జనసేన పార్టీ నాయకులు, కార్యకర్తలు, గ్రామ ప్రజలు పాల్గొన్నారు.

శ్రీ పొట్టి శ్రీరాములు నెల్లూరు

మనుబోలుపాడులో దాడికి గురైన జనసైనికుడు సుబ్బారావును పరామర్శించిన అళహరి సుధాకర్

దగదర్తి మండలం మనుబోలుపాడుకు చెందిన 62 ఏళ్ల జనసైనికుడు పాలమాని సుబ్బారావుపై అదే గ్రామానికి చెందిన కేదారి సురేష్, కేదారి రమేష్‌లు పొలం వద్ద దాడి చేసినట్లు ఆరోపణలు వచ్చాయి. ఈ దాడిలో కొడవలి, గడ్డపారతో కొట్టడంతో సుబ్బారావు పైపెదవికి తీవ్ర గాయమైందని, మోకాలి ఎముక విరిగిందని సమాచారం. విషయం తెలుసుకున్న జనసేన పార్టీ కావలి నియోజకవర్గ ఇన్‌చార్జి అళహరి సుధాకర్ ఆసుపత్రికి వెళ్లి సుబ్బారావును పరామర్శించారు. వైద్యులతో మాట్లాడి ఆయన ఆరోగ్య పరిస్థితిని అడిగి తెలుసుకున్నారు. బాధితుడికి మెరుగైన వైద్యం అందించాలని వైద్యులకు విజ్ఞప్తి.. నిందితులపై చర్యలు తీసుకోవాలని పోలీసులకు వినతి మోకాలి శస్త్రచికిత్సను జాగ్రత్తగా నిర్వహించి, బాధితుడు త్వరగా కోలుకునేలా మెరుగైన వైద్యం అందించాలని వైద్యులను కోరారు. అనంతరం సీఐతో మాట్లాడి, ఘటనపై సమగ్ర విచారణ జరిపి బాధ్యులపై చట్టపరమైన చర్యలు తీసుకోవాలని విజ్ఞప్తి చేశారు. జనసేన, లీగల్ సెల్ తరఫున అడ్వకేట్ సర్దార్‌ను సంప్రదించి, బాధితుడికి న్యాయం జరిగేలా చర్యలు తీసుకోవాలని కోరారు. ఘటనపై కేసు నమోదు చేసి, విచారణ ద్వారా నిందితులపై చట్ట ప్రకారం చర్యలు తీసుకునే ప్రక్రియ కొనసాగుతోందని తెలిపారు. ఈ సందర్భంగా సాధు శ్రీధర్, జనసేన రాష్ట్ర మత్స్యకార కార్యదర్శి కోడింగారి శ్రీనివాసులు, అల్లూరు మండలంలో తెలియని బాబాయ్ తదితరులు బాధితుడిని పరామర్శించారు.

శ్రీ పొట్టి శ్రీరాములు నెల్లూరు

దగదర్తి మండలం చెన్నూరు గ్రామంలో ఘనంగా విజయదశమి వేడుకలు

చెన్నూరు: విజయదశమి పర్వదినాన్ని పురస్కరించుకుని చెన్నూరు గ్రామంలో అమ్మవారికి ప్రత్యేక పూజలు భక్తిశ్రద్ధలతో నిర్వహించారు. ఈ సందర్భంగా ఆలయంలో అమ్మవారిని ప్రత్యేకంగా అలంకరించి, వేదమంత్రాలు, సంప్రదాయ పూజా కార్యక్రమాలతో భక్తులు అమ్మవారిని దర్శించుకుని మొక్కులు చెల్లించుకున్నారు. విజయదశమి సందర్భంగా నిర్వహించిన ప్రత్యేక పూజల్లో గ్రామ ప్రజలు, భక్తులు పెద్ద సంఖ్యలో పాల్గొని అమ్మవారి ఆశీస్సులు పొందారు. అనంతరం అన్నదాన కార్యక్రమాన్ని నిర్వహించారు. ఈ కార్యక్రమంలో భక్తులకు అన్నప్రసాదాన్ని పంపిణీ చేశారు. గ్రామంలో ఆధ్యాత్మిక వాతావరణం నెలకొనగా, భక్తులు అమ్మవారి కృపతో గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని ప్రార్థించారు. విజయదశమి వేడుకలు భక్తుల సందడి మధ్య ఘనంగా జరిగాయి.

శ్రీ పొట్టి శ్రీరాములు నెల్లూరు

దగదర్తి ఎస్సై మహేంద్ర ఆధ్వర్యంలో కార్డన్ సెర్చ్‌.. త్రిశూల్ కార్యక్రమంపై అవగాహన

నెల్లూరు జిల్లా దగదర్తి మండలంలోని ఎస్సీ కాలనీలో దగదర్తి పోలీస్ స్టేషన్ ఎస్సై మహేంద్ర ఆధ్వర్యంలో పోలీసులు కార్డన్ సెర్చ్ నిర్వహించారు. ఈ సందర్భంగా కాలనీలోని పరిసరాలను పరిశీలించి, ప్రజలకు భద్రతపై అవగాహన కల్పించారు. త్రిశూల్ కార్యక్రమంపై అవగాహన జిల్లా పోలీస్ శాఖ చేపట్టిన ఆపరేషన్ త్రిశూల్ (Operation Trishul) కార్యక్రమంలో భాగంగా మాదకద్రవ్యాల నిర్మూలన, మహిళల భద్రత, రోడ్డు ప్రమాదాల నివారణపై ప్రజలకు అవగాహన కల్పించారు. మాదకద్రవ్యాల నిర్మూలన: గంజాయి, ఇతర మత్తు పదార్థాలకు దూరంగా ఉండాలని సూచించారు. మహిళల భద్రత: మహిళల పట్ల వేధింపులకు పాల్పడకుండా, మహిళల రక్షణకు ప్రతి ఒక్కరూ సహకరించాలని తెలిపారు. రోడ్డు భద్రత: ట్రాఫిక్ నిబంధనలు పాటిస్తూ, హెల్మెట్ ధరించి వాహనాలు నడపాలని సూచించారు. ప్రజల భద్రతే పోలీసుల లక్ష్యం ప్రజలు అప్రమత్తంగా ఉండాలని, గ్రామాల్లో అనుమానాస్పద వ్యక్తులు లేదా కార్యకలాపాలు కనిపిస్తే పోలీసులకు సమాచారం అందించాలని సూచించారు. శాంతిభద్రతల పరిరక్షణకు ప్రజలు పోలీసులకు సహకరించాలని కోరారు

శ్రీ పొట్టి శ్రీరాములు నెల్లూరు

రంగసముద్రం గ్రామం నడిబొడ్డున ప్రమాదకరంగా బావి!

ప్రమాదం జరగకముందే అధికారులు స్పందించాలి.. ప్రజల భద్రతకు చర్యలు తీసుకోవాలి! రంగసముద్రం గ్రామం నడిబొడ్డున ప్రమాదకర స్థితిలో ఉన్న బావి.. ఎప్పుడు ఏ ప్రమాదం జరుగుతుందోనని ఆందోళన! నెల్లూరు జిల్లా దగదర్తి మండలం రంగసముద్రం గ్రామంలో ఊరి మధ్యలో ఉన్న బావి ప్రమాదకర స్థితిలో ఉన్నట్లు తెలుస్తోంది. గ్రామం నడిబొడ్డున ఉండటంతో అటుగా వెళ్లే ప్రజలు, చిన్నారులకు ప్రమాదం పొంచి ఉందనే ఆందోళన వ్యక్తమవుతోంది. ⚠️ ప్రమాదం జరగకముందే చర్యలు తీసుకోవాలి! గ్రామంలో ప్రజలు నిత్యం రాకపోకలు సాగించే ప్రాంతంలో బావి ప్రమాదకరంగా ఉండటం ఆందోళన కలిగిస్తోంది. సంబంధిత అధికారులు వెంటనే స్పందించి బావి పరిస్థితిని పరిశీలించాలని గ్రామస్థులు కోరుతున్నారు. బావి చుట్టూ పటిష్టమైన రక్షణ గోడ ఏర్పాటు చేయడంతో పాటు, ప్రమాద సూచిక బోర్డులు ఏర్పాటు చేయాలని కోరుతున్నారు. అవసరమైతే బావిని సురక్షితంగా మూసివేయడానికి తగిన చర్యలు తీసుకోవాలని విజ్ఞప్తి చేస్తున్నారు. 📢 అధికారుల దృష్టికి గ్రామస్థుల విజ్ఞప్తి ఏదైనా ప్రమాదం జరిగిన తర్వాత స్పందించడం కంటే.. ప్రమాదం జరగకముందే నివారణ చర్యలు తీసుకోవడం అవసరం. రంగసముద్రం గ్రామంలోని బావి పరిస్థితిపై పంచాయతీ అధికారులు, సంబంధిత శాఖల అధికారులు తక్షణమే స్పందించి ప్రజల భద్రతకు ప్రాధాన్యత ఇవ్వాలని కోరుతున్నారు. ప్రజల ప్రాణ భద్రతే ముఖ్యం.. అధికారులు వెంటనే స్పందిస్తారా?

శ్రీ పొట్టి శ్రీరాములు నెల్లూరు

నందిపాడు సెంటర్‌లో తప్పిన పెను ప్రమాదం

నందిపాడు అక్టోబర్ 10-2026(పున్నమి ప్రతినిధి ) దుత్తలూరు మండలం, నందిపాడు సెంటర్‌లో రోడ్డు ప్రమాదం తృటిలో తప్పింది. బద్వేల్ వైపు వెళ్తున్న కారును, దుత్తలూరు వైపు వేగంగా వెళ్తున్న బత్తాయి లారీ ఢీకొట్టినట్లు సమాచారం. వేగంగా వచ్చిన లారీ ముందుగా రోడ్డు మధ్యలోని స్పీడ్ డివైడర్‌ను ఢీకొట్టి, అనంతరం కారును ఢీకొట్టింది. ఈ ఘటనలో కారు తీవ్రంగా దెబ్బతింది. ప్రమాదం జరిగిన తర్వాత లారీని ఆపకుండా వెళ్లడంతో సంబంధిత పోలీసులకు సమాచారం అందించారు. దీంతో దుత్తలూరు పోలీసులు లారీని అదుపులోకి తీసుకున్నట్లు సమాచారం. ఈ ఘటనతో నందిపాడు సెంటర్‌లో వాహనాల వేగ నియంత్రణ, రోడ్డు భద్రతపై స్థానికులు ఆందోళన వ్యక్తం చేస్తున్నారు.