చిత్తూరు
సతీసమేతంగా తిరుమల శ్రీవారిని దర్శించుకున్న పలమనేరు ఎమ్మెల్యే అమరనాథరెడ్డి
నియోజకవర్గ ప్రజలందరిపై శ్రీవారి కృపాకటాక్షాలు ఉండాలని ప్రత్యేక పూజలు కథనం: తిరుమల, అక్టోబర్ 08 (పున్నమి న్యూస్ ప్రతినిధి): కలియుగ ప్రత్యక్ష దైవం తిరుమల శ్రీ వేంకటేశ్వర స్వామి వారిని పలమనేరు శాసనసభ్యులు ఎన్. అమరనాథరెడ్డి గురువారం ఉదయం సతీసమేతంగా దర్శించుకున్నారు. ఆలయానికి చేరుకున్న ఆయనకు టీటీడీ అధికారులు సాదర స్వాగతం పలికి ప్రత్యేక దర్శన ఏర్పాట్లు చేశారు. స్వామివారి దర్శనానంతరం రంగనాయకుల మండపంలో వేద పండితులు ఆయనకు వేదాశీర్వచనం చేయగా, అధికారులు శ్రీవారి శేషవస్త్రం, తీర్థప్రసాదాలను అందజేశారు. అనంతరం ఆలయం వెలుపల ఎమ్మెల్యే అమరనాథరెడ్డి మాట్లాడుతూ.. శ్రీవారి కృపాకటాక్షాలతో పలమనేరు నియోజకవర్గ ప్రజలందరూ ఆయురారోగ్యాలు, సుఖశాంతులతో వర్ధిల్లాలని, ప్రాంతం అన్ని విధాలా అభివృద్ధి పథంలో ముందుకు సాగాలని స్వామివారిని మనస్ఫూర్తిగా ప్రార్థించినట్లు తెలిపారు.
bhanuprasad4579galla- October 8, 2026
- 0 Comments
- 20 Views
-
