Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: కలెక్టర్

నంద్యాల

రేపు పాములపాడులో ‘ప్రజా సమస్యల పరిష్కార వేదిక’

నంద్యాల :ప్రజా సమస్యల క్షేత్రస్థాయి పరిష్కారం కోసం చేపట్టిన ‘వన్ మంత్‌–ఫోర్‌ విజిట్‌’లో భాగంగా ఈ నెల 28న పాములపాడు ఎంపీడీవో కార్యాలయంలో ‘ప్రజా సమస్యల పరిష్కార వేదిక’ నిర్వహించనున్నట్లు కలెక్టర్ జి. రాజకుమారి తెలిపారు.ఈ కార్యక్రమంలో కలెక్టర్‌తో పాటు నందికొట్కూరు ఎమ్మెల్యే జి. జయసూర్య పాల్గొని, పాములపాడు, కొత్తపల్లె మండలాల ప్రజల నుంచి ఫిర్యాదులు, వినతులు స్వీకరించనున్నారు. వివిధ సంక్షేమ, అభివృద్ధి పనులపై వచ్చే అర్జీలను జిల్లా, మండల స్థాయి అధికారులతో సమీక్షించి పరిష్కరిస్తారని పేర్కొన్నారు. రెండు మండలాల ప్రజలు ఈ అవకాశాన్ని సద్వినియోగం చేసుకోవాలని కలెక్టర్ కోరారు.

నంద్యాల

అర్జీల పరిష్కారంలో ఆలస్యం వద్దు: కలెక్టర్ జి. రాజకుమారి గనియా

నంద్యాల:ప్రజా పరిష్కార వేదికలో స్వీకరించిన అర్జీలను నిర్ణీత గడువులోగా పరిష్కరించాలని జిల్లా కలెక్టర్ జి. రాజకుమారి అధికారులను ఆదేశించారు. సోమవారం కలెక్టరేట్‌లో నిర్వహించిన సమీక్షలో ఆమె మాట్లాడుతూ… జిల్లాలో 4,543 పీజీఆర్‌ఎస్‌ ఫిర్యాదులు పెండింగ్‌లో ఉండటంపై, 76 అర్జీలు పునరుద్ధరణ (రీ-ఓపెన్) కావడంపై తీవ్ర అసంతృప్తి వ్యక్తం చేశారు.ముఖ్యంగా ఆత్మకూరు పరిధిలో 527, నంద్యాల పరిధిలో 591 రీ-ఓపెన్ అర్జీలు ఉన్నాయని, అధికారుల నుంచి సమగ్ర సమాధానం రాకపోవడం వల్లే ఇవి తిరిగి వస్తున్నాయని స్పష్టం చేశారు. వచ్చే వారంలోగా పెండింగ్ అర్జీలన్నింటినీ తక్షణమే పరిష్కరించాలని సూచించారు.అలాగే భూ సమస్యల పరిష్కారం కోసం నిర్వహిస్తున్న ‘రెవెన్యూ క్లినిక్స్’ ద్వారా 160 దరఖాస్తులు అందాయని, వాటిని కూడా త్వరితగతిన పరిష్కరించాలని అధికారులకు ఆదేశాలు జారీ చేశారు.

నంద్యాల

జలధార’ పనులను త్వరగా పూర్తి చేయాలి: కలెక్టర్

నంద్యాల జిల్లాలో చేపడుతున్న జలధార–జలహారతి పనులను వేగవంతం చేసి నిర్దేశిత గడువులోగా పూర్తి చేయాలని జిల్లా కలెక్టర్ రాజకుమారి గణియా అధికారులను ఆదేశించారు. ఆత్మకూరు, నంద్యాల, బండి ఆత్మకూరు, గోస్పాడు, మిత్తూర్ మండలాల్లో పనుల పురోగతి మందగించడంపై ఆమె అసంతృప్తి వ్యక్తం చేశారు. గ్రామీణ ప్రాంతాల్లో తాగునీటి ఎద్దడి తలెత్తకుండా ముందస్తు చర్యలు చేపట్టాలని, రెండో విడత పనుల ఫొటోలను వెంటనే యాప్‌లో నమోదు చేయాలని స్పష్టం చేశారు.

నంద్యాల

ఓటర్ల జాబితా సవరణ ప్రక్రియ పరిశీలన

నంద్యాల జిల్లాలో ప్రత్యేక సమగ్ర ఓటర్ల జాబితా సవరణ (SIR) ప్రక్రియను ఎలక్టోరల్ రోల్ అబ్జర్వర్ పి. ప్రశాంతి పరిశీలించనున్నట్లు జిల్లా కలెక్టర్ రాజకుమారి గణియా తెలిపారు. ఈ నెల 25న ఆళ్లగడ్డ, శ్రీశైలం, నంద్యాల నియోజకవర్గాల్లో క్షేత్రస్థాయి పరిశీలన అనంతరం రాజకీయ పార్టీల ప్రతినిధులతో సమావేశం నిర్వహిస్తారు. 26న అధికారులతో సమీక్ష జరిపి ఓటర్ల జాబితా సవరణపై సూచనలు చేయనున్నారు.ఓటర్ల జాబితా నమోదు, సవరణల అధికారిక వివరాలు మరియు సమాచారం కోసం ఆంధ్రప్రదేశ్ సీఈఓ పోర్టల్ లేదా ఈసీఐ ఓటర్ సర్వీసెస్ పోర్టల్ ని చూడవచ్చు.

నంద్యాల

SIR నోటీసుల పంపిణీ 100% పూర్తి చేయాలి

నంద్యాల : ప్రత్యేక సమగ్ర ఓటర్ల జాబితా సవరణ (SIR-2026)లో పెండింగ్‌లో ఉన్న నోటీసులను 100 శాతం పంపిణీ చేయాలని జిల్లా కలెక్టర్ రాజకుమారి గణియా అధికారులను ఆదేశించారు. ఆరు నియోజకవర్గాల్లో 80,283 నోటీసులు జనరేట్ కాగా, 73,789 పంపిణీ అయ్యాయి. మరో 6,494 నోటీసులు పెండింగ్‌లో ఉన్నాయి. ఇప్పటివరకు 19,490 విచారణలు పూర్తయ్యాయని తెలిపారు. ఫారం-6,7,8 దరఖాస్తులను త్వరగా పరిష్కరించి, SIR ప్రక్రియను నిర్ణీత గడువులో పూర్తి చేయాలని సూచించారు.

నంద్యాల

ప్రజా సమస్యల పరిష్కార వేదిక నేడు

నంద్యాల : జిల్లా ప్రజల సమస్యలను సత్వరంగా పరిష్కరించేందుకు ఆగస్టు 17న (సోమవారం) ప్రజా సమస్యల పరిష్కార వేదిక (PGRS) నిర్వహిస్తున్నట్లు జిల్లా కలెక్టర్ జి. రాజకుమారి తెలిపారు.జిల్లా కలెక్టరేట్‌తో పాటు ఆర్డీవో, మండల పరిషత్, మున్సిపల్ కార్యాలయాల్లో ఉదయం 10 గంటల నుంచి ప్రజల నుంచి వినతిపత్రాలు స్వీకరిస్తారు. ప్రజలు నేరుగా అర్జీలు సమర్పించడంతో పాటు meekosam.ap.gov.in ద్వారా ఆన్‌లైన్‌లో ఫిర్యాదులు నమోదు చేసుకోవచ్చని కలెక్టర్ తెలిపారు.అర్జీల పరిష్కార స్థితిని వెబ్‌సైట్ లేదా టోల్‌ఫ్రీ 1100 ద్వారా తెలుసుకోవచ్చన్నారు. జిల్లా స్థాయి కార్యక్రమానికి అన్ని శాఖల అధికారులు తప్పనిసరిగా హాజరై ప్రజల సమస్యల పరిష్కారానికి తక్షణ చర్యలు తీసుకోవాలని ఆదేశించారు.

News ఆంధ్రప్రదేశ్ విశాఖపట్నం

పింఛ‌నుతో పాటు మామిడిపండ్ల‌ను అంద‌జేసిన‌ జిల్లా క‌లెక్ట‌ర్*

విశాఖ‌ప‌ట్ట‌ణం, జూన్ 01 ః రాష్ట్ర ప్ర‌భుత్వ అత్యంత ప్ర‌తిష్టాత్మ‌కంగా అమ‌లు చేస్తున్న ఎన్టీఆర్ భ‌రోసా సామాజిక పింఛ‌న్ల పంపిణీ కార్య‌క్ర‌మంలో జిల్లా క‌లెక్ట‌ర్ ఎం. అభిషిక్త్ కిశోర్ భాగ‌స్వామ్య‌మ‌య్యారు. సోమ‌వారం ఉద‌యం జ్ఞానాపురం వ‌ద్ద‌ ప‌లువురు వృద్ధుల‌కు, విక‌లాంగుల‌కు, వితంతువుల‌కు స్థానిక ప్ర‌జా ప్ర‌తినిధులు, అధికారుల‌తో క‌లిసి పింఛ‌న్ల మొత్తాన్ని అంద‌జేశారు. అలాగే జ్ఞానాపురంలో ఓ వితంతు మ‌హిళ‌కు రూ.4,000 పింఛ‌ను సొమ్ముతో పాటు మామిడి పండ్ల‌ను కూడా క‌లెక్ట‌ర్ అందించారు. దీనిపై ఆమె హ‌ర్షం వ్య‌క్తం చేశారు. జిల్లాలోని అన్ని ప్రాంతాల్లో పింఛ‌న్ల పంపిణీ క్ర‌తువు గురించి అడిగి తెలుసుకున్న ఆయ‌న‌ ఎవరికీ ఎలాంటి ఇబ్బంది లేకుండా ప్ర‌క్రియ‌ను స‌జావుగా నిర్వ‌హించాల‌ని ఈ సంద‌ర్భంగా డీఆర్డీఏ, యూసీడీ పీడీల‌ను ఆదేశించారు. జ్ఞానాపురం వ‌ద్ద జ‌రిగిన కార్య‌క్రమంలో డీఆర్డీఏ పీడీ ల‌క్ష్మీప‌తి, జీవీఎంసీ సీఎంవో న‌రేశ్ కుమార్, జడ్సీ మ‌ల్ల‌య్య‌నాయుడు, స్థానిక ప్ర‌జా ప్ర‌తినిధులు, స‌చివాల‌య ఉద్యోగులు పాల్గొన్నారు