Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: అనకాపల్లి

అనకాపల్లి

నిరుద్యోగ యువత కోసం గ్రంథాలయాలకు పోటీ పరీక్షల పుస్తకాలు

నిరుద్యోగ యువత కోరిక మేరకు ఉమ్మడి విశాఖ జిల్లా గ్రంథాలయ సంస్థ ఆధ్వర్యంలో రూ.6 లక్షల విలువైన నూతన పోటీ పరీక్షల పుస్తకాలను కొనుగోలు చేసి జిల్లాలోని గ్రంథాలయాలకు పంపిణీ చేశారు. బుధవారం కశింకోట శాఖా గ్రంథాలయంలో జరిగిన కార్యక్రమంలో సంస్థ చైర్మన్ వన్నెంరెడ్డి సతీష్ కుమార్ మాట్లాడుతూ, ప్రభుత్వం జాబ్ క్యాలెండర్ విడుదల చేసిన నేపథ్యంలో పోటీ పరీక్షలకు సిద్ధమవుతున్న యువతకు ఉపయోగపడేలా పుస్తకాలను అందుబాటులోకి తీసుకొచ్చినట్లు తెలిపారు. విద్యార్థులు ఈ అవకాశాన్ని సద్వినియోగం చేసుకుని ఉన్నత భవిష్యత్తుకు బాటలు వేసుకోవాలని సూచించారు. కార్యక్రమంలో కార్యదర్శి బుర్రీ కుమార్ రాజు, గ్రంథాలయ సిబ్బంది, గ్రంథపాలకులు పాల్గొన్నారు.

  • punnami
  • September 16, 2026
  • 0 Comments
  • 29 Views
విశాఖపట్నం

వేచలంలో భక్తిశ్రద్ధలతో వినాయక చవితి వేడుకలు

శ్రీ వరసిద్ధి వినాయక మందిరంలో ప్రత్యేక పూజలు.. 20న అన్నసమారాధన వేచలం: వినాయక చవితి పర్వదినాన్ని పురస్కరించుకుని వేచలం గ్రామంలోని ఊరు దిగువన ఉన్న శ్రీ వరసిద్ధి వినాయక మందిరం వద్ద సోమవారం భక్తిశ్రద్ధలతో ప్రత్యేక పూజా కార్యక్రమాలు నిర్వహించారు. శ్రీ వరసిద్ధి వినాయక స్వామివారికి ప్రత్యేక పూజలు, అభిషేకాలు నిర్వహించి భక్తులు భక్తిప్రపత్తులతో స్వామివారిని దర్శించుకున్నారు. ఈ సందర్భంగా గ్రామానికి చెందిన స్థానిక ప్రజలు, భక్తులు పెద్ద సంఖ్యలో పాల్గొని వినాయకుడికి పూజలు నిర్వహించారు. ఆలయ ప్రాంగణం భక్తుల రాకతో సందడిగా మారింది. స్వామివారి ఆశీస్సులతో గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని భక్తులు ఆకాంక్షించారు. వినాయక చవితి సందర్భంగా నిర్వహించిన పూజా కార్యక్రమాల్లో శ్రీ వరసిద్ధి వినాయక కమిటీ సభ్యులు చురుగ్గా పాల్గొని ఏర్పాట్లను పర్యవేక్షించారు. భక్తులకు ఎటువంటి అసౌకర్యం కలగకుండా అవసరమైన ఏర్పాట్లు చేశారు. గ్రామ ప్రజలు ఐకమత్యంతో పూజా కార్యక్రమాల్లో పాల్గొనడం పట్ల కమిటీ సభ్యులు ఆనందం వ్యక్తం చేశారు. 20న అన్నసమారాధన వినాయక చవితి ఉత్సవాల్లో భాగంగా ఈ నెల 20వ తేదీ ఆదివారం శ్రీ వరసిద్ధి వినాయక మందిరం వద్ద ఘనంగా అన్నసమారాధన కార్యక్రమం నిర్వహించనున్నట్లు కమిటీ తెలిపింది. గ్రామ ప్రజలు, భక్తులు పెద్ద సంఖ్యలో హాజరై స్వామివారి దర్శనం చేసుకుని అన్నప్రసాదాన్ని స్వీకరించాలని కమిటీ విజ్ఞప్తి చేసింది. వినాయక చవితి సందర్భంగా పూజా కార్యక్రమాలతో పాటు అన్నసమారాధన నిర్వహించడం ద్వారా భక్తి, సేవాభావం, గ్రామ ప్రజల మధ్య ఐక్యతను చాటిచెప్పే వాతావరణం ఏర్పడుతోందని స్థానికులు పేర్కొన్నారు. ప్రతి ఒక్కరి సహకారంతో కార్యక్రమాన్ని విజయవంతం చేయాలని శ్రీ వరసిద్ధి వినాయక కమిటీ కోరింది.

విశాఖపట్నం

ముఖ్యమంత్రి నారా చంద్రబాబు నాయుడు చేతుల మీదుగా ‘రాష్ట్రపతి అవార్డు’ అందుకున్న ‘క్లూస్ టీమ్’ ఇంచార్జ్ సిరికి లక్ష్మీ నరసింహారావు

అనకాపల్లి జిల్లా పోలీస్ శాఖ ఆర్మ్డ్ రిజర్వ్ విభాగంలో ఆర్ఎస్ఐ గా బాధ్యతలు నిర్వర్తిస్తున్న సిరికి లక్ష్మీ నరసింహారావు ప్రతిష్టాత్మక “ప్రెసిడెంట్ మెరిటోరియస్ సర్వీస్ మెడల్ – 2024 (ఉత్తమ సేవా పతకం)” అందుకున్నారు. అమరావతి (నేలపాడు)లో వైభవంగా నిర్వహించిన స్వాతంత్ర్య దినోత్సవ వేడుకలలో ఆంధ్రప్రదేశ్ ముఖ్యమంత్రి నారా చంద్రబాబు నాయుడు చేతుల మీదుగా ఆయన ఈ పురస్కారాన్ని స్వీకరించారు. ​విధుల్లో ఆయన ప్రదర్శించిన అత్యున్నత క్రమశిక్షణ, నిబద్ధత, విశిష్ట సేవలను గుర్తించి కేంద్ర హోం మంత్రిత్వ శాఖ ఈ అవార్డుకు ఎంపిక చేసింది. 43 ఏళ్ల సుదీర్ఘ సేవ – ‘క్లూస్ టీమ్’లో 25 ఏళ్ల నైపుణ్యం: లక్ష్మీ నరసింహారావు కి పోలీస్ శాఖలో 43 ఏళ్ల సుదీర్ఘ సేవా అనుభవం ఉంది. అందులో గత 25 ఏళ్లుగా విశాఖపట్నం సిటీ, అనకాపల్లి, మరియు ఏఎస్ఆర్ జిల్లాల్లో ‘క్లూస్ టీమ్’ (CLUES Team) విభాగంలో సమర్థవంతంగా విధులు నిర్వహించారు. ​హత్యలు, దొంగతనాలు, రాబరీ, డకోయిటీ, అనుమానాస్పద మరణాలు తదితర సంఘటనల్లో ఘటనా స్థలాల నుంచి భౌతిక ఆధారాలను అత్యంత నైపుణ్యంతో సేకరించారు. ​సేకరించిన ఆధారాలను ఎఫ్ఎస్ఎల్ (FSL) ద్వారా దర్యాప్తు అధికారులకు (IO) అందించి, క్లిష్టమైన కేసుల్లో నిందితులకు న్యాయస్థానాల్లో శిక్షలు పడేలా కీలక పాత్ర పోషించారు. గతంలో సాధించిన పురస్కారాలు: ​70 క్యాష్ రివార్డులు (Cash Rewards), ​20 జీఎస్సీలు (GSCs), ​సేవా పతకం, వీటన్నింటికీ మకుటంగా ఇప్పుడు రాష్ట్రపతి ఉత్తమ సేవా పతకం దక్కడం విశేషం. ​జిల్లా ఎస్పీ తుహిన్ సిన్హా, ఐపీఎస్ ప్రత్యేక అభినందనలు: రాష్ట్రపతి అవార్డు గ్రహీత ఆర్ఎస్ఐ లక్ష్మీ నరసింహారావును అనకాపల్లి జిల్లా ఎస్పీ తుహిన్ సిన్హా, ఐపీఎస్ బుధవారం తన కార్యాలయంలో ప్రత్యేకంగా అభినందించారు. *ఈ సందర్భంగా ఎస్పీ గారు మాట్లాడుతూ — “నేర దర్యాప్తులో శాస్త్రీయ ఆధారాల సేకరణ అత్యంత కీలకమైనది. లక్ష్మీ నరసింహారావు క్లూస్ టీమ్‌లో 25 ఏళ్లుగా నిబద్ధతతో అందించిన సేవలు ప్రశంసనీయం. ఆయన కృషికి దక్కిన సరైన గుర్తింపు ఇది. ఇది అనకాపల్లి జిల్లా పోలీస్ యంత్రాంగానికి దక్కిన గొప్ప గౌరవం” అని కొనియాడారు. ​ఈ కార్యక్రమంలో జిల్లా పోలీస్ అధికారులు, క్లూస్ టీమ్ ఇన్ స్పెక్టర్ టి.విజయ, తోటి సిబ్బంది పాల్గొని ఆర్ఎస్ఐ లక్ష్మీ నరసింహారావు కి శుభాకాంక్షలు తెలియజేశారు.